হকশেল অমসুং য়াইফ য়ুম্বালগী গৃহ মন্ত্রী দা.হর্শ বর্ধননা দবল্যু.ঐচ.ও.গী মেম্বর নেসনশিংগী মন্ত্রীশিং অমসুং য়ু.এন. এজেন্সীশিং অমসুং চৎমিন্নবা ওর্গনাইজেসনশিংগী হেদশিং অমসুং রিপ্রজেন্তেতিভশিংগা ঙসি ভরচুয়েল ওইনা উনবা অদুদা থাগৎপা ফোংদোকখ্রে৷ কোবিদ-১৯ ক্রাইসিস অসিগী মনুংদা তি.বি. লাইনা মুথৎন্নবগীদমক মল্তি সেক্তোরিয়েল এক্সনশিং অমসুং প্রোগেসশিং লৈনবা হোৎনরিবা ভারতকী দাইতা অমসুং কন্ত্রীব্যুসন অদু মহাক্না ফোংদোকখি৷

ভারতকী দাইতা অদু থাগৎলদুনা দা. বর্ধননা অসুম্না ফোংদোকখ্রে,“ভারততা ঐখোয়গী ইকাই খম্নরবা প্রধান মন্ত্রী শ্রী নরেন্দ্র মোদীগী লুচিং মখাদা সস্তেন্নেবল দিভেলপমেন্ত গোল্স(এস.দি.জি.)দগী চহী মঙা মাংজৌননা ২০২৫ ফাওবগী মনুংদা ভারতনা তি.বি. লাইনা মুথৎপগী অচৌবা খুদোংচাবা লৈরে৷” মহাক্না মখাতানা অসুম্না ফোংদোকখ্রে, “ত্যুবরকুলোসিস অসি য়াম্না কুইরবা মতমদগী লৈদুনা লাক্লি অমসুং মালেমগী পব্লিক হেল্থদা লেপ্পা লৈতনা অচৌবা প্রোব্লেম অমা ওইরি৷ মমাংগী চহী তরা অসিদা ফগৎলকখ্রবসু, তি.বি. অসি মালেম শিনবা থুংনা লৌনগনবা কিল্লর দিজিস অমা ওইরি৷”

তি.বি. মুৎথৎনবা ভারতনা হোৎনরিবা অসি থাগৎলদুনা দা. হর্শ বর্ধননা অসুম্না ফোংদোকখ্রে, “ কম্মেন্সুরেত রিসোর্সশিংনা সপোর্ত তৌরিবা অফবা অমসুং ইন্নোভেতিব পোলিসীশিং অসি শিজিন্নদুনা, তি.বি. মুথৎনবা ভারতনা অরুবা থোংথাং কয়ামরোম লৌখৎখ্রে৷ ঐখোয়না ২০১৬দা মিলিয়ন ১ শিহল্লিবা তি.বি. অনাবাশিং অদু ২০১৯ চহী অসিদা কেস মশিং মিলিয়ন ২.৪ লৈরিবা অদুদা মিলিয়ন ০.৫ শিদুনা অনাবা মশিং অদু য়াম শাথিনা তাহনখ্রে৷ য়াম্না মরু ওইবা অমনা হায়রিবা নোতিফিকেসনশিং অসিগী শরুক অহুম থোকপগী অমদি প্রাইভেৎ সেক্তরনা হোৎনখি৷ লৈবাক অসিগী জিলা খুদিংমক্তা রেপিদ মোলিকুলর দাইয়েগোনোস্তিক পাক শন্না পাংথোকপা অসিনা মরম ওইরগা ২০১৯দা ঐখোয়না গর্গ রেসিস্তেন্ত ওইরবা তি.বি. অনাবা  ৬৬,০০০ হেন্না খন্দোকপা ঙমখ্রে৷”

কেন্দ্রগী হকশেল মন্ত্রীনা “ঐখোয়গী পুন্সি মরেল অসিদা মরম ময়াম অমদা চাউনা অকাইবা পীরিবা” কোবিদ-১৯ লাইনা-লাইচৎ অসিগী মতাংদা ৱা ঙাংখি৷ ঙসিদি লৈবাক মীয়ামগী মনুংদা পব্লিক হেল্থ এৱেয়রনেস লৈরে৷ ঙসিগী মলেম অসিদা কোবিদ-১৯ অমসুং মদুগী য়াম্না লৌনগনবা মওং অদুনা য়াম্না চাউনা হকশেলগা মরী লৈনবা পর্সেপসন লৈরে হায়না মহাক্না ফোংদোকখি৷

কোবিদ-১৯ ক্রাইসিস অসিগী মনুংদা তি.বি. লাইনা মুথৎন্নবগীদমক ভারতকী দাইতা অমসুং কন্ত্রীব্যুসন অমসুং লৈবাক অসিদা কোবিদ-১৯ অসি থেংন্নবা অমসুং হন্থনবগীদমক ভারতনা লৌখৎলিবা মল্তি সেক্তোরিয়েল এক্সনশিং অদু পল্লদুনা কেন্দ্রগী হকশেলগী মন্ত্রীনা শন্দোক্না ৱা ঙাংখ্রে৷ দা.হর্শ বর্ধননা অসুম্না মখাতানা ফোংদোকখ্রে,“ ঐনা হায়গনি মদুদি ঐখোয়গী লৈরিবা পব্লিক হেল্থ দিলিভেরী সিস্তেম অসি স্ত্রকচরেল্লী খঙহন্নবগী খুদোং চাবা অদু কোবিদ-১৯ লাইনা লাইচৎ অসিনা পীরে৷ ইন্নোভেসনশিং খুদম ওইনা তি.বি. অনাবাশিংদা হিদাকশিং ময়ুমফাওবা থিনবা, তেলি-কন্সল্তেসন, আউত্রিস এক্তিভিতীশিং তৌদুনা তি.বি.গী এক্তিব স্ক্রিনিং অসিনা লৌকদাউন অসিগী মনুংদা পেসেন্ত ময়াম অমদা কান্নবা পীরে৷ দিজিস সর্ভিলেন্স অমসুং পব্লিক হেল্থ রিগুলেসনশিং চৎনবা অসিদা হেন্না মাই ওনশিল্লনি অমসুং মী অমগী অপাম্বগী মতুং ইল্লরোই৷”

মহাক্না মখাতানা,“ ঐখোয়না পুম্নমক খঙই মদুদি লাইনা লাইচৎ অসি লাকপনা লোকদাউনগী মতম অসিগী মনুংদা কেস ফাইন্দিং ইফোর্তশিংদা মনিং হল্লগনি অদুবু লোকদাউন অসি হেক লোইখিবদগী কেস ফাইন্দিং ইফোর্তশিং অমুক হন্না কাখৎলকখ্রে৷ তশেংবদি লোকদাউন মপুং ফানা চৎথরিবা মতম অসিদা এপ্রীল থা অসিদা ঐখোয়না হিস্তোরিক ওইবা মওং অমদা হায়থখ্রে অদুবু ঐখোয়না সস্তেন্দ ইফোর্তশিং শিজিন্নদুনা মে থাদা ৪৩% অমসুং জুন থাদা ২৫% হেঙ্গৎপা ঙমখ্রে৷ লৈবাক অসিদা লোকদাউন তপ্না-তপ্না হন্দোরকপা অসিনা ঐখোয়না হান্নগী ফিভমদা অমুক হঞ্জিনবা ঙম্লগনি৷ ইমপেক্ত অসি হন্থনবগীদমক ঐখোয়না তি.বি.কেস ফাইন্দিং অসি কোবিদ-১৯ ইফোর্তশিং অদুগা পুনশিন্ননবগীদমক রাজ্যশিংদা কন্সতেন্ত এদভাইজরীশিং ফোংদুনা লাক্লি৷ ঐখোয়না তি.বি. অমসুং কোবিদ পেসেন্তশিংগী মরক্তা বাই-দাইরেক্সন্নেল স্ক্রিনিং অমসুং আই.এল.আই. অমসুং সারি কেসশিংগীদমক স্ক্রিনিং তৌখ্রে৷”

পোভরতী অসিনা ত্যুবরকুলোসিসকী য়াম্না মরু ওইবা দিতর্মিনেন্ত অমা ওই অমসুং আন্দর ন্যুত্রিসন অসিনা এক্তিব তি.বি. দিজিস ওইরকপা য়াবগী য়াম্না মরু ওইবা রিক্স ফেক্তর অমা ওই হায়না দা.হর্শ বর্ধননা ফোংদোকখ্রে৷ “মসি য়োকখৎনবগীদমক ঐখোয়না ন্যুত্রিসন্নেল সপোর্তকিদমক দাইরেক্ত বেনিফিৎ ত্রান্সফরগী খুৎথাংদা কেস ইন্সেন্তিবশিং পীরি অমসুং ২০১৮গী এপ্রীলদগী হৌদুনা বেনিফিসিয়রিস মিলিয়ন ৩ হেনবদা(চাওরাক্না য়ু.এস.দি. মিলিয়ন ১১০) লুপা বিলিয়ন ৭.৯ য়েন্থোকখ্রে৷ এফোর্দেবল অমসুং ক্বালিতী লৈবা তি.বি. কেয়র অসিনা ঐখোয়গী সরকারনা তৌদ্রবা য়াদ্রবা খোংথাং ওইরি”, হায়না মহাক্না ফোংদোকখ্রে৷

তি.বি. মুথৎনবা ভারত সরকারনা হোৎনরিবা অসি দা.হর্শ বর্ধননা অমুক্কা হন্না ফোংদোকলম্মী অমসুং হায়রিবা এজেন্দা অসিদা সরকার অসিনা খ্বাইদগী মরু ওইবা প্রাইয়োরিতী ওইরে হায়দুনা থাজবা পীখ্রে৷ হায়রিবা এজেন্দা অসি ‘প্রজাগী ইহৌ’ অমা ওইননবগীদমক লৈবাক মীয়ামশিংগী কনফিদেন্স হেঙ্গৎনবা সরকার অসিনা লৌখৎলিবা তোঙান তোঙানবা খোংথাংশিং অদু মহাক্না শরুক য়রিবা মীওইশিং অদুদা হায়খি৷ লাইনা-লাইচৎ অমা থেংনবা মতমদা কম্মুনিতী এঙ্গেৎমেন্ত অসিনা হোলমার্ক ওই অমসুং মসি থোক্নবা ঐখোয়না হোৎনরি”, হায়না মহাক্না ফোংদোকখি৷

*****