ਮੌਜੂਦਾ ਕੋਵਿਡ-19 ਸੰਕਟ ਦੌਰਾਨ, ਭਾਰਤ ਸਰਕਾਰ ਆਪਣੇ ਵੱਖ-ਵੱਖ ਸਬੰਧਿਤ ਮੰਤਰਾਲਿਆਂ ਅਤੇ ਵਿਭਾਗਾਂ ਰਾਹੀਂ ਉਪਕਰਣ, ਜਾਂਚ, ਵੈਕਸੀਨ, ਇਲਾਜ ਅਤੇ ਹੋਰ ਸਬੰਧਿਤ ਕੰਮਾਂ ਦੇ ਮਾਮਲੇ ਵਿੱਚ ਨਵੀਨ ਤਕਨੀਕੀ ਦਖਲਅੰਦਾਜ਼ੀ ਦੇ ਵਿਕਾਸ ਵੱਲ ਕੰਮ ਕਰ ਰਹੀ ਹੈ। ਪਿਛਲੇ ਕੁਝ ਮਹੀਨਿਆਂ ਵਿੱਚ ਨਿਦਾਨ ਕਿੱਟਾਂ, ਇਲਾਜ,ਥੈਰਾਪਟਿਕਸ, ਵੈਕਸੀਨ ਅਤੇ ਕੁਸ਼ਲ ਰੋਗਾਣੂ-ਮੁਕਤੀ ਢੰਗਾਂ, ਚਿਹਰੇ ਦੇ ਮਾਸਕ, ਸੰਪਰਕ ਰਹਿਤ ਡਿਜੀਟਲ ਸੈਨੀਟੇਸ਼ਨ ਆਦਿ ਦੇ ਵਿਕਾਸ ਲਈ ਉਦਯੋਗਾਂ ਅਤੇ ਅਕਾਦਮਿਕ ਖੇਤਰ ਨੂੰ ਖੋਜ ਅਤੇ ਵਿਕਾਸ ਲਈ ਸਹਾਇਤਾ ਵਧਾਉਣ ਵੱਲ ਜ਼ਿਆਦਾ ਧਿਆਨ ਦਿੱਤਾ ਗਿਆ ਹੈ। ਬਜਟ ਵਿੱਚ ਵੱਖ-ਵੱਖ ਖੋਜ ਅਤੇ ਵਿਕਾਸ ਯੋਜਨਾਵਾਂ ਲਈ 3979.53 ਕਰੋੜ ਰੁਪਏ ਦਾ ਪ੍ਰਬੰਧ ਕੀਤਾ ਗਿਆ ਹੈ । ਇਨ੍ਹਾਂ ਗਤੀਵਿਧੀਆਂ ਦਾ ਵੇਰਵਾ ਅਨੁਲਗ-ਏ ਵਿੱਚ ਦਿੱਤਾ ਗਿਆ ਹੈ।

 

ਵੱਖ-ਵੱਖ ਮੰਤਰਾਲਿਆਂ ਅਤੇ ਉਨ੍ਹਾਂ ਦੇ ਵਿਭਾਗਾਂ ਦੁਆਰਾ ਕੋਵਿਡ ਵਾਇਰਸ ਤੋਂ ਲੋਕਾਂ ਨੂੰ ਬਚਾਉਣ ਲਈ ਦੇਸ਼ ਭਰ ਵਿੱਚ ਡਾਇਗਨੌਸਟਿਕ, ਇਲਾਜ, ਪੀਪੀਈ, ਮਾਸਕ, ਸੈਨੀਟਾਈਜ਼ਰਜ਼ ਆਦਿ ਤਕਨੀਕੀ ਪਹਿਲਾਂ ਦੇ ਰੂਪ ਵਿੱਚ ਵਰਤੇ ਜਾ ਰਹੇ ਹਨ।

 

ਸਰਕਾਰੀ ਦਫਤਰਾਂ ਸਮੇਤ ਵੱਖ-ਵੱਖ ਪੀਪੀਈ, ਮਾਸਕ ਅਤੇ ਡਾਇਗਨੌਸਟਿਕ ਕਿੱਟਾਂ  ਦੇਸ਼ ਭਰ ਵਿੱਚ ਭੇਜੀਆਂ ਗਈਆਂ ਹਨ।

 

ਅਨੁਲਗ-ਏ

 

ਏ.       ਬਾਇਓਟੈਕਨੋਲੋਜੀ ਵਿਭਾਗ (ਡੀਬੀਟੀ):

ਬਾਇਓ ਟੈਕਨੋਲੋਜੀ ਵਿਭਾਗ (ਡੀਬੀਟੀ) ਅਤੇ ਇਸ ਦੀਆਂ ਜਨਤਕ ਇਕਾਈਆਂ ਬਾਇਓਟੈਕਨੋਲੋਜੀ ਸਨਅਤ ਖੋਜ ਸਹਾਇਤਾ ਪਰਿਸ਼ਦ (ਬੀਆਈਆਰਏਸੀ) ਨੇ ਹੈਲਥਕੇਅਰ ਇਨੋਵੇਸ਼ਨ ਈਕੋਸਿਸਟਮ ਦੇ ਨਾਲ ਮਿਲ ਕੇ ਬਾਇਓਟੈਕ ਕੰਪਨੀਆਂ ਤੋਂ ਲੈਕੇ ਉਦਮੀਆਂ ਦੇ ਨਾਲ ਕੋਵਿਦ-19 ਆਲਮੀ ਸਿਹਤ ਦੇਖਭਾਲ ਸੰਕਟ ਨਾਲ ਨਿਪਟਣ ਲਈ ਸਿੱਖਿਆ  ਸੰਸਥਾਨਾਂ ਵਿੱਚ ਲਿਆਂਦਾ ਹੈ। ਕੋਵਿਡ-19 ਰਿਸਰਚ ਕਨਸੋਰਟੀਅਮ ਨੂੰ ਇੱਕ ਉਪਕਰਣ, ਡਾਇਗਨੌਸਟਿਕਸ, ਉਪਚਾਰੀ, ਵੈਕਸੀਨ ਦੇ ਉਮੀਦਵਾਰਾਂ ਅਤੇ ਹੋਰ ਦਖਲਅੰਦਾਜ਼ੀ ਬਾਰੇ ਖੋਜ ਅਤੇ ਵਿਕਾਸ ਪ੍ਰਸਤਾਵਾਂ ਦਾ ਸਮਰਥਨ ਕਰਨ ਦਾ ਐਲਾਨ ਕੀਤਾ ਗਿਆ ਸੀ।

 

1. ਉਪਕਰਣ ਅਤੇ ਜਾਂਚ: ਵਿਭਾਗ ਨੇ ਆਂਧਰ ਪ੍ਰਦੇਸ਼ ਮੈਡਟੈਕ ਜ਼ੋਨ (ਏਐਮਟੀਜ਼ੈੱਡ), ਵਿਸ਼ਾਖਾਪਟਨਮ ਨੂੰ ਰਾਸ਼ਟਰੀ ਬਾਇਓਫਾਰਮਾ ਮਿਸ਼ਨ ਦੇ ਅਧੀਨ ਕੋਵਿਡ-19 ਟੈਸਟ ਲਈ ਲਾਗ ਵਾਲੀ ਬਿਮਾਰੀ ਲੈਬ (ਆਈ-ਲੈਬ) ਦੀ ਸਹਾਇਤਾ ਕੀਤੀ ਹੈ ਜਿਸ ਨਾਲ ਗ੍ਰਾਮੀਣ ਭਾਰਤ ਤੱਕ ਜਾਂਚ ਦੀ ਪਹੁੰਚ ਨੂੰ ਸਮਰੱਥ ਬਣਾਇਆ ਗਿਆ ਹੈ। ਆਈ-ਲੈਬ ਨੂੰ 18 ਜੂਨ 2020 ਨੂੰ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰੀ ਦੁਆਰਾ ਲਾਂਚ ਕੀਤਾ ਗਿਆ ਸੀ। ਇਹ ਆਰਟੀ-ਪੀਸੀਆਰ ਅਤੇ ਅਲਾਇਸਾ ਦੋਵਾਂ ਟੈਸਟ ਕਰ ਸਕਦੀ ਹੈ। ਪਹਿਲੀ ਲੈਬ ਟੀਐੱਚਐੱਸਟੀਆਈ ਹੱਬ ਨਾਲ ਜੁੜੀ ਹੈ ਅਤੇ ਫਰੀਦਾਬਾਦ ਖੇਤਰ ਵਿੱਚ ਲਗਭਗ 5000 ਟੈਸਟ ਕੀਤੇ ਸਨ। ਵਿਭਾਗ ਕੁੱਲ 1000.93 ਲੱਖ ਰੁਪਏ ਦੀ ਲਾਗਤ ਨਾਲ ਜਾਂਚ ਦੇ ਖੇਤਰ ਵਿੱਚ 17 ਪ੍ਰਸਤਾਵਾਂ ਦਾ ਸਮਰਥਨ ਕਰ ਰਿਹਾ ਹੈ।

 

2. ਉਪਚਾਰ ਪ੍ਰਣਾਲੀ: ਮੌਜੂਦਾ ਕੋਵਿਡ ਸੰਕਟ ਨੂੰ ਧਿਆਨ ਵਿਚ ਰੱਖਦਿਆਂ ਵਿਭਾਗ ਉਪਚਾਰ ਦੇ ਖੇਤਰ ਵਿਚ 13 ਪ੍ਰਸਤਾਵਾਂ ਦਾ ਸਮਰਥਨ ਕਰ ਰਿਹਾ ਹੈ ਜਿਸਦੀ ਕੁਲ ਲਾਗਤ 964.035 ਲੱਖ ਰੁਪਏ ਹੈ। ਇਨ੍ਹਾਂ ਵਿਚੋਂ ਕੁਝ ਟੀਚੇ ਤੱਕ ਪਹੁੰਚਣ ਦੇ ਯੋਗ ਹਨ।

 

3. ਵੈਕਸੀਨ: ਮਹਾਮਾਰੀ ਦੇ ਪ੍ਰਭਾਵਸ਼ਾਲੀ ਨਿਯੰਤਰਣ ਵਿੱਚ ਕੋਵਿਡ-19 ਲਈ ਇੱਕ ਸੁਰੱਖਿਅਤ ਅਤੇ ਪ੍ਰਭਾਵੀ ਟੀਕੇ ਦੀ ਜਰੂਰੀ ਜ਼ਰੂਰਤ ਨੂੰ ਮੰਨਦਿਆਂ ਭਾਰਤ ਸਰਕਾਰ ਟੀਕਾ ਵਿਕਸਿਤ ਕਰਨ ਦੀਆਂ ਗਤੀਵਿਧੀਆਂ ਦਾ ਸਮਰਥਨ ਕਰ ਰਹੀ ਹੈ।

ਵਰਤਮਾਨ ਵਿੱਚ ਕੋਵਿਡ-19 ਲਈ ਲਗਭਗ 30 ਵੈਕਸੀਨ ਉਮੀਦਵਾਰ ਬਹੁਤ ਸਾਰੀਆਂ ਟੈਕਨੋਲੋਜੀਆਂ / ਪਲੈਟਫਾਰਮਾਂ ਦੇ ਅਧਾਰ 'ਤੇ ਭਾਰਤ ਵਿੱਚ ਅਕਾਦਮਿਕ ਖੇਤਰ ਅਤੇ ਉਦਯੋਗ ਦੋਵਾਂ ਦੁਆਰਾ ਵਿਕਾਸ ਅਧੀਨ ਹਨ। ਇਨ੍ਹਾਂ ਵਿਚੋਂ ਬਾਇਓਟੈਕਨੋਲੋਜੀ ਵਿਭਾਗ ਉਦਯੋਗ ਦੁਆਰਾ 8 ਅਤੇ ਅਕਾਦਮਿਕ ਖੇਤਰ ਦੁਆਰਾ ਟੀਕੇ ਦੇ ਵਿਕਾਸ ਅਤੇ ਸੰਬੰਧਿਤ ਖੋਜ ਸਰੋਤਾਂ ਲਈ 8 ਪ੍ਰਸਤਾਵਾਂ ਦਾ ਸਮਰਥਨ ਕਰ ਰਿਹਾ ਹੈ। ਟੀਕੇ ਦੇ ਵਿਕਾਸ ਦੇ ਯਤਨਾਂ ਲਈ ਸਹਾਇਤਾ ਲਈ ਕੁੱਲ 75 ਕਰੋੜ ਰੁਪਏ ਦੀ ਰਕਮ ਅਲਾਟ ਕੀਤੀ ਗਈ ਹੈ। ਟੀਕੇ ਦੀ ਉਪਲਬਧਤਾ ਫੇਜ਼-3 ਦੀਆਂ ਕਲੀਨਿਕਲ ਅਜ਼ਮਾਇਸ਼ਾਂ ਦੇ ਸਫਲਤਾਪੂਰਵਕ ਮੁਕੰਮਲ ਹੋਣ 'ਤੇ ਨਿਰਭਰ ਹੈ।

 

4. ਹੋਰ ਦਖਲਅੰਦਾਜ਼ੀਆਂ: ਇਸ ਖੇਤਰ ਵਿੱਚ ਵਿਭਾਗ ਪੰਜ ਪ੍ਰਸਤਾਵਾਂ ਦਾ ਸਮਰਥਨ ਕਰ ਰਿਹਾ ਹੈ ਜਿਸਦੀ ਕੁੱਲ ਲਾਗਤ 86.88 ਲੱਖ ਰੁਪਏ ਹੈ।

 

5.  ਜੜ੍ਹੀ-ਬੂਟੀਆਂ ਅਧਾਰਿਤ ਫਾਰਮੂਲੇਸ਼ਨਜ਼: ਵਿਭਾਗ ਦੁਆਰਾ “ਸਾਰਸ-ਕੋਵ-2 ਵਾਇਰਸ ਅਤੇ ਕੋਵਿਡ-19 ਬਿਮਾਰੀ ਨਾਲ ਸਬੰਧਿਤ ਖੋਜ ਅਤੇ ਵਿਕਾਸ 'ਡੀਬੀਟੀ ਅਤੇ ਨੈਸ਼ਨਲ ਮੈਡੀਸਨਲ ਪਲਾਂਟ ਬੋਰਡ (ਐੱਨਐੱਮਪੀਬੀ), ਆਯੁਸ਼ ਮੰਤਰਾਲਾ ਵਾਇਰਸ ਦੀ ਲਾਗ ਦੇ ਸੈੱਲ ਕਲਚਰ ਦੇ ਮਾੱਡਲਾਂ ਵਿੱਚ ਐਂਟੀ-ਸਾਰਸ-ਕੋਵ-2 ਗਤੀਵਿਧੀਆਂ ਲਈ ਚੁਣੇ ਗਏ ਰਵਾਇਤੀ ਗਿਆਨ-ਅਧਾਰਿਤ ਚਿਕਿਤਸਕ ਪੌਦਿਆਂ ਅਤੇ ਕਲਾਸੀਕਲ ਫਾਰਮੂਲੇਸ਼ਨਾਂ ਦੀ ਜਾਂਚ ਕਰਨਾ ਹੈ। ਸਾਰਸ-ਕੋਵ- 2 ਅਤੇ ਇਸ ਨਾਲ ਜੁੜੇ ਪੈਥੋਲੋਜੀਜ਼ ਨੂੰ ਘਟਾਉਣ ਲਈ ਚੁਣੇ ਗਏ ਆਯੁਸ਼ ਹਰਬਲ ਅਰਕ / ਫਾਰਮੂਲੇਸ਼ਨਾਂ ਦੀ ਪ੍ਰੀ-ਲੀਨਿਕਲ ਅਤੇ ਫਾਰਮਾਕੋਕਾਇਨੇਟਿਕਸ ਦੇ ਮੁੱਲਾਂਕਣ 'ਤੇ ਅਧਿਐਨ ਕਰਨ ਦੀ ਵੀ ਯੋਜਨਾ ਬਣਾਈ ਗਈ ਹੈ।

 

ਬਾਇਓਟੈਕਨੋਲੋਜੀ ਸੱਨਅਤੀ ਖੋਜ ਸਹਾਇਤਾ ਪਰਿਸ਼ਦ ਦੇ ਸਹਿਯੋਗ ਨਾਲ ਵਿਭਾਗ(ਬੀਆਈਆਰਏਸੀ) ਨੇ "ਬੋਟੈਨੀਕਲ ਸਮੱਗਰੀ ਅਤੇ ਰਵਾਇਤੀ ਫਾਰਮੂਲੇਸ਼ਨਾਂ ਦੀ ਵਰਤੋਂ ਕਰਦਿਆਂ ਐਂਟੀ-ਸਾਰਸ-ਕੋਵੀ / ਐੱਨਸੀਓਵੀ-2 ਵਾਇਰਸ ਖੋਜ " 'ਤੇ ਇੱਕ ਸੰਯੁਕਤ ਸੱਦਾ ਦਿੱਤਾ। ਇਸ ਤਹਿਤ ਅੱਗੇ ਦੀ ਪ੍ਰਕਿਰਿਆ ਲਈ ਕੁੱਲ 229 ਪ੍ਰਸਤਾਵ ਪ੍ਰਾਪਤ ਹੋਏ ਸਨ।

 

ਕੋਵਿਡ-19 ਬਾਇਓ-ਬੈਂਕ: ਰਾਸ਼ਟਰੀ ਕੋਵਿਡ-19 ਬਾਇਓ-ਰਿਪੋਜ਼ਟਰੀਆਂ ਦੇ ਕੈਬਨਿਟ ਸਕੱਤਰ ਅਤੇ ਆਈਸੀਐੱਮਆਰ ਨੋਟੀਫਿਕੇਸ਼ਨ ਦੇ ਅਨੁਸਾਰ,  ਵਿਭਾਗ ਹੇਠ ਲਿਖੇ ਕੇਂਦਰਾਂ 'ਤੇ ਕੋਵਿਡ-19 ਬਾਇਓ-ਰਿਪੋਜ਼ਟਰੀਆਂ ਲਈ ਵੀ ਸਹਿਯੋਗ ਦੇ ਰਿਹਾ ਹੈ, ਜਿਸ ਦੀ ਕੁੱਲ ਲਾਗਤ 1099.00 ਲੱਖ ਰੁਪਏ ਹੈ।

 

ਲੜੀ ਨੰਬਰ	ਸੰਸਥਾਨ
1.	ਐੱਨਸੀਆਰ-ਬਾਇਓਟੈਕ ਸਾਇੰਸ ਕਲਸਟਰ: 1. ਅਨੁਵਾਦਕ ਸਿਹਤ ਵਿਗਿਆਨ ਅਤੇ ਟੈਕਨੋਲੋਜੀ ਸੰਸਥਾਨ, ਫਰੀਦਾਬਾਦ ਅਤੇ 2. ਬਾਇਓਟੈਕਨੋਲੋਜੀ ਲਈ ਖੇਤਰੀ ਕੇਂਦਰ (ਆਰਸੀਬੀ), ਫਰੀਦਾਬਾਦ
2.	ਇੰਸਟੀਟਿਊਟ ਫਾਰ ਸਟੈਮ ਸੈਲ ਸਾਇੰਸ ਐਂਡ ਰੀਜਨਰੇਟਿਵ ਮੈਡੀਸਨ (ਇਨਸਟਮ)
3.	ਇੰਸਟੀਟਿਊਟ ਆਵ੍ ਲਾਈਫ ਸਾਇੰਸਿਜ਼ (ਆਈਐੱਲਐੱਸ)
4.	ਨੈਸ਼ਨਲ ਸੈਂਟਰ ਫਾਰ ਸੈੱਲ ਸਾਇੰਸ (ਐੱਨਸੀਸੀਐੱਸ)
5.	ਇੰਸਟੀਟਿਊਟ ਆਵ੍ ਲਿਵਰ ਐਂਡ ਬਿਲੀਅਰੀ ਸਾਇੰਸਜ਼ (ਆਈਐੱਲਬੀਐੱਸ)

 

ਨੈਸ਼ਨਲ ਬਾਇਓਫਰਮਾ ਮਿਸ਼ਨ ਦੇ ਤਹਿਤ ਵਿਭਾਗ ਵੈਕਸੀਨ, ਉਪਕਰਣ ਅਤੇ ਨਿਦਾਨ ਅਤੇ ਇਲਾਜ ਦੇ ਖੇਤਰ ਵਿੱਚ ਵਿਆਪਕ ਰੂਪ ਵਿੱਚ ਕੋਵਿਡ-19 ਮਹਾਮਾਰੀ ਦੇ ਨਿਪਟਾਰੇ ਲਈ ਟੈਕਨੋਲੋਜੀ ਰਾਹੀਂ ਸੰਚਾਲਿਤ ਹੱਲਾਂ ਅਤੇ ਦਖਲਅੰਦਾਜ਼ੀ ਦਾ ਸਮਰਥਨ ਕਰ ਰਿਹਾ ਹੈ ਜਿਸ ਵਿੱਚ ਕੁੱਲ 222 ਕਰੋੜ ਰੁਪਏ ਦੇ ਨਿਵੇਸ਼ ਹੋਣਗੇ। ਸਹਾਇਤਾ ਅਧੀਨ ਟੈਕਨੋਲੋਜੀਆਂ ਦੇ ਵੇਰਵੇ ਹੇਠ ਦਿੱਤੇ ਅਨੁਸਾਰ ਹਨ:

 

ਖੰਡ	ਸਹਾਇਤਾ ਅਧੀਨ ਟੈਕਨੋਲੋਜੀਆਂ
ਵੈਕਸੀਨ	ਵੈਕਸੀਨ- ਰੀਕੌਮਬੀਨੈਂਟ ਵੈਕਟਰ ਵੈਕਸੀਨ ਦਾ ਵਿਕਾਸ
	ਵੈਕਸੀਨ- ਆਰਬੀਸੀਜੀ ਵੈਕਸੀਨ ਦਾ ਪੜਾਅ 3 ਟ੍ਰਾਇਲ
	ਵੈਕਸੀਨ - ਡੀਐੱਨਏ ਵੈਕਸੀਨ
	ਵੈਕਸੀਨ- ਰੈਬੀਜ਼ ਵੈਕਟਰ ਅਧਾਰਿਤ ਵੈਕਸੀਨ ਦਾ ਵਿਕਾਸ
	ਡਾਇਗਨੌਸਟਿਕ ਵਰਤੋਂ ਲਈ ਸਪਾਇਕ ਪ੍ਰੋਟੀਨ ਅਤੇ ਰੀਸੈਪਟਰ ਬਾਈਡਿੰਗ ਡੋਮੇਨ ਪ੍ਰੋਟੀਨ ਦਾ ਸਾਰਸ-ਕੋਵ-2 ਜਾਂਚ ਲਈ ਉਤਪਾਦਨ
	ਵੈਕਸੀਨ ਮੁੱਲਾਂਕਣ ਜਾਨਵਰਾਂ ਦਾ ਮਾਡਲ ਪਲੈਟਫਾਰਮ
ਡਾਇਗਨੌਸਟਿਕਸ (n = 8 ਡਾਇਗਨੌਸਟਿਕ ਕਿੱਟਾਂ ਅਤੇ 2 ਨਿਰਮਾਣ ਸੁਵਿਧਾਵਾਂ	ਡਾਇਗਨੌਸਟਿਕ ਟੈਕਨੋਲੋਜੀ (ਆਰਟੀ ਪੀਸੀਆਰ ਟੈਸਟ)
	ਡਾਇਗਨੌਸਟਿਕ ਟੈਕਨੋਲੋਜੀ- (ਕਲਰਮੀਟਰਿਕ ਟੈਸਟ)
	ਡਾਇਗਨੌਸਟਿਕ ਟੈਕਨੋਲੋਜੀ (ਲੇਟ੍ਰਲ ਫਲੋ ਐਸੇ ਅਧਾਰਿਤ ਐਂਟੀਜੇਨ ਖੋਜ ਟੈਸਟ ਕਿੱਟ)
	ਡਾਇਗਨੌਸਟਿਕ ਟੈਕਨੋਲੋਜੀ (ਈਲਿਸਾ ਕਿੱਟ)
	ਡਾਇਗਨੌਸਟਿਕ ਟੈਕਨੋਲੋਜੀ (ਸਵੈਬ ਟੈਸਟਿੰਗ)
	ਡਾਇਗਨੌਸਟਿਕ ਟੈਕਨੋਲੋਜੀ (ਕੇਅਰ ਡਿਟੈਕਟ ਕਿੱਟ ਦਾ ਰੈਪਿਡ ਪੁਆਇੰਟ)

 

	ਡਾਇਗਨੌਸਟਿਕ ਟੈਕਨੋਲੋਜੀ (ਵਾਇਰਸ ਖੋਜ ਕਿੱਟਾਂ ਵਿੱਚ ਵਾਧਾ)
	ਡਾਇਗਨੌਸਟਿਕ ਟੈਕਨੋਲੋਜੀ (ਵਾਇਰਲ ਐਂਟੀਜੇਨ ਖੋਜ ਲਈ ਲੇਟਰਲ ਫਲੋ ਪਲੈਟਫਾਰਮ)
	ਡਾਇਗਨੌਸਟਿਕ ਕਿੱਟਾਂ ਦੇ ਨਿਰਮਾਤਾ ਅਤੇ ਕੱਚੇ ਮਾਲ ਦੇ ਨਿਰਮਾਣ ਲਈ ਮੈਡੀਟੈਕ ਦੀ ਸੁਵਿਧਾ
	ਮੈਡੀਟੈਕ ਤਕਨੀਕੀ ਸੁਵਿਧਾ- ਕਿੱਟਾਂ, ਵੈਂਟੀਲੇਟਰਾਂ ਅਤੇ ਪ੍ਰੋਬਾਂ ਲਈ ਨਿਰਮਾਣ ਦੀ ਸੁਵਿਧਾ
ਉਪਚਾਰ ਪ੍ਰਣਾਲੀ (n = 2)	ਰੋਗਾਣੂ ਰੋਗੀਆਂ ਦੇ ਖੂਨ ਅਤੇ ਹੋਰਨਾਂ ਸਰੋਤਾਂ ਤੋਂ ਐਂਟੀਬਾਡੀ ਵਿਕਾਸ
	ਰੋਗੀ ਦੇ ਲਹੂ ਤੋਂ ਐਂਟੀਬਾਡੀ ਵਿਕਾਸ

 

ਬਾਇਓਟੈਕਨੋਲੋਜੀ ਉਦਯੋਗ ਖੋਜ ਸਹਾਇਤਾ ਪਰਿਸ਼ਦ (ਬੀਆਈਆਰਏਸੀ) ਦੁਆਰਾ ਸਹਾਇਤਾ:

 

ਕੋਵਿਡ-19 ਫੰਡ ਦੇ ਅਧੀਨ ਬੀਆਈਆਰਏਸੀ ਦੀ ਤੇਜ਼ ਸਮੀਖਿਆ ਅਤੇ ਫੰਡਿੰਗ ਸਹਾਇਤਾ ਦੇ ਤਹਿਤ 5 ਸਟਾਰਟ-ਅਪਸ ਨੂੰ ਪ੍ਰਵਾਨਗੀ ਦਿੱਤੀ ਗਈ ਹੈ।

 

ਬੀਆਈਆਰਏਸੀ- ਖੋਜ ਕੰਸੋਰਟੀਅਮ: ਬੀਆਈਆਰਏਸੀ ਵੈਕਸੀਨ, ਡਾਇਗਨੌਸਟਿਕਸ ਅਤੇ ਉਪਕਰਨਾਂ, ਇਲਾਜ਼ ਪ੍ਰਣਾਲੀਆਂ, ਦਵਾਈਆਂ ਅਤੇ ਹੋਰ ਕਿਸੇ ਵੀ ਦਖਲਅੰਦਾਜ਼ੀ ਦੇ ਖੇਤਰ ਵਿੱਚ ਵਿਆਪਕ ਰੂਪ ਵਿੱਚ ਕੋਵਿਡ-19 ਮਹਾਮਾਰੀ ਨਾਲ ਨਜਿੱਠਣ ਲਈ ਟੈਕਨੋਲੋਜੀ ਰਾਹੀਂ ਸੰਚਾਲਿਤ ਹੱਲਾਂ ਅਤੇ ਦਖਲਅੰਦਾਜ਼ੀ ਦਾ ਸਮਰਥਨ ਕਰ ਰਿਹਾ ਹੈ।  ਬੀਆਈਆਰਏਸੀ- ਖੋਜ ਕੰਸੋਰਟੀਅਮ ਬਜਟ ਦੇ ਤਹਿਤ 10 ਕਰੋੜ ਰੁਪਏ ਦਾ ਕੁੱਲ ਨਿਵੇਸ਼ ਕੋਵੀਡ-19 ਲਈ ਨਿਰਧਾਰਿਤ ਕੀਤਾ ਗਿਆ ਹੈ।

 

ਵਿਗਿਆਨਕ ਅਤੇ ਉਦਯੋਗਿਕ ਖੋਜ ਪ੍ਰੀਸ਼ਦ (ਸੀਐੱਸਆਈਆਰ) ਇਸ ਖੇਤਰ ਵਿੱਚ ਵੱਖ-ਵੱਖ ਗਤੀਵਿਧੀਆਂ ਦਾ ਸਮਰਥਨ ਕਰ ਰਹੀ ਹੈ। ਨਵਾਂ ਮਿਲੀਨੇਅਮ ਇੰਡੀਅਨ ਟੈਕਨੋਲੋਜੀ ਲੀਡਰਸ਼ਿਪ ਇਨੀਸ਼ੀਏਟਿਵ (ਐੱਨਐੱਮਆਈਟੀਐੱਲਆਈ) ਯੋਜਨਾ ਦੇ ਤਹਿਤ, 965.6 ਲੱਖ ਰੁਪਏ ਦੀ ਲਾਗਤ ਵਾਲੇ ਛੇ ਪ੍ਰੋਜੈਕਟ 'ਤੇ ਲਾਗੂ ਕੀਤੇ ਜਾ ਰਹੇ ਹਨ। ਇਕ ਵਿਸ਼ੇਸ਼ ਸੱਦੇ ਦੇ ਤਹਿਤ,  2541.54 ਲੱਖ ਰੁਪਏ ਦੀ ਲਾਗਤ ਨਾਲ 36 ਪ੍ਰੋਜੈਕਟ ਵਿਚ ਲਾਗੂ ਕੀਤੇ ਜਾ ਰਹੇ ਹਨ। ਹੇਠ ਲਿਖੀਆਂ ਗਤੀਵਿਧੀਆਂ ਨੂੰ ਸੀਐੱਸਆਈਆਰ ਦੁਆਰਾ ਸਮਰਥਨ ਦਿੱਤਾ ਜਾ ਰਿਹਾ ਹੈ:

 

ਡਾਇਗਨੌਸਟਿਕਸ:

 

ਫੇਲੁਡਾ: ਸੀਐੱਸਆਈਆਰ-ਆਈਜੀਆਈਬੀ ਨੇ ਸਵਦੇਸ਼ੀ ਨੋਵਲ ਕੋਵਿਡ-19 ਡਾਇਗਨੌਸਟਿਕ ਕਿੱਟ ਤਿਆਰ ਕੀਤੀ ਹੈ ਜਿਸ ਨੂੰ ਫੇਲੁਡਾ (ਐੱਫਐੱਨਸੀਐੱਸ9 ਐਡੀਟਰ-ਲਿੰਕਡ ਯੂਨੀਫਾਰਮ ਡਿਟੈਕਸ਼ਨ ਐਸੇ ) ਕਿਹਾ ਜਾਂਦਾ ਹੈ, ਸੀਆਰਆਈਐੱਸਪੀਆਰ-ਕੈਸ 9 ਅਧਾਰਿਤ ਟੈਸਟ ਟਾਟਾ ਸੰਨਜ਼ ਲਈ ਲਾਇਸੰਸਸ਼ੁਦਾ ਹੈ। ਫੈਲੂਡਾ ਨੂੰ ਡਰੱਗ ਕੰਟਰੋਲਰ ਜਨਰਲ ਆਵ੍ ਇੰਡੀਆ (ਡੀਸੀਜੀਆਈ) ਨੇ ਪ੍ਰਵਾਨਗੀ ਦੇ ਦਿੱਤੀ ਹੈ। ਕੋਰੋਨਾਵਾਇਰਸ ਦਾ ਪਤਾ ਲਗਾਉਣ ਲਈ ਰੈਗੂਲੇਟਰੀ ਪ੍ਰਵਾਨਗੀ ਪ੍ਰਾਪਤ ਕਰਨ ਲਈ ਇਹ ਦੁਨੀਆ ਦੀ ਇਕੋ ਤੀਜੀ ਸੀਆਰਆਈਐੱਸਪੀਆਰ ਅਧਾਰਿਤ ਟੈਕਨੋਲੋਜੀ ਹੈ। ਕੈਸ 12 ਅਤੇ ਕੈਸ 13 ਪ੍ਰੋਟੀਨ ਦੀ ਵਰਤੋਂ ਕਰਨ ਵਾਲੇ ਹੋਰਢੰਗਾਂ ਨੂੰ ਕੈਲੀਫੋਰਨੀਆ ਯੂਨੀਵਰਸਿਟੀ, ਬਰਕਲੇ (ਯੂਸੀਬੀ) ਅਤੇ ਸੰਯੁਕਤ ਰਾਜ ਅਮਰੀਕਾ ਦੇ ਐੱਮਆਈਟੀ ਦੇ ਵਿਗਿਆਨੀਆਂ ਦੁਆਰਾ ਵਿਕਸਿਤ ਕੀਤਾ ਗਿਆ ਸੀ। ਇਹ ਵਿਧੀ FnCAS9 ਐਨਜਾਇਮ ਦੀ ਵਰਤੋਂ ਕਰਦੀ ਹੈ ਜਿਹੜੀ ਸੀਐੱਸਆਈਆਰ-ਆਈਜੀਆਈਬੀ ਵਿਖੇ ਕੋਵਿਡ-19 ਖੋਜ ਲਈ ਅਤੇ ਅਨੁਕੂਲਿਤ ਕੀਤੀ ਗਈ ਸੀ। ਖੋਜ ਕਾਗਜ਼ ਅਧਾਰਿਤ ਖੋਜ ਰਸਾਇਣ ਦੀ ਵਰਤੋਂ ਕਰਦਿਆਂ ਇੱਕ ਸਧਾਰਣ ਵਿਜ਼ੂਅਲ ਰੀਡਆਉਟ ਤੇ ਨਿਰਭਰ ਕਰਦੀ ਹੈ। ਇਹ ਤੇਜ਼, ਸੰਵੇਦਨਸ਼ੀਲ ਅਤੇ ਮਹੱਤਵਪੂਰਨ ਹੈ।  ਇਹ ਪੂਰੀ ਪ੍ਰਕਿਰਿਆ ਇਕ ਘੰਟੇ ਤੱਕ ਦਾ ਸਮਾਂ ਲੈਂਦੀ ਹੈ ਅਤੇ ਉੱਚ-ਅੰਤ ਵਾਲੇ ਉਪਕਰਣਾਂ ਦੀ ਜ਼ਰੂਰਤ ਨਹੀਂ ਹੁੰਦੀ ਅਤੇ ਦੇਸ਼ ਵਿਚ ਤੇਜ਼ ਟੈਸਟਿੰਗ ਨੂੰ ਵਧਾਉਣ ਵਿੱਚ ਸਹਾਇਤਾ ਕਰ ਸਕਦੀ ਹੈ।

 

ਦਵਾਈਆਂ ਦਾ ਵਿਕਾਸ:

 

ਫੈਵੀਪੀਰਾਵੀਰ: ਸੀਐੱਸਆਈਆਰ-ਆਈਆਈਸੀਟੀ ਨੇ ਫੈਵੀਪੀਰਾਵੀਰ ਦੇ ਸੰਸਲੇਸ਼ਣ ਨੂੰ ਵਿਕਸਿਤ ਅਤੇ ਪੇਟੈਂਟ ਕੀਤਾ ਹੈ। ਇਸ ਨੇ ਪ੍ਰਕਿਰਿਆ ਨੂੰ ਸਿਪਲਾ ਨੂੰ ਨਿਰਮਾਣ ਲਈ ਟਰਾਂਸਫਰ ਕਰ ਦਿੱਤਾ ਗਿਆ ਹੈ। ਸਿਪਲਾ ਦਵਾਈ ਨੂੰ ਬਾਜ਼ਾਰ ਵਿਚ ਲੈ ਕੇ ਆਇਆ ਹੈ।  ਅੱਗੇ, ਸੀਐੱਸਆਈਆਰ ਨੇ ਗ਼ੈਰ-ਨਿਵੇਕਲੇ ਅਧਾਰ ਤੇ ਪ੍ਰਕਿਰਿਆ ਨੂੰ ਹੋਰ 5 ਕੰਪਨੀਆਂ ਵਿੱਚ ਟਰਾਂਸਫਰ ਕੀਤਾ ਹੈ। ਇਸ ਉਤਪਾਦ ਨੂੰ ਡੀਸੀਜੀਆਈ ਦੁਆਰਾ ਕੋਵਿਡ-19 ਦੇ ਹਲਕੇ ਅਤੇ ਦਰਮਿਆਨੇ ਮਰੀਜ਼ਾਂ ਲਈ ਦਵਾਈ ਦੇ ਤੌਰ ਤੇ ਮਨਜੂਰ ਕੀਤਾ ਗਿਆ ਹੈ।

 

ਰੀਮਡੇਸਿਵਿਰ: ਸੀਐੱਸਆਈਆਰ-ਆਈਆਈਸੀਟੀ ਨੇ ਪ੍ਰਕਿਰਿਆ ਟੈਕਨੋਲੋਜੀ ਵਿਕਸਿਤ ਕੀਤੀ ਹੈ ਅਤੇ ਉਨ੍ਹਾਂ ਕੰਪਨੀਆਂ ਨੂੰ ਸੌਂਪ ਦਿੱਤੀ ਹੈ ਜਿਨ੍ਹਾਂ ਨੂੰ ਗਿਲਿਅਡ ਤੋਂ ਲਾਇਸੈਂਸ ਮਿਲਿਆ ਹੈ। ਸੀਐੱਸਆਈਆਰ ਟੈਕਨੋਲੋਜੀ ਦੇ ਨਤੀਜੇ ਵਜੋਂ ਇਹ ਦਵਾਈ ਮਰੀਜ਼ਾਂ ਨੂੰ ਸਸਤੀ ਕੀਮਤ ਤੇ ਮੁਹੱਈਆ ਕਰਵਾਉਂਦੀ ਹੈ।

 

ਨਿੱਜੀ ਸੁਰੱਖਿਆ ਉਪਕਰਣ (ਪੀਪੀਈ):

 

ਕਵਰਆਲ : ਸੀਐੱਸਆਈਆਰ-ਐਨਐੱਲ ਨੇ ਉੱਚ ਗੁਣਵੱਤਾ ਵਾਲੀਆਂ ਪੀਪੀਈਜ਼ ਵਿਕਸਿਤ ਕੀਤੀਆਂ ਹਨ ਅਤੇ ਟੈਕਨੋਲੋਜੀ ਨੂੰ ਐਮਏਐੱਫਐੱਲ, ਬੈਂਗਲੁਰੂ ਵਿੱਚ ਟਰਾਂਸਫਰ ਕਰ ਦਿੱਤਾ ਹੈ। ਇਹ ਦੱਖਣੀ ਇੰਡੀਆ ਟੈਕਸਟਾਈਲ ਰਿਸਰਚ ਐਸੋਸੀਏਸ਼ਨ (ਸੀਟਰਾ), ਕੋਇੰਬਟੂਰ ਵਿਖੇ ਸਖਤ ਪ੍ਰੀਖਿਆ ਵਿਚੋਂ ਲੰਘੀ ਹੈ ਅਤੇ ਇਸ ਦੀ ਵਰਤੋਂ ਲਈ ਏਐੱਸਟੀਐਮ ਐੱਫ 1670 / ਐੱਫ 1670 ਐੱਮ-08 (2014) ਨੂੰ ਪ੍ਰਮਾਣਿਤ ਕੀਤਾ ਗਿਆ ਹੈ।  ਪ੍ਰਮਾਣੀਕਰਣ ਤੋਂ ਬਾਅਦ, ਤਕਰੀਬਨ ਇੱਕ ਲੱਖ ਪੀਸ ਸਰਕਾਰ ਨੂੰ ਸਪਲਾਈ ਕੀਤੇ ਗਏ ਹਨ। ਉਤਪਾਦਨ ਦੀ ਮੌਜੂਦਾ ਸਮਰੱਥਾ 7000/ਦਿਨ ਹੈ ਜੋ ਲੋੜ ਦੇ ਅਨੁਸਾਰ 30,000 / ਦਿਨ ਤੱਕ ਵਧਾਈ ਜਾ ਸਕਦੀ ਹੈ।

 

ਫੇਸ ਮਾਸਕ: ਸੀਐੱਸਆਈਆਰ ਦੀਆਂ ਕੰਪੋਨੈਂਟ ਲੈਬਾਰਟਰੀਆਂ ਨੇ ਹੇਠ ਦਿੱਤੇ ਫੇਸ ਮਾਸਕ ਵਿਕਸਿਤ ਕੀਤੇ ਹਨ:

 

ਉੱਚ ਕੁਸ਼ਲਤਾ ਹਾਈਡ੍ਰੋਫੋਬਿਕ ਤਿੰਨ ਪਰਤਾਂ ਵਾਲੇ ਫੇਸਮਾਸਕ: ਫੇਸਮਾਸਕ ਦੋ / ਤਿੰਨ ਹਾਈਡ੍ਰੋਫੋਬਿਕ ਨਾਨ-ਬੁਣੇ ਪੌਲੀਪ੍ਰੋਪੀਲੀਨ (ਪੀਪੀ) ਪਰਤਾਂ ਅਤੇ ਬਾਹਰੀ ਪਾਸਿਓਂ ਬਣਿਆ ਹੈ ਅਤੇ ਵਿਚਕਾਰ ਇੱਕ 'ਹਾਈ ਕੁਸ਼ਲਤਾ ਪਾਰਟੀਕੁਲੇਟ ਏਅਰ' ਫਿਲਟਰ ਹੈ। ਵਿਕਸਿਤ ਮਾਸਕ ਦੀ ਕਾਰਗੁਜ਼ਾਰੀ ਸਿਟਰਾ, ਕੋਇੰਬਟੂਰ ਤੋਂ ਪ੍ਰਮਾਣਤ ਹੈ।

ਪੌਲੀ ਟੀ : ਇੱਕ ਬਾਇਓਪੋਲੀਮਰ ਕੋਟੇਡ ਮੈਡੀਕਲ ਗਰੇਡ ਮਾਸਕ: ਇਹ ਇਕ ਦੋ ਪਰਤਾਂ ਵਾਲਾ ਮਾਸਕ ਹਨ ਜਿਸ ਵਿੱਚ ਬਾਇਓਪੋਲੀਮਰ (ਬੈਕਟਰੀਆ ਸੈਲੂਲੋਜ਼) ਕੋਟੇਡ ਮਾਸਕ ਦੀ ਵਰਤੋਂ ਕੀਤੀ ਹੈ, ਜੋ ਕਿ ਵਾਇਰਸਾਂ ਅਤੇ ਬੈਕਟਰੀਆਾਂ ਨੂੰ ਰੋਕਣ ਲਈ ਬਹੁਤ ਜ਼ਿਆਦਾ ਸਤਹ ਖੇਤਰ ਅਤੇ ਸੈਲੂਲੋਜ਼ ਦੇ ਬਹੁਤ ਵਧੀਆ ਨੈਨੋਫਾਈਬਰ ਦੀ ਵਰਤੋਂ ਕਰਦੇ ਹਨ। ਇਹ ਬੈਕਟੀਰੀਆ ਦੇ ਸੈਲੂਲੋਜ਼ 'ਤੇ ਸੀਐੱਸਆਈਆਰ-ਐੱਨਸੀਐੱਲ ਦੀ ਪੇਟੈਂਟ ਟੈਕਨੋਲੋਜੀ ਦੀ ਵਰਤੋਂ ਕਰਕੇ ਵਿਕਸਿਤ ਕੀਤਾ ਗਿਆ ਹੈ। ਵਿਕਸਿਤ ਮਾਸਕ ਦੀ ਕਾਰਗੁਜ਼ਾਰੀ ਸਿਟਰਾ, ਕੋਇੰਬਟੂਰ ਤੋਂ ਪ੍ਰਮਾਣਤ ਹੈ।

 

ਐਂਟੀਮਾਈਕਰੋਬਿਅਲ ਕੋਟਿੰਗ ਨਾਲ ਦੁਬਾਰਾ ਵਰਤੋਂ ਯੋਗ ਫੇਸ ਮਾਸਕ: ਇਹ ਇੱਕ ਤਿਕੋਣੀ ਪਰਤ ਵਾਲਾ ਮਾਸਕ ਹੈ ਜਿਸ ਵਿੱਚ ਹਾਈਡ੍ਰੋਫੋਬਿਕ ਬਾਹਰੀ ਪਰਤ ਹੁੰਦੀ ਹੈ ਜੋ ਤਰਲ ਐਰੋਸੋਲ ਅਤੇ ਮੱਧ ਬੈਕਟੀਰੀਆ ਦੀ ਪਰਤ ਨੂੰ ਰੋਗਾਣੂਆਂ ਨੂੰ ਮਾਰਨ ਲਈ ਰੋਕਦੀ ਹੈ ਜੋ ਮਾਸਕ ਦੇ ਸੰਪਰਕ ਵਿੱਚ ਆਉਂਦੇ ਹਨ ਅਤੇ ਅੰਤ ਤੱਕ ਦੋਹਰੀ ਸੁਰੱਖਿਆ ਲਾਭ ਪ੍ਰਦਾਨ ਕਰਦੀ ਹੈ। ਅੰਦਰੂਨੀ ਹਾਈਡ੍ਰੋਫਿਲਿਕ ਪਰਤ ਗਰਮ ਹਵਾ ਅਤੇ ਪਸੀਨੇ ਨੂੰ ਸੋਖਦੀ ਹੈ  ਅਤੇ ਸਾਹ ਲੈਣ ਵਿੱਚ ਸੁਧਾਰ ਲਿਆਉਂਦੀ ਹੈ। ਇਹ ਮਾਸਕ ਅਤੇ ਕੋਟਿੰਗਸ 30-50 ਵਾਰੀ ਧੋਇਆ ਜਾ ਸਕਦਾ ਹੈ। ਮਾਸਕ ਦੀਆਂ ਵਿਸ਼ੇਸ਼ਤਾਵਾਂ ਨੂੰ ਸਿਟਰਾ, ਕੋਇੰਬਟੂਰ ਦੁਆਰਾ ਪ੍ਰਮਾਣਿਤ ਕੀਤਾ ਗਿਆ ਹੈ।

 

ਸੀ. ਆਯੁਸ਼: ਆਯੁਸ਼ ਸੰਜੀਵਨੀ ਮੋਬਾਈਲ ਐਪ ਆਯੁਸ਼ ਮੰਤਰਾਲੇ ਦੁਆਰਾ ਲਾਂਚ ਕੀਤੀ ਗਈ ਹੈ ਜੋ ਆਯੁਸ਼ ਸੁਝਾਵਾਂ ਦੀ ਵਰਤੋਂ ਅਤੇ ਉਪਾਵਾਂ ਦੀ ਪ੍ਰਵਾਨਗੀ ਅਤੇ ਵਰਤੋਂ ਬਾਰੇ ਡਾਟਾ ਤਿਆਰ ਕਰਨ ਲਈ ਆਬਾਦੀ ਅਤੇ ਕੋਵਿਡ-19 ਦੀ ਰੋਕਥਾਮ ਵਿਚ ਇਸ ਦੇ ਪ੍ਰਭਾਵ ਨੂੰ 05 ਮਿਲੀਅਨ ਆਬਾਦੀ ਨੂੰ ਨਿਸ਼ਾਨਾ ਬਣਾਇਆ ਹੈ। ਇਹ ਮੋਬਾਈਲ ਐਪ ਕੋਵਿਡ-19 ਸੰਕਟ ਦੇ ਸਮੇਂ ਉਪਾਅ ਨੂੰ ਉਤਸ਼ਾਹਤ ਕਰਨ ਵਾਲੀਆਂ ਵੱਖ-ਵੱਖ ਆਯੁਰਵੇਦਿਕ ਪ੍ਰਤੀਰੋਧਕ ਸ਼ਕਤੀ ਨੂੰ ਵਧਾਉਣ ਅਤੇ ਸਵੈ-ਦੇਖਭਾਲ ਦੇ ਉਪਾਵਾਂ ਦੀ ਜ਼ਰੂਰਤ ਨਾਲ ਸਬੰਧਿਤ ਸਲਾਹ-ਮਸ਼ਵਰਾ ਵੀ ਕਰ ਰਹੀ ਹੈ।

 

ਡੀ. ਭਾਰਤੀ ਮੈਡੀਕਲ ਖੋਜ ਪਰਿਸ਼ਦ (ਆਈਸੀਐੱਮਆਰ): ਨੇ ਕੋਵਿਡ-19 ਲਈ 866 ਨਿਦਾਨ ਪਦਾਰਥਾਂ ਨੂੰ ਪ੍ਰਮਾਣਿਤ ਕੀਤਾ ਹੈ। ਇਸ ਵਿਚੋਂ 443 ਨੂੰ ਪ੍ਰਵਾਨਗੀ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, ਵਿਕਲਪਿਕ ਸਵਦੇਸ਼ੀ ਟਰੂਟ ਨੈਟ ਅਤੇ ਸੀਬੀਐਨਏਐਟ ਵਰਗੇ ਟੈਸਟਿੰਗ ਪਲੈਟਫਾਰਮ ਨੂੰ ਵੀ ਪ੍ਰਮਾਣਿਤ ਕੀਤਾ ਗਿਆ ਹੈ ਅਤੇ ਵਰਤੋਂ ਲਈ ਪ੍ਰਵਾਨਗੀ ਦਿੱਤੀ ਗਈ ਹੈ। ਇਸ ਪਲੈਟਫਾਰਮ ਨਾਲ ਜ਼ਿਲਾ ਅਤੇ ਪ੍ਰਾਇਮਰੀ ਹੈਲਥ ਸੈਂਟਰ ਦੇ ਪੱਧਰ 'ਤੇ ਟੈਸਟਿੰਗ ਦੀ ਪਹੁੰਚ ਵਿੱਚ ਸੁਧਾਰ ਹੋਇਆ ਹੈ। ਨਾਲ ਹੀ, ਨਵੇਂ ਰੈਪਿਡ ਐਂਟੀਜੇਨ ਟੈਸਟਾਂ ਨੂੰ ਪ੍ਰਮਾਣਿਤ ਕੀਤਾ ਗਿਆ ਹੈ ਅਤੇ ਵਰਤੋਂ ਲਈ ਪ੍ਰਵਾਨਗੀ ਦਿੱਤੀ ਗਈ ਹੈ। ਇਸ ਨਾਲ ਜ਼ਮੀਨੀ ਪੱਧਰ 'ਤੇ ਟੈਸਟਿੰਗ ਦੀ ਪਹੁੰਚ ਵਿੱਚ ਵਾਧਾ ਹੋਇਆ ਹੈ। 

 

ਕੋਵਿਡ-19 ਟੈਸਟਿੰਗ ਲਈ ਟੈਕਨੋਲੋਜੀ ਦੇ ਸਵਦੇਸੀਕਰਨ ਅਤੇ ਨਾਲ ਹੀ ਦੇਸੀ ਨਿਰਮਾਤਾਵਾਂ ਦੇ ਸਹਿਯੋਗ ਨੇ ਭਾਰਤ ਵਿਚ ਟੈਸਟਿੰਗ ਨੂੰ ਉਤਸ਼ਾਹਤ ਕਰਨ ਵਿਚ ਬਹੁਤ ਮਦਦ ਕੀਤੀ ਹੈ।

 

ਈ. ਵਿਗਿਆਨ ਅਤੇ ਟੈਕਨੋਲੋਜੀ ਵਿਭਾਗ (ਡੀਐੱਸਟੀ): ਡੀਐੱਸਟੀ ਨੇ ਟੈਕਨੋਲੋਜੀ ਡਿਵੈਲਪਮੈਂਟ ਬੋਰਡ (ਟੀਡੀਬੀ) ਦੇ ਅਧੀਨ ਕੋਵਿਡ-19 ‘ਤੇ ਇੱਕ ਸੱਦੇ ਦਾ ਐਲਾਨ ਕੀਤਾ ਹੈ ਅਤੇ ਡਾਇਗਨੌਸਟਿਕਸ ਵਿਕਾਸ ਲਈ ਪ੍ਰਸਤਾਵਾਂ ਅਤੇ ਵਿੱਤੀ ਸਹਾਇਤਾ ਨੂੰ ਪ੍ਰਵਾਨਗੀ ਦਿੱਤੀ ਹੈ।

 

ਇਹ ਜਾਣਕਾਰੀ ਸਿਹਤ ਤੇ ਪਰਿਵਾਰ ਭਲਾਈ, ਵਿਗਿਆਨ ਤੇ ਟੈਕਨੋਲੋਜੀ ਅਤੇ ਪ੍ਰਿਥਵੀ ਵਿਗਿਆਨ ਮੰਤਰੀ, ਡਾ. ਹਰਸ਼ ਵਰਧਨ ਨੇ 23 ਸਤੰਬਰ, 2020 ਨੂੰ ਲੋਕ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ। 

 

*****

 

ਐੱਨਬੀ/ਕੇਜੀਐੱਸ

(Release ID: 1658894) Visitor Counter : 145