মপুরোয়বগা খায়নরবা মচানুপীশিংনা ফেমিলী পেন্সন লৌনবা চৎন-কাংলোনশিং কোমথোকখ্রে অমসুং হৌজিক মচানুপী অমনা করিগুম্বা মপুরোয়বগা খায়নবা অদু লোইশিন্নদ্রিবা অদুবু মহাক্কী লৈখিদ্রবা মমা-মপাগী থবক/পেন্সনগী মতমদা খায়নবগী পীতিসন ফাইল তৌখ্রবদি ফেমিলী পেন্সন লৌবা য়ারগনি।

পেন্সন অমসুং পেনস্নরশিংগী য়াইফ-থৌরাংগী বিভাগ, অৱাং নোংপোক্কী য়াইফ-থৌরাং (দোনর), এম.ও.এস. পি.এম.ও., পর্সনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (মনিংতম্বা চার্জ) দা. জিতেন্দ্র সিংহনা হায় মমাংদদি চৎন-কাংলোন অসিনা করিগুম্বা মহাক্কী লৈখিদ্রবা মমা মপা ওইরিবা পেন্সন চারিবা নত্রগা মহাক্কী খোঙলোয়না হিংলিঙৈ মতমদা খায়নবা খক্তদা ফেমিলী পেন্সন অসি মপুরোয়বা খায়নরবা মচানুপী অমদা পীবা য়ারম্মি। অনৌবা চেরোল অসিনা পেন্সন চারিবা মীওইশিংগী পুন্সিদা খুদোংচাবা পীবা খক্তা নত্তনা মসিনা খুন্নাই অসিদা লৈরিবা মপুরোয়বা খায়নরবী মচানুপীশিংদসু ইজৎ লৈনা অমদি চপ মান্নবা হকশিং ফংহনবা ঙম্লগনি।

করিগুম্বা দিসএবিলিতী সর্তিফিকেৎ অসি পেন্সন চারিবা মমা-মপানা লৈখিদবা মতুংদা পুথোক্লবসু মমা-মপা ওইরিবা অদুনা হিংলিঙৈদা শোইনাইবা ওইরবদি দিব্যাং অঙাং অমা নত্রগা মচিন-মনাওনা ফেমিলী পেন্সন অসি ফংবা য়াগনি হায়বগী ওর্দর থোকখ্রে। দা. জিতেন্দ্র সিংহনা হায়খি অসিগুম্না দিব্যাং পেন্সনরশিংনা হিংবদা কোমজনবা হেল্পরগী এতেন্দেন্ত এল্লাৱান্স অসি থা অমদা লুপা ৪,৫০০তগী থা অমদা লুপা ৬,৭০০দা হেনগৎহনখ্রে।

দা. জিতেন্দ্র সিংহনা হায়খি পেন্সন বিভাগনা লৌখৎখিবা খ্বাইদগী শীংথনিংঙাই ওইবা খোঙথাং অসি দিজিতেল লাইফ সর্তিফিকেৎ পীবগী মতাংদনি। মহাক্না হায়খি থবক্তগী পোত্থরবা সিনিয়র সিতিজেনশিংনা মখোয়গী মচাশিংগা লোয়ননা মীরমদা লৈখ্রবশিংনা মায়োক্নরিবা খুদোংচাদবা অসি য়েংলগা চেরোল অসিনা হায়রি মদুদি মীরমদা লৈখ্রবশিংগী ওইনা লাইফ সর্তিফিকেৎ অমসুং ফেমিলী পেন্সন পীবা হৌবগী মতাংদা অপুনবগী চৎনা কাংলোন পীবগা লোয়ননা মরী লৈনবা মীরমগী বেঙ্ককী ব্রাঞ্চ অমসুং ইন্দিয়ন এম্বেসী/কন্সুলেৎ/হাই কম্মিসন্না লাইফ সর্তিফিকেৎ পীনবা অমসুং ফেমিলী পেন্সন মফম অদুদগী অদুমক পীবা হৌনবা খঙহনখ্রে।

মসিগা লোয়ননা দা. জিতেন্দ্র সিংহনা হায়খি, বেঙ্ক চৎপা ঙমদ্রবা পেন্সনরশিংদা লাইফ সর্তিফিকেৎ অসি ময়ুমদা পীনবা পেন্সন পীরিবা বেঙ্ক পুম্নমক্তা য়াথং পীখ্রে।

<><><><><>