ভারতকী মাংজিল থারিবা রিছর্স ওর্গনাইজেসন, কাউন্সিল ওফ সাইন্তিফিক এন্দ ইন্দস্ত্রিএল রিছর্স(সি এস আই আর) অমসুং মালেমদা মাংজিল থারিবা হিদাক-লাংথক শুংবা কম্পেনি মাইলানগী ভারত্তা লৈবা সবসিদিয়ারি মাইলান লেবোরেতোরিস লিমিতেৎনা কোবিদ-১৯ লাইচৎ মরক্তা অনাবশিং দরকার ওইবশিং ফংহন্নবা পুন্না থবক তৌমিন্ননবা ঙসি লাউথোকখ্রে। অপুনবা অসিগী মখাদা, কোবিদ-১৯ ফহনবা ঙম্বা লায়েং-কাংলোনশিং মশক খঙদোক্নবা সি.এস.আই.আরগী মখাদা লৈবা ইন্দিয়ান ইন্সতিতুৎ ওফ কেমিকেল তেক্নোলোজি অমসুং মাইলান পুন্না থবক তৌমিন্নগনি।

পুন্না থবক তৌমিন্নবা অসিগী শরুক অমা ওইনা ভারত্তা কোবিদ-১৯ লায়েংনবা অনৌবা পাম্বৈশিং পুথোক্নবা ক্লিনিকেল ত্রাইএলশিং পরিং নাইনা পাংথোক্কনি। অহানবা ক্লিনিকেল ত্রাইএল অসি কোবিদ-১৯গী ফিবম ফরিবা অমসুং য়াইমরপ ওইবা অনাবা অহলশিংদা তাঙ্কক অহুম থোক্না পাংথোক্কনি।

সি.এস.আই.আরগী দিরেক্তর জেনেরেল, দোক্তর সেখর সি মান্দেনা হায়খি হৌজিক মাইলানগা পুন্না থবক তৌমিন্নবা অসি অচৌবা মাইপাকপা অমনি অমসুং হৌজিক মায়োক্নরিবা কোবিদ-১৯ লাইচৎ মনুংদা কোবিদ-১৯গী লায়েং-কাংলোন মখলশিং পুথোক্নবা ইন্দস্ত্রিশিংগা পুন্না থবক তৌমিন্নদুনা অফবা হিদাকশিং ক্লিনিকেল ত্রাইএলশিং পাংথোক্নবা সি.এস.আই.আরনা মিৎয়েং চঙলি।

সি.এস.আই.আর-আই.আই.সি.তিগী দিরেক্তর দোক্তর চন্দ্রসেখরনা হায়খি লৌশিং অমসুং সাইন্তিফিক ওইবা থবকশিংগী মরুপ ওইনা মাইলানগা থবক তৌমিন্নবদা সি.এস.আই.আরনা অপেনবা পোক্লে অমসুং মাইলানগী ক্লিনিকেল ত্রাইএলশিং অমসুং ললোন-ইতিক্কী লমদা লৈরিবা ইন্দস্ত্রিগী লৌশিং অদুদা মিৎয়েং থমদুনা কম্পেনি অসিগা থবক তৌমিন্ননবা থাজবা থম্লি।

মাইলানগী চীফ ওপেরেতিং ওফিসার, সঞ্জিব সেথিনা হায়খি কোবিদ-১৯ অনাবা মীওইশিংগী অফবা লায়েং-কাংলোনশিং মশক খঙদোক্নবা পান্দমদা ঐখোয়না সি.এস.আই.আরগা পুন্না থবক তৌমিন্নবনি। মসিগী পুন্না চৎমিন্নবা অসিনা তুংদা লাক্কদবা তোঙান তোঙানবা লৌনগনবা লায়নাশিং লায়েংবা ঙম্বা মোলিকুলশিং মশক খঙদোকপদা ঐখোয়দা মতেং পাংগনি।

ক্লিনিকেল ত্রাইএলশিং পাংথোক্নবা অয়াবা লৌনবা এপ্লিকেসনশিং দ্রগস কন্ত্রোল্লর জেনেরেল ওফ ইন্দিয়াদা পীশিনখ্রে।

সি.এস.আই.আরনা দোক্তর রাম বিশ্বকর্মা সি.এস.আই.আরগী দিরেক্তর জেনেরেলগী ওনাররি এদভাইজর ওইনা হাপখ্রে অমসুং সি.এস.আই.আর-আই.আই.আই.এমগী হান্নগী দিরেক্তরনা মসিগী পুন্না থবক তৌমিন্নবা অসি লমজিং-লমতাক্কনি।

কাউন্সিল ওফ সাইন্তিফিক এন্দ ইন্দস্ত্রিএল রিছর্স(সি এস আই আর) অসি সাইন্স অমসুং তেক্নোলোজিগী হিরমশিংদা রিছর্স অমসুং দিবলপমেন্তগী লমদা মমিং লৈরবা মাংজিল থারিবা ইন্সতিতুৎ অমনি। লৈবাক শীনবা থুংনা কাউন্সিল ওফ সাইন্তিফিক এন্দ ইন্দস্ত্রিএল রিছর্সগী নেসনেল লেবোরেতোরি ৩৮, আউদরিচ সেন্তর ৩৯, ইন্নোবেস কমপ্লেক্স ৩ অমসুং য়ুনিৎ ৫ লৈরি। কাউন্সিল ওফ সাইন্তিফিক এন্দ ইন্দস্ত্রিএল রিছর্সনা ওসিনোগ্রাফি, জিওফিসিক্স, কেমিকেলস, ইন্সত্রুমেন্তেসন, ইনভাইরোনমেন্তেল ইঞ্জিনিয়ারিং, দ্রগ, জেনোমিক্স, বাইওতেক্নোলোজি, নানোতেক্নোলোজি, মাইনিং, এরোনোতিক্স অমসুং ইনফোরমেসন তেক্নোলোজিগী লমদা থবক তৌরি। 

মাইলান অসি মালেমদা মাংজিল থারিবা হিদাক-লাংথক শুংবা কম্পেনি অমনি। মসি মালেমদা খ্বাইদগী চাউবা হিদাক-লাংথকশিং শুংনবা মচলশিং পুথোকপা কম্পেনি অমনি।

(মখা তাবা ই-পাউগীদমক চানবীদুনা উনবীয়ু:

দোক্তর গিতা বানি রায়াসাম

হেদ-সাইন্স কমুনিকেসন এন্দ দিসিমিনেসন

সি.এস.আর.আই

Email: gvrayasam@csir.res.in

 

রিতিকা ভর্মা

হেদ ওফ কমুনিকেসন-(ইন্দিয়া অমসুং অতৈ কৈথেলশিং)

ফোন: + ৯১.৪০.৩০৮৬. ৬৪১৯

 ই-মেল : ritika.verma@mylan.com)

*****

(Release ID: 1658294) Visitor Counter : 112