ইলেক্সন কম্মিসন ওফ ইন্দিয়ানা তাং ০৫.০৩.২০২০গী প্রেস নোত নম্বর ই.সি.আই./পি.এন./৩০/২০২০দা সিত্তিং মেম্বর শ্রী আর. ঙুপথি রেদ্দী কিসক্বালিফাই তৌখিবনা মরম ওইরগা হাঙদুনা লৈরিবা নিজামবাদ লোকেল ওথোরিতীশিংগী কন্সতিত্যুএন্সীগী তেলঙ্গনা লেজিস্লেতিব কাউন্সিলগী মরক্কী মীখল লাউথোকখি অমদি তাং ১২.০৩.২০২০দা নোতিফিকেসন নম্বর ১০০/তি.এল.-এল.সি./০৮/২০১৯-এল.এ.সি. থোক্তুনা খঙহনখি‍। তাং ২৩.০৩.২০২০দা মীরেপচে লৌথোকপগী অরোয়বা মতম লানখ্রবা মতুংদা কেন্দিদেত ০৩ লম্বা তৌনগদবা মীখল অদুগী লম্বা তৌনগদবা মীরেপশিংগী মমীং ফোর্ম ৭বি.দা ফোঙখি‍। মীখল অদু তাং ১২.০৩.২০২০দা থোকখিবা নোতিফিকেসন অদুগী মতুং সন্না ০৭.০৪.২০২০ (লৈবাকপোকপা)দা পাঙথোক্কদবনি অমদি মীখল অদু লোইশিনগদবা তাংনা ১৩.০৪.২০২০ (নিংথৌকাবা) ফাওবগী মনুংদনি‍।

২.         হান্না উবা ঙমদবা কোবিদ-১৯না মরম ওইরগা লাকখিবা পব্লিক হেল্থ ইমর্জেন্সী অমসুং মরী লৈনবা ওথোরিতীনা দিজাস্তর মেনেজমেন্ত এক্ত, ২০০৫কী মখাদা পাস তৌখিবা চৎন-পথাপশিং অমসুং য়াথংশিংগী য়েংলগা, ইলেক্সন কম্মিসন্না তাং ২৪.০৩.২০২০দা থোকখিবা নোতিফিকেসন অমদা, ভারত সংবিধানগী আর্তিকল ৩২৪ অমসুং রিপ্রেজেন্তেসন ওফ দি পীপল এক্ত, ১৯৫১গী সেক্সন ১৬কী মখাদা মীখলগী মতম নুমিৎ ৬০ শাংদোকখি, অমদি মখা তানা অমুক তাং ২২.০৫.২০২০ অমসুং তাং ০৬.০৭.২০২০দা থোকখিবা নোতিফিকেসনশিংদা মথঙশিৎনা নুমিৎ ৪৫ অমসুং মতুং তারকপা মতম অমদা অমুক শাংদোকখি‍।

৩.         তাং ১২.০৩.২০২০দা থোকখিবা নোতিফিকেসনগী মখাদা পাঙথোকখ্রবা থবক থৌরমশিং চৎনখিগনি অমদি মখা তারকপা থৌরমশিংগীদমকসু হায়রিবা নোতিফিকেসন অদুদা পনখি‍।

৪.         কম্মিসন অসিনা তেলঙ্গনাগী চীফ ইলেক্তোরেল ওফিসরদগী ফংবা ৱাফমশিং খন্নরবা মতুংদা হৌজিক মথক্তা পনখ্রিবা তেলঙ্গনাগী নিজামবাদ লোকেল ওথোরিতীশিংগী কন্সতিত্যুএন্সীগী মরক্কী মীখল মখাদা পীরিবা থৌরম পরেংশিং অসিগী মতুং ইন্না পাঙথোক্ননবা ফিরেপ লৌরে:-

৫.         মীখল অসিগা মরী লৈনবা মোদেল কোদ ওফ কন্দক্ত কন্সতিত্যুএন্সী অসিদা খুদক্তগী চৎনবা হৌরগনি‍। চান্বিদুনা অকুপ্পা ৱারোল কম্মিসনগী ৱেবসাইতকী মখাদা পীরিবা লিঙ্ক অসিদা য়েংবিয়ু:

https://eci.gov.in/files/file/4070-biennial-bye-elections-to-the-legislative-councils-from-council-constituencies-by-graduates%E2%80%99-and-teachers%E2%80%99-and-local-authorities%E2%80%99-constituencies-%E2%80%93-mcc-instructions-%E2%80%93-regarding/

৬.         মীপুম খুদিংমক্কী ওইনা মীখলতৌ থৌরাং মনুংদা ইনগদবা চাউরাকপা চৎপ-পথাপশিং:-

            ১.         মীখলগা মরী লৈনবা থবক থৌরম খুদিংমক্তা মীপুম খুদিংমক্না মায়খুম শীজিন্নগদবনি‍।

            ২.         মীখলগীদমক শীজিন্নবা হোল/ কা/ মফমশিংগী চঙফমদা:

                        (ক)       মীপুম খুদিংমক্কী থর্মেল স্কেন্নিং তৌগদবনি:

                        (খ)       মফম খুদিংমক্তা সেনিতাইজর ফংহনগদবনি

৩.           স্তেত লৈঙাক্কী অমদি হোম এফ্যার্স মন্ত্রালয়গী চৎনরিবা কোবিদ-১৯গী চৎন-পথাপশিংগী মতুং সন্না সোসিএল দিস্তেন্সিং থমগদবনি‍।

৪.            হেক য়ারিবমখৈ অচৌবা হোলশিং খঙদোক্তুনা সোসিএল দিস্তেন্সিংগী চৎন-কাঙলোনশিং ঙাকপা ঙম্নবা শীজিন্নগদবনি‍।

৫.           মীখলগী মরী লৈনবা মীওইশিং, সিক্যুরিতী পর্সোনেলশিং চত্থোক চৎশিন তৌবদা কোবিদ-১৯গী চৎন-পথাপশিং ঙাক্নবগীদমক গারী মরাঙ কায়না শীজিন্নগদবনি‍।

৭.         কোবিদ-১৯ মনুংদা মীখল অসি পাঙথোকপদা চেকশিন্না ইনগদবা চাউরাকপা চৎন-পথাপশিংগীদমক কম্মিসনগী ৱেবসাইতকী মখাদা পীরিবা লিঙ্ক অসিদা ফংলিবা চৎন-পথাপশিং অসি য়েংবিয়ু:-

https://eci.gov.in/files/file/12167-broad-guidelines-for-conduct-of-general-electionbye-election-during-covid-19/

*****