মালেমগী তুরিজম নুমিত্তা পেত্রোলিয়ম অমসুং নেচরেল গ্যাসকী মন্ত্রী শ্রী ধর্মেন্দ্র প্রধান্না ঙসি ভর্চুএল ওইবা থৌরম অমদা তুরিজমগী রাজ্য মন্ত্রী (মনীং তম্বা) শ্রী প্রলহাদ সিংহ পতেলগা লোইননা “তুরিজম অমসুং খুঙ্গং চাউখৎপা” হায়বা থীম অসিদা ৱা ঙাংখ্রে। 

মন্ত্রী প্রধান্না তুরিজম মন্ত্রীবু “দেখো অপনা দেশ”কী লেমজনীংঙাই ওইবা থৌরাং অসি পায়খত্তুনা ইরমগী ওইবা পারি-পুরিগী ওইবা লনশিং অমসুং তুরিস্তকী মফমশিং অসি শৌগৎলিবা অমদি পুক্নীং থৌগৎলিবা অসিগীদমক্তা থাগৎপা ফোংদোকখ্রে। মহাক্না তুরিজম ইন্দস্ত্রী অসিবু চাউখৎহন্নবগীদমক্তা মপাল নাইদ্রবা স্কোপ কয়া পীরিবা ভারতকী ইনাক খুল্লবা ইনাৎ, পুৱারী অমদি অরিবা আর্কিতেকচরগী ওইবা মার্বেলশিংগী মতাংদা হায়খি।  মালেম অসি গ্লোবেল ভিলেজ অমা ওইহনবদা ইন্তর্নেৎনা লৌরিবা থৌদাংগী মতাংদা হায়রদুনা শ্রী প্রধান্না ভারতকী থাক অসি হেন্না মপাঙ্গল হেনগৎহন্দুনা মালেমগী তুরিস্তকী হোৎস্পোৎ ওইহন্নবা তেক্নোলোজী নীংথিনা শিজিন্ননবা হায়খি।

শ্রী প্রধান্না তুরিজম ইনদস্ত্রীদা থবক থোরকহন্নবা অমদি ঐখোয়গী নহা ওইরিবশিং অমদি খুঙ্গংগী মফমশিং মপাঙ্গল হেনগৎহন্নবগীদমক্তা হান্না অমুক্তা তৌখিদ্রিবা মওংদা মপাঙ্গল হাপকৎলি হায়না ফোংদোকখি। ঐখোয়গী লৈবাক অসিগী জিলা খুদিংমক্তা পুথোক্তুনা খঙহন্নবগীদমক্তা  পুৱারীগী ওইবা ৱারীশিং লৈ নত্রগা ৱারী লিনবগীদমক্তা ফুঙ্গাৱারী লৈ অমদি ভারতনা ২০২২দা ৭৫শুবা নীংখা-তমখিবগী নুমিৎ অসি পাংথোক্কদৌরিবা ওইবনা ঐখোয়গী নীংতম লাম্নীশিংনা মথৌনা উৎলমখিবা মফমশিংগী মনাক নকপশিংদা তুরিজমগী মফম হেন্না শেমগৎনবা হোৎনগদবনি হায়না শ্রী প্রধান্না ফোংদোকখি।

মন্ত্রী প্রধান্না তুরিজম অসিগা লোয়ননা ফিশা-লোনশা তৌবগী থবক অসি তুং-কোইনা তৌহন্দুনা মরুওইবা তুরিজমগী মফমশিংদা ঐখোয়গী অরিবা ফুরা-দলানশিং অসি ঙাক-শেন্দুনা তুরিস্তকী ওইনা হেন্না লু-নানবা অকোইবগী ফীভম অমা শেমগৎনবা চাদা ১০০ শেংবা ফ্যুএলশিং স্বিচ তৌনবা তেংবাং পীনবগী ৱাফম ফোংদোকখি।

*****