লেবর অমসুং ইম্প্লোইমেন্ত মন্ত্রালয়

লোক সভানা ইতিহাসিক ওইরবা অমসুং অনৌবা লেবর কোদ ৩ পাস তৌখ্রে

শ্রী গঙ্গৱারনা লেবর কোদশিং অসিদা য়াওরিবা মখল কয়াগী ‘অওনবা পুরক্কদবা’ শিন্মীগী য়াইফ থৌরাংগী প্রোবিজন মচা খাইনা থমখি

অনৌবা লেবর কোদশিং অসিনা ওর্গনাইজ, অনওর্গনাইজ অমসুং মশানা মশাবু থবক পীজরিবা শিন্মী করোর ৫০গী মথক্তা কোনশিন্নদুনা পীফম থোকপা খুশুমলশিং, সোসিএল সেক্যুরিতী ফংহনগনি

ই.এস.আই.সি. অমসুং ই.পি.এফ.ও.গী সোসিএল সেক্যুরিতী নেৎ অসিনা শিন্মী অমসুং মশানা মশা থবক পীজরিবা পুম্নমক্তা কান্নবা পীবা হেনগৎলগনি

অনওর্গনাইজ শিন্মী করোর ৪০ লোয়ননা জি.আই.জি. অমসুং প্লেৎফোর্ম ৱার্করশিংগী “সোসিএল সেক্যুরিতী ফন্দ” শেমগৎপা অমসুং য়ুনিবর্সেল সোসিএল সেক্যুরিতী কোভরেজ ফংহনবা হেনগৎহনবদা মতেং পাংগনি

নুপা শিন্মীশিংগী য়েংনবদা নুপী শিন্মীশিংদসু চপ মান্নবা খুশুমল পীবা

রিগুলর ওইবা কর্মচারিগুম্না ফিক্স তর্ম ওইবা কর্মচারিদা চপ মান্নবা সর্ভিসকী লৈরিবা মওং, গ্রেজ্যুতী, ছুতি অমসুং সোসিএল সেক্যুরিতী ফংহনবা

অতোপ্পা দ্যুশিংগা লোয়ননা খুদোংথিবা থোকপা মতমদা শিন্মীদা পেনাল্তীগী ৫০% ফংহনবা

মালেমগী থাক্কী শাফবা ফীভম অমা ওইহন্নবা “নেস্নেল ওক্যুপেসনেল সেফতী এন্দ হেল্থ বোর্দ” লিংখৎলগনি

ৱার্কিং জর্নেলিস্তকী

Posted On: 22 SEP 2020 8:16PM by PIB Imphal

লেবর অমসুং এম্পাৱর্মেন্তকী কেন্দ্রগী রাজ্যগী মন্ত্রী (আই./সি.) শ্রী সন্তোশ গঙৱারনা লোক সভাগী খন্ন-নৈনবগী পাউখুম পীরদুনা মহাক্না হায় ঙসি পুৱারি ওইরবা লৈবাক অসিগী লেবর রিফোর্মসকী বিল অহুম হাউসতা পুথোকখিবা অসিনা লৈবাক অসিদা লৈরিবা অনওর্গনাইজ শিন্মী করোর ৫০ হেনবা কোনশিন্দুনা লেবর ৱেলফ্যের রিফোর্মসতা অহোংবা পুরকপা অমা ওইরগনি। মসিদা জি.আই.জি., প্লেৎফোর্ম য়াওরগনি অমসুং সেল্ফ-ইমপ্লোইমেন্ত সেক্তরদা লৈরিবশিংগী সোসিএল সিক্যুরিতী পীরগনি। 

 

লোক সভাদা ঙসি পাস তৌখিবা বিল ৩ অদুদি (i) ইন্দস্ত্রীএল রিলেসন্স কোদ, ২০২০ (ii) কোদ ওন ওক্যুপেসনেল সেফতী, হেল্থ এন্দ ৱার্কিং কন্দিসন্স কোদ, ২০২০ অমসুং (iii) সোসিএল সেক্যুরিতী কোদ, ২০২০ অসিনি। বিলশিং অসি হৌখিবা চহি ৭৩ অসিদা করিগুম্বা অমত্তা তৌরকখিদ্রবা লৈবাক অসিদা য়াম্না মথৌ তারিবা শিন্মীশিংগী য়াইফ থৌরাংগী অওনবা পুরক্নবা সরকারগী অপাম্বা অদুগী শরুক অমনি। হৌখিবা চহি ৬ অসিদা স্তেকহোল্দর পুম্নমক্কা মদুদি ত্রেদ য়ুনিয়নশিং, কর্মচারিশিং, রাজ্য সরকারশিং অমসুং লেবর সেক্তরগী খঙহৈরবশিং অসিগা লোয়ননা মখল কয়াগী স্তেকহোল্দর কন্সল্তেসসনশিং পাঙথোকখি। মসিদা ত্রিপার্তাইদ কন্সল্তেসন ৯, সব কম্মিতীগী মীফম মরি অমসুং রিজনেল কনফরেন্স ১০, ইন্তর-মিনিস্ত্রিএল কন্সল্তেসন ১০ অমসুং প্রজাশিংগী ৱাখল্লোনশিং লৌবা য়াওখি।

 

শ্রী গঙ্গৱারনা হায়খি থৌনা লৈবা ৱাখল শানা উবা ঙম্বা প্রধান মন্ত্রী শ্রী নরেন্দ্রমোদীগী লুচিং মখাদা সরকার অসিনা ২০১৪দগী হৌদুনা বাবা সহেব অম্বেদকরগী মঙলানশিং মঙ ফাওননবা অমসুং ‘শ্রমেৱ জয়তে’ অমসুং ‘সত্যমেৱ জয়তে’বু চপ মান্ননা লুন্না লৌনবা খোঙথাং কয়া লৌখৎখ্রে। হৌখিবা চহি ৬ অসিদা শিন্মীশিংনা মায়োক্নরিবা সমস্যা  অসি সরকারনা কোকহন্নবা হোৎনখি, ঐহাক্কী মন্ত্রালয়না কোবিদ-১৯ লায়চৎ মনুং অসি য়াওনা ওর্গনাইজ অমসুং অনওর্গনাইজ শিন্মীশিংদা সোসিএল সেক্যুরিতী অমসুং অতোপ্পা য়াইফ থৌরাংগী খোঙথাংশিংদা ফংহন্নবা চোকথবা লৈতনা হোৎনরি। থৌনা লৈবা ঐখোয়গী প্রধান মন্ত্রী, শ্রী নরেন্দ্র মোদীনা লুচিংবা সরকার অসিগী মখাদা সরকারনা অমুক্তা লৌখৎখিদ্রিবা খোঙথাংশিং লৌখৎখি অমসুং প্রধা মন্ত্রী প্রোৎ সহন রোজগার য়োজনাগী মখাদা ইচে-ইচলশিংগী মেতর্নিতী লীফ চয়োল ১২গী চয়োল ২৬ ফাওবা হেনগৎহনখি, নুপীশিংবু মাইনশিংদা থবক তৌবা য়াহনবা হায়রিবা য়াইফ থৌরাংগী খোঙথাংশিং হৌদোকখি হায়না মহাক্না ফোঙদোকখি। ঐখোয়গী প্রজাশিংনা ই.পি.এফ.ও. অমসুং য়াইফ থৌরাংগী স্কিমশিংদা ফোর্মেল ইমপ্লোইমেন্তগী পোর্তেবিলিতী হেনগৎহনবা অমসুং ই.এস.আই.গী ফেসিলিতীশিং চাউথোকপা।

 

মন্ত্রীনা লোক সভাদা মেম্বরশিংনা হংলকপা ৱাহংশিংগী পাউখুম পীরদুনা হায়খি, বিলশিং অসিনা লৈবাক অসিগী অপুনবগী চাউখৎ থৌরাংগীদমক খল্লি অমদি লেবরশিংগী য়াইফনবা মখোয়গী অপাম্বা খঙবা হায়বা অসি মরু ওইনা লৌখি। মহাক্না হায়খি মখোয় অসি লেবরগী মখল কয়াগী আইনশিং অসুবা খ্বাইদগী হেন্না শোকহল্লবা মীওইশিং ওইরি মসিদা থবক চত্থবদা খুদোংচাদবশিং থেংনবনা তোঙান তোঙানবা য়াইফ থৌরাং অমসুং ঙাকশেন্নবা প্রোবিজনশিং ইমপ্লিমেন্ত তৌবদা অপনবা পীরি। মহাক্না মখা তারদুনা হায়খি লেবর কোদ ৪ অসিদা লেবর লো ২৯ অসি হাপচিন্দুনা অচম্বা লাইনা খঙবা ঙম্বা ত্রান্সপরেন্ত ওইহল্লি। লেবর কোদ ৪গী মনুংদা, কোদ ওন ৱেজেস অসি পার্লিয়ামেন্তদা হান্না পাস তৌখ্রে অমসুং লমদম অসিগী আইন ওইখ্রবনি। লেনর লো পুম্নমক (মশিং ২৯) অসি লেবর কোদ ৪ অসিদা পুনশিনখ্রে :

 

 

কোদকী মমিং

 

মশিং অমসুং পুনশিনখ্রবা লোশিংগী মমিং

ৱেজ কোদ

 

লো ৪ –

  1. দি পেমেন্ত ওফ ৱেজেস এক্ত, ১৯৩৬
  2. দি মিনিমম ৱেজেস এক্ত, ১৯৪৮
  3. দি পেমেন্ত ওফ বোনস এক্ত, ১৯৬৫
  4. দি ইক্বেল রিম্যুনরেসন এক্ত, ১৯৭৬

 

আই.আর. কোদ

 

লো ৩ -

  1. দি ত্রেদ য়িনিয়ন এক্ত, ১৯২৬
  2. দি ইন্দস্ত্রীএল ইমপ্লোইমেন্ত (স্তেন্দিং ওর্দর্স) এক্ত. ১৯৪৬
  3. দি ইন্দসত্রিএল দিসপ্যুৎ এক্ত, ১৯৪৭

ও.এস.ঐচ. কোদ

 

লো ১৩ -

  1. দি ফেক্তরীস এক্ত, ১৯৪৮
  2. দি প্লান্তেসন লেবর এক্ত, ১৯৫১
  3. দি মাইন্স এক্ত, ১৯৫২
  4. দি ৱার্কিং জর্নেলিস্ত এন্দ অদর ন্যুসপেপর ইমপ্লোইয়ীস (কন্দিসন্স ওফ সর্ভিস) এন্দ মিসিলেনস প্রোবিজন এক্ত, ১৯৫৫
  5. দি ৱার্কিং জর্নেলিস্ত (ফিক্সেসন ওফ রেৎ ওফ ৱেজেস) এক্ত, ১৯৫৮
  6. দি মোতোর ত্রান্সপোর্ত ৱার্কর্স এক্ত, ১৯৬১
  7. দি বীরি এন্স সিগর ৱার্কর্স (কন্দিসন্স ওফ ইমপ্লোইমেন্ত) এক্ত, ১৯৬৬
  8. দি কন্ত্রেক্ত লেবর (রিগুলেসন এন্স এবোলিসন) এক্ত, ১৯৭০
  9. দি সেল্স প্রমোসন ইমপ্লোইয়ী (কন্দিসন্স ওফ সর্ভিসেস) এক্ত, ১৯৭৬
  10. দি ইন্তর-স্তেৎ মাইগ্রেন্ত ৱার্কমেন (রিগুলেসন ওফ ইমপ্লোইমেন্ত এন্দ কন্দিসন্স ওফ সর্ভিসেস) এক্ত, ১৯৭৯
  11. দি সিনে-ৱার্কর্স এন্দ সিনেমা থিএতর ৱার্কর্স (রিগুলেসন ওফ ইমপ্লোইমেন্ত) এক্ত, ১৯৮১
  12. দি দোক্ক ৱার্কর্স (সেফতী, হেল্থ এন্দ ৱেলফিয়র) এক্ত, ১৯৮৬
  13.  দি বিল্দিং এন্দ অদর কন্সত্রক্সন ৱার্কর্স ((রিগুলেসন ওফ ইমপ্লোইমেন্ত এন্দ কন্দিসন্স ওফ সর্ভিসেস) এক্ত, ১৯৯৬

সোসিএল সেক্যুরিতী কোদ

 

লো ৯ –

  1. দি ইমপ্লোয়ীস’ কম্পেন্সেসন এক্ত, ১৯২৩
  2. দি ইমপ্লোয়ীস’ স্তেৎ ইন্সিরেন্স এক্ত, ১৯৪৮
  3. দি ইমপ্লোয়ীস’ প্রোবিদেন্ত ফন্দ এন্দ মিসসেলেনস প্রোবিজন্স এক্ত, ১৯৫২
  4. দি ইমপ্লোইমেন্ত একচেঞ্জ (কম্পলসরৌ নোতিফিকেসন ওফ বেকেন্সীস) এক্ত, ১৯৫১
  5. দি মেতর্নিতী বেনিফিৎ এক্ত, ১৯৬১
  6. দি পেমেন্ত ওফ গ্রেজ্যুতী এক্ত, ১৯৭২
  7. দি সিনি ৱার্কর্স ৱেলফিয়র ফন্দ এক্ত, ১৯৮১
  8. দি বিল্দিং এন্দ অদর কন্সত্রক্সন ৱার্কর্স ৱেলফিয়র সেস এক্ত, ১৯৯৬
  9. দি অনওর্গনাইজ ৱার্কর্স’ সোসিএল সেক্যুরিঈ এক্ত, ২০০৮

অপুনবা

 

২৯

  • লেবর এক্ত ১২ অসি হান্না ২০১৪দগী রিপিল তৌখ্রে

 

অনৌবা লেবর কোদশিং অসিগী কান্নবশিংগী মতাংদা মচা খাইনা থম্লদুনা শ্রী গঙ্গৱারনা হাউস্তা ফোঙদোকখি মদুদি লৈবাক অসিদা লৈরিবা শিন্মী পুম্নমক্তা তোঙান তোঙানবা কোদশিংগী মখাদা কান্নবশিং ফংহল্লগনি। মন্ত্রীনা লোক সভাদা পাস তৌখিবা কোদ ৩দা য়াওরিবা অদু মখাদা পীরিবা অসিনা হায়না থমখি:-

 

(A)   সোসিএল সেক্যুরিতী কোদ, ২০২০

ই.এস.আই.সি. ফংবা হেনগৎহনবা: শিন্মী মশিং কয়াদা ই.এস.আই.সি.গী মখাদা হেল্থ সেক্যুরিতীগী হকশিং ফংহন্নবা হোৎনবা:-

(a)  ই.এস.আই.সি.গী ফেসিলিতী অসি জিলা ৭৪০দা ফংহল্লগনি। হৌজিক্কী ওইনা ফেসিলিতী অসি জিলা ৫৬৬ খক্তদা ফংহনখ্রে।

(b) খুদোংথিবা থোকপা য়াবা সেক্তরশিংদা থবক তৌরিবা ইস্তাব্লিশমেন্তশিং অসি করিগুম্বা শিন্মী অমা খক্তা থবক তৌরবসু মদু ই.এস.আই.সি.গা শোইদনা লিঙ্ক তৌগদবনি।

(c) অনওর্গনাইজ সেক্তর অমসুং জি.আই.জি.গী শিন্মীশিং অসি ই.এস.আই.সি.গা লিঙ্কক তৌনবা স্কিমগী প্রোবিজন

(d) প্লান্তেসনশিংদা থবক তৌরিবা শিন্মীশিংগী লিঙ্ক তৌনবগী ওপ্সন অসি প্লান্তেসন মপুশিংদা পীরি।

(e) শিন্মী ১০দগী তানা লৈবা ইস্তাব্লিশমেন্তশিংদা ই.এস.আই.সি.গী মেম্বর ওইনবা ওপ্সন পীরি।

ই.পি.এফ.ও. ফংবা হেনগৎহনবা:

(a) শিন্মী ২০ লৈবা ইস্তাব্লিশমেন্ত পুম্নমক্তা ই.পি.এফ.ও. চৎনবা য়াগনি। হৌজিক্কি ওইনা সেদ্যুলদা চনবা ইস্তাব্লিশমেন্তশিংদা খক্তা চৎনরি।

 (b) শিন্মী ২০দগী তানা লৈবা ইস্তাব্লিশমেন্তশিংদা ই.পি.এফ.ও. য়াওবা য়াবগী ওপ্সন পীরি।

(c) ই.পি.এফ.ও.গী লমজিং মখাদা ‘সেল্ফ-ইমপ্লোই’গী কাংলুপ্তা চনবা নত্রগা অতোপ্পা কাংলুপ অমা হেক্তদা চনবা শিন্মীশিং পুশিল্লক্নবগী স্কিমশিং শেমগনি।

  • অনওর্গনাইজ সেক্তরদা লৈরিবা শিন্মীশিংদা পুম্নমক য়াওরবা সোসিএল সেক্যুরিতী ফংহন্নবা তোঙান তোঙানবা স্কিমশিং য়াওবা প্রোবিজন শেমখ্রে। স্কিমশিং অসি ইমপ্লিমেনজ্ত তৌনবা শেন-থুমগী ওইনা “সোসিএল সেক্যুইতী ফন্দ” অমা শেমগনি।
  • সোসিএল সেক্যুরিতী কোদ অসিদা সোসিএল সেক্যুরিতী ফংহন্নবা হোংলক্লিবা তেক্নোলোজীগা লোয়ননা শেম্লিবা “প্লেৎফোর্ম ৱার্কর নত্রগা জি.আই.জি. ৱার্কর” গুম্বা অনৌবা মওংগী থবক ফংহন্নবা হোৎনবা। সোসিএল সেক্যুরিতীগী কেতগোরীগী মখাদা শিন্মীশিং পুশিল্লক্নবা অমুক্তা লৌখৎখিদ্রিবা খোঙথাংশিং লৌখৎলিবা লৈবাক খরগী মনুংদা ভারতসু অমনি।
  • ফিক্স তর্ম ইমপ্লোইয়ীগীদমক গ্রেজ্যুতীগী প্রোবিজন শেমখ্রে অমদি মসিগীদমক মিনিমম সর্ভিস পেরদকী কন্দিসন অমত্তা লৈরোই। অহানবা ওইনা, কন্ত্রেক্তকী অখন্নবা মতম অমগী ওইনা থবক তৌরিবা ফিক্স তর্ম ইমপ্লোইয়ী অমদা রিগুলর ইমপ্লোইয়ী অমগুম্বা সোসিএল সেক্যুরিতীগী হক পীরগনি।
  • অনওর্গনাইজ সেক্তরগী শিন্মীশিংগী নেস্নেল দেতসবেজ অমা শেম্নবগী পান্দমগা লোয়ননা ওনলাইন পোর্তেলদা হায়রিবা শিন্মী পুম্নমক্কী রেজিস্ত্রেসন তৌগনি অমদি মসিগী রেজিস্ত্রেসন অসি অচম্বা প্রোসিজর অমগী খুত্থাংদা সেল্ফ সর্তিফিকেসনদা য়ুম্ফম ওইরগা তৌগনি। মসিনা অনওর্গনাইজ সেক্তরদা লৈরিবা বেনিফিসরীশিংদা তোঙান তোঙানবা সোসিএল সেক্যুরিতী স্কিমশিং অসিগী কান্নবশিং অসি ফংহনগনি।  দেতাবেজ অসিগী মতেংগা লোয়ননা ঐখোয়না অনওরগনাইজ সেক্তরগী শিন্মীশিংদা সোসিএল সেক্যুরিতী ফংহন্নবা “তার্গেৎ দেলিবরী” তৌবা ঙম্লগনি।
  • থবক পীনবা খ্বাইদগী মরু ওইরিবা অসি থবক্কী ফম হাংবরা হায়বগী ই-পাউ অসিনি। পান্দম অসিগা লোয়ননা, শিন্মী ২০ নত্রগা হেন্না লৈবা ইস্তাব্লিশমেন্ত পুম্নমক্না মখোয়গী ইস্তাব্লিশমেন্তশিংদা লৈরিবা অহাংবা ফমশিংগী ই-পাউ অদু শোইদনা রিপোর্ত তৌহনগনি। মসিগী ই-পাউ অসি ওনলাইন পোর্তেলদা ফংহনগনি।

(B) ওক্যুপেসনেল সেফতী, হেল্থ এন্দ ৱার্কিং কন্দিসন্স কোদ, ২০২০

  • অককনবা চহিদগী হেল্লবা শিন্মীশিংগীদমক ইমপ্লোইয়রনা চহি অমদা লেম্না হেল্থ চেকঅপ তৌগনি।
  • অহানবা ওইনা শিন্মীশিংদা এপোইনমেন্ত লেতর ফংহন্নবা আইনগী ওইবা হক পীরি।
  • সিনি ৱার্করশিং অসি ওদিও ভিজ্যুএল ৱার্কর ওইনা মথৌ তৌহন্দুনা ও.এস.ঐচ. কোদকী মখাদা শিন্মী মশিং হেন্না হেন্না কোনশিল্লহল্লগনি। মমাংদা মসিগী সেক্যুরিতী অসি ফিলমশিংদা থবক তৌরিবা আর্তিস্ত খক্তদা ফংহল্লম্মি।

(C)  ইন্দস্ত্রীএল রিলেসন্স কোদ, ২০২০

 

শিন্মীশিংগী য়েৎনবশিং অসি অথুবদা কোকহন্নবা সরকারনা হোৎনরিবশিং:

(a) ইন্দস্ত্রীএল ত্রিব্যুনেলদা মেম্বর অমা খক্তগী মহুত্তা মেম্বর অনিগী প্রোবিজন। করিগুম্বা মেম্বর অমা লাক্তবা থোক্লবসু থবক অদুমক মখা চত্থবা য়াগবি।

(b) করিগুম্বা য়েৎনবা অসি য়াশন্নবা পুরকপা ঙমদ্রবদি মসিগী ৱাফম অসি হকথেংননা ত্রিব্যুনেলদা পুখৎনবা প্রোবিজন। হৌজিক্কী ওইনা মরী লৈনবা সরকারনা কেস অসি ত্রিব্যুনেলদা রিফর তৌরি।

(c) ত্রিব্যুনেলগী এৱার্দকী মতুংদা নুমিৎ ৩০নিগী মতুংদা এৱার্দ ইমপ্লিমেন্ত তৌবা

   

(d) ফিক্স তর্ম ইমপ্লোইমেন্ত শকখঙলবা মতুংদা, শিন্মীশিংনা কন্তরেক্ত লেবরগী মহুত্তা ফিক্স তর্ম ইমপ্লোইমেন্তগী ওপ্সন ওইনা ফংলগনি। মসিগী মখাদা, মখোয়না থবক শুবা পুংশিংগী, তোলোপকী, সোসিএল সেক্যুরিতীগী কান্নবশিং ফংগনি অমসুং রিগুলর ইমপ্লোইয়ী অমগুম্না অতোপ্পা য়াইফ থোরাংগী কান্নবশিংসু ফংগনি।

(e) ত্রেদ য়ুনিয়নশিংদা ফজনা অমদি মপুং ফানা শরুক য়ানবা পান্দমগা লোয়ননা য়েৎনবা অমা হেক্তা লাকপা মতমদা য়াশন্নবা পরক্নবা “নেগোসিএতিং য়ুনিয়ন” অমসুং “নেগোসিএতিং কাউন্সিল”গী প্রোবিজন অমা শেমখ্রে। মসি চৎনবগা লোয়ননা দাইলোগ তৌন্দুনা য়েৎনবা অসি কোকহন্নবা তৌগনি অমসুং শিন্মীশিংনা মখোয়গী হকশিং ফংজরগনি।

(f) ত্রেদ য়ুনিয়নশিংগী মরক্তা থোরকপা য়েৎনবশিং অসি ৱারোইশি পুরক্নবা ত্রিব্যুনেলদা পুখৎনবগী শেম শাবা চত্থরি। য়েৎনবশিং অসিগী ৱারোইশিন পুরকপদা মতম চংলরোই।

(g) ত্রেদ য়ুনিয়নশিং অসি কেন্দ্র অমদি রাজ্য লেবেলদা শক খঙনবা প্রোবিজন পীরি। লেবর লোশিংদা মসিগী শক খঙবীবা অসি অহানবনি অমদি শক খঙলবা মতুংদা ত্রেদ য়ুনিয়নশিংনা কেন্দ্র অমদি রাজ্যগী থাক্তা হেন্না থৱায় য়াওনা অমদি হেন্না মপুং ফানা য়াওশিনবা ঙমহল্লগনি।

(h) লো অসিদা অহানবা ওইনা রি-স্কিলিং ফন্দগী প্রোবিজন পীরি। মসিগী পান্দমদি থবক্তগী লৌথোকখ্রবা শিন্মীশিংবু রি-স্কিল তৌবীদুনা মখোয়দা অমুক হন্না লাইনা থবক ফংহনগনি। মসিগীদমক, শিন্মীশিংদা নুমিৎ ৪৫নিগী মতমগী মনুংদা নুমিৎ ১৫গী তোলোপ পীগনি।

                                                           

শ্রী গঙ্গৱারনা হায়খি ঐখোয়না মাইগ্রেন্ত ৱার্করশিংগী দিফিনিসন অসি শেমদোক্তুনা মাইগ্রেন্ত ৱার্করশিংনা মখোয় মশানা রাজ্য অমদগী অতোপ্পা রাজ্য অমদা চৎচবা মতমদা অমদি অতোপ্পা রাজ্য অমদগী ইমপ্লোইয়র অমনা এপ্পোইন্ত তৌরকপা মাইগ্রেন্ত শিন্মীশিং অসি ও.এস.ঐচ. কোদকী মখাদা কোনশিনবা য়াগনি। হৌজিক্কী ওইনা কন্ত্রেক্তরগী খুত্থাংদা  পুশিল্লকপা মাইগ্রেন্ত শিন্মী খক্তদা প্রোবিজনশিং অসিগী মখাদা কান্নবা ফংলি। মন্ত্রীনা লেবর কোদশিংগী মখাদা লৈরিবা কান্নবশিং অসি মচা খাইনা পীখি:

  • মাইগ্রেন্ত ৱার্করশিংগী সমস্যাশিং কোকহন্নবা হেল্পলাইনগী ফেসিলিতী শোইদনা পীবা।

 

  • মাইগ্রেন্ত ৱার্করশিংগী নেস্নেল দেতাবেজ অমা শেম্বা।

 

  • নুমিৎ ২৪০গী মহুত্তা নুমিৎ ১৮০ থবক শুবা মতমদা, নুমিৎ ২০গী থবক শুবা খুদিংগী নোংমগী ছুতি পীনবা প্রোবিজন।

 

  • হীরম খুদিংদা নুপীদা চপ মান্নবা হকশিং ফংহনবা: সেক্তর খুদিংমক্তা নুমিদাংদা নু্পীশিং থবক শুবগী অয়াবা পীবা অদুবু মসিগীদমক ইমপ্লোইয়রনা মখোয়গী সেক্যুরিতী পীনবা প্রোবিজন ফংহনগদবনি অমসুং থবক তৌগদৌরিবা নুপীশিং অদুদগী নুমিদাংদা থবক তৌনবগী অয়াবা হান্না লৌগদবনি।

 

  • থবক মফমদা খুদোংথিবা অমা থোকপনা মরম ওইরগা শিন্মী অমা লৈখিদবা নত্রগা অশোক অপন নংবা থোক্লবদি, পেনাল্তীগী সিয়র য়ামদ্রদা ৫%দি ফংহনগনি। হায়রিবা শেনফম অসি ইমপ্লোইয়ীগী কমপেন্সেসন অদুগী মথক্তা পীবা শেমফম ওইগনি।

 

  • জি.আই.জি. অমসুং প্লেৎফোর্ম ৱার্করশিংগা লোয়ননা অনওর্গনাইজ শিন্মী করোর ৪০দা “সোসিএল সেক্যুরিতী ফন্দ”গী প্রোবিজন পীরি অমসুং মসিনা য়ুনিবর্সেল সোসিএল সেক্যুরিতী কোভরেজ ফংহনবদা মতেং পাংগনি।
  • থবক তৌমিন্নরিবা নুপাশিংগা য়েংনবদা নুপী শিন্মীশিংদা চপ মান্নবা হকশিং ফংহল্লি।
  • ওক্যুপেসনেল সেফতী, হেল্থ এন্দ ৱার্কিং কন্দিসন্স কোদনা হৌজিক্তি আই.তি. অমসুং সর্ভিস সেক্তরদগী শিন্মীশিংসু কভর তৌরগনি।
  • স্ত্রাইক তৌবগী নোতিস নুমিৎ ১৪ পীগনি মরমদি মতম অসিগী মনুংদা মথৌ তাবা সোলুসনশিং পুরক্নবা হোৎনগনি।
  • লেবর ত্রিব্যুনেলশিংনা অথুবদা ৱারোইশিন পুরক্নবা অফবা মেকানিজম প্রপোজ তৌখি মরমদি “ৱায়েল পীবদা থেংবা হায়বা অসি ৱায়েলপীদবগা মান্নৈ”।
  • পোৎ পুথোকপা হেনগৎনবা অমসুং থবক পীবা হেনগৎনবা ইন্দস্ত্রীএলগী মরী ফগৎহন্নবা কোদশিং
  • লেবর কোদশিংনা ত্রান্সপরেন্ত ওইবা, পাউখুম পীবা ঙম্বা অমসুং অরাইবা মেকানিজম ওইহন্দুনা রেজিস্ত্রেসন তৌবগী মথৌ তাবা অসি নিপাল ওইরম্বদগী অমদা হন্থহনখএ; মমাংদা তোঙান তোঙানবা লোশিংগী মখাদা অহুম মরি থোক্না লাইসেন্স লৌরম্বা অদুসু শুম্নতগী অমা খক্তদা হন্থহনখ্রে।
  • ইন্সপেক্তর অসি হৌজিক্তি ইন্সপেক্তর – কম – ফেসিলেতেতর ওইনা ওইরগনি অমদি ইন্সপেক্তরনা শাসন তৌবা মুত্থৎনবা রেন্দম, ৱেব বেজ ইন্সপেক্সন সিস্তেম ওইনা চৎনহল্লগনি
  •  পেনাল্তী অসি শরুক কয়া থোক্না হেনগৎখ্রে; মসিনা অথিংবা পীনবা ওইনা ওইহল্লগনি

 

শ্রী গঙ্গৱার লেবর লোশিংদা অহোংবা অমসুং অওনবশিং পুরকপা অসি চহি কয়াগী মমাংদগী অওনবশিং পুরকপগী ৱাখল্লোন অদু শাগৎলগা অমসুং মখোয় অদু তুংলমচৎতা কান্নগদবা ওইহন্দুনা লৈবাক অসি অয়াংবা গ্রোথ ত্রেজেক্তরী অমদা চংশিল্লগনি হায়না ফোঙদোকখি।    মসিনা শান্তি ওইরবা অমসুং ইং-চিক্লবা ইন্দস্ত্রীগী মরীশিং অদু লৈবাক অসিদা প্রমোৎ তৌদুনা ইন্দস্ত্রী, এমপ্লোইমেন্ত, ইনকম, চাংমান্ননা মফম খুদিংমক চাউখৎপা অমসুং শিন্মীশিংগী খুৎতা দিস্পোজল ইনকম মরাং কায়না ফংহল্লগনি। শ্রী গঙ্গৱারনা মখতানা হায় মসিগী অনৌবা মাইওন পুরক্কদবা অওনবশিং অসিনা ঐখোয়গী লৈবাক্তা ফোরেন দাইরেক্ত ইনবেস্তমেন্ত অমসুং ওন্তপ্রিনোরশিংদগী দোমেস্তিক ইনবেস্তমেন্তসু পুরকপদা মতেং পাংলগনি অমসুং লৈবাক অসিদা ইন্সপেক্তর সাসন লোইশিল্লগনি অমসুং সিস্তেম অসিদা পুন্না মনুং মপান ফাওনা উবা ঙম্বা ওইহল্লগনি। “ভারত অসি মালেমদা ইবেস্তমেন্তকী মীয়াম্না খ্বাইদগী পাম্নবা মফম অমা ওইরগনি হায়না মহাক্না মখা তাখি”।     

 

*****



(Release ID: 1658080) Visitor Counter : 7