রাস্ত্রপতিগী লোইশঙ
মীওইবগী অমসুং লৈবাক্কী মতেং পাংবা হায়বসি ঐখোয়গী মমল লৈরবা সিস্তেম অসিগী চৎনবি ওইখ্রে: রাস্ত্রপতি কোবিন্দ
রাস্ত্রপতিনা নেস্নেল সর্ভিস স্কিম এৱার্দশিং ভর্চুয়েল্লি ওইনা পীখ্রে
Posted On:
24 SEP 2020 6:24PM by PIB Imphal
মীওইবগী অমসুং লৈবাক্কী মতেং পাংবা হায়বসি ঐখোয়গী মমল লৈরবা সিস্তেম অসিগী চৎনবি ওইখ্রে৷ মসিনা ঐখোয়গী চৎনবিদা মরা তাশিনখ্রে, ঙসি ন্যু দিল্লীদা(২০২০,সেপ্তেম্বর তাং 24) পাংথোকখিবা থৌরম নেস্নেল সর্ভিস স্কিম এৱার্দ অসিদা রাস্ত্রপতি রাম নাথ কোবিন্দনা সর্ভিস মোতিবকী মরী লৈনবশিং অসি খঙনবা হোৎনবা হায়বসি য়াম্না অরুবা অমা ওই হায়না ফোংদোকখ্রে৷
মহত্ম গান্ধীবু খুদম ওইনা পুথোক্তুনা রাস্ত্রপতি কোবিন্দনা ফোংদোকখ্রে মদুদি সর্ভিস হায়বসি মীওইবা খক্তদা মতেং পাংবা অদুখক নত্তে মহৌশাবু নুংশিবা হায়বসিসু অফবা সর্ভিস অমনি হায়না হায়খি৷ নেস্নেল সর্ভিস স্কিম অসি ১৯৬৯দা লোঞ্চ তৌখি, মসিবু নিংশিংবা ওইনা পাংথোক্লিবা ১০০শুবা মপোক নুমিৎ অসিদা মহাক্না ৱা ঙাংলদুনা অসুম্না ফোংদোকখ্রে মদুদি স্কিম অসি ঙসি ফাওবদা লেপ্পা লৈতনা চৎনদুনা লাক্লি৷ মহাক্না কোবিদ-১৯ লাইনা-লাইচৎকী তেস্ত তৌবগী মতম অসিফাওবদা এৱার্দশিং পীবা হায়বসি মহাক্না য়ানিংই হায়না ফোংদোকখি অমসুং য়ুথ এফিয়র্স অমসুং স্পোর্তকী মন্ত্রালয়না হোৎনরিবশিং অসিবুসু থাগৎপা ফোংদোকখি৷
এন.এস.এস.কী মতাংদা ৱা ঙাংলদুনা রাস্ত্রপতি কোবিন্দনা খঙলে মদুদি তোঙান তোঙানবা খোংথাংশিং তৌদুনা লৈরিবা এন.এস.এস.কী মোতো “ঐ নত্তে, অদুবু নঙনি” হায়রিবা অসি শিজিন্নদুনা কম্মুনিতী সর্ভিসকীদমক নহাশিংবু ভোল্যুনতিয়র ওইনা মতেং পাংহনবদা পুক্নিং হাপ্লিবা অদু মহাক্না উরম্মী৷ হায়রিবা নোবল স্কিম অসিগী চৎমিন্নরিবা তোঙান তোঙানবা ইজুকেস্নেল ইন্সতিত্যুতশিংগী মহৈরোই লাখ 40গা চৎমিন্নবা হায়বসি পুকনিং থৌগৎপা য়াবা চাওখৎপা অমনি অমসুং ঐখোয়গী লৈবাক অসিগী মরাইবক অসি ফনা লৈরগনি হায়বসি মহাক্না থজরে হায়না ফোংদোকখি৷
নহা ওইরিবা ভোল্যুনতিয়রশিং অসিনা পাংথোক্লিবা থবকশিং অসি থাগৎলদুনা রাস্ত্রপতিনা ফোংদোকখ্রে মদুদি কোবিদ-১৯গী মতম অসিদা সোসিয়েল দিস্তেনসিংগী অমসুং মফম চানা মাক্সশিং শিজিন্নবগী এৱেয়রনেস অসি শন্দোকপা মতমদা ভোল্যুনতিয়রশিং অসিনা অচৌবা খুৎলাই অমা ওইরি৷ হায়রিবা মতম অসিদা ক্বারেন্তিন অমসুং আইসোলেতেদ পেসেন্তশিংদা মখোয়গী চানবা চিঞ্জাক অমসুং দরকার লৈরিবশিং অসি ফংহনবদা ভোল্যুনতিয়রশিং অসিনা য়াম্না চাউনা মতেং পাংই৷ অসিগীসু মথক্তা হায়রিবা ভোল্যুনতিয়রশিং অসিনা ইশিং-ইচাউ অমসুং য়ুহার হারকপা মতমদা ভিক্তিমশিং অদুদা রিলিফ অমসুং রিহেবিলিতেসন পীবদা থামোই শেংনা মতেং পাংই হায়দুনা মহাক্না ফোংদোকখি৷
এৱার্দী ৪২গী মনুংদা নুপী ১৪ য়াওরকপা অসি রাস্ত্রপতি অসিনা পুক্নিং থৌগৎলম্মী৷ ঐখোয়গী লৈবাক অসিগী নুপীমচাশিং অসি লৈবাক অসিগী মতেং পাংদুনা থৱাই কৎখ্রবা সাভিত্রিবাই ফুলে, কসতুরব গান্ধী অমসুং মাদর তেরেসাগী চৎনা কাংলোন অদু ইল্লে৷
রাস্ত্রপতিগী ৱারোল অদু হিন্দীদা য়েংন্নবগীদমক মফম অসিদা নম্বিয়ু
*****
(Release ID: 1658946)
Visitor Counter : 95