ইন্দিয়ন রিন্যুৱেবল ইনর্জী দিবেলপমেন্ত এজেন্সী লিমিতেদ (আই.আর.ই.দি.এ.)না লৈবাক অসিদা মখোয়গী অহুমশুবা ব্রাঞ্চ ওফিস অমা বোরোৱর অমসুং স্তেকহোল্দরশিংদা থবক থৌরমশিং লায়না পাঙথোকপা য়াহন্নবা মুম্বাইদা হাংদোকখ্রে। মিনি রতনা (কেতেগোরী-১), ন্যু অমসুং রিন্যুৱেবল ইনর্জী (এম.এন.আর.ই.গী মখাদা লৈবা ভারত সরকারগী ইন্তর্প্রাইজ অমা ওইরিবা এজেন্সী অসিগী ব্রাঞ্চ অনী চেন্নৈ অমসুং হায়দেরবাদতা লৈখ্রে।

শ্রী প্রদীপ কুমার দাস, সি.এম.দি., আই.আর.ই.দি.এ.না মুম্বাইগী অন্ধেরী ইস্ততা কম্পেনী অসিগী অনৌবা ওফিস ঙসি অমা শ্রী চিন্তন শাহ, দিরেক্তর (তেক্নিকেল), বোরোৱর অমসুং অতোপ্পা সেনিয়র ওফিসিএলশিং য়াওনা হাংখি। থৌরম অদুদা ৱা ঙাংলদুনা সি.এম.দি.না হায়খি, "মুম্বাই ব্রাঞ্চ অসি কম্পেনী অসিগী থবক পাকথোক চাউথোকহনবগী পান্দম অদু মংফাওননবা হোৎনবদা অচৌবা থৌদাং লৌগনি। মসিনা লমদম অসিগী বোরোৱর অমসুং স্তেকহোল্দরশিংদা থবক থৌরমশিং লায়না পাঙথোকপা য়াহনগনি।"

সি.এম.দি.না হায়খি, "মুম্বাই অসি শেলথুমগী ময়োল ওইবা অমসুং আই.আর.ই.দি.এ.গী থবক্কী নক্নবা ওইবনা অনৌবা ব্রাঞ্চ অমা হাংদোকপা হায়বসি মতম কুইরবগী মমাংদগী ফাওরকখ্রবনি। কোবিদ-১৯ লাইচৎকী মনুং অসিদা, খোংথাং অসিনা মরী লৈনবা খুদিংমক্তা খুদোংচাহনগনি।" শ্রী দাসনা হায়খি মদুদি কম্পেনী অসিনা লৈবাক অসিগী লল্লোন ইতীক্কী মফম ওইবা লমশিংদা ব্রাঞ্চ হাংদোক্নবা হোৎনরি। মহাক্না কম্পেনী অসিনা দিসেন্ত্রেলাইজ তৌনবা হোৎনরিবা অসি থবক তৌবদা লাইহন্নবা, সরকারনা হোৎনরিবা অসি ফংনবনি।

আই.আর.ই.দি.এ.গী মরমদা

আই.আর.ই.দি.এ. হায়বসি ১৯৮৭দা নোন বেঙ্কিং ফাইনান্সিএল ইন্সতিত্যুসন ওইনা ন্যু অমসুং রিন্যুএবল সোর্স ওব ইনর্জী অমসুং ইনর্জী ইফিসিএনসি/কঞ্জর্বেসনগী "ইনর্জী ফোরএবর" হায়বা মোতো অসিদা শেমগৎনবা, চাউখৎনবা অমসুং শেলগী মতেং পীনবা হাংদোকখিবা পব্লিক লিমিতেদ গবর্ন্মেন্ত কম্পেনী অমনি। আই.আর.ই.দি.এ.গী কোর্পোরেৎ অমসুং রেজিস্তর্দ ওফিস অসি নৈ দিল্লীদা লৈ।

*****