কেরলানা মেদিকেল দিভাইস ইন্দস্ত্রী খুদম ওইনা আর. অমসুং দি. সপোর্ত, তেস্তিং অমসুং ইভালুয়েসনদা অঙম্বা থাক্তা মতেং পীন্নবগীদমক রিক্স ৱাংবা মেদিকেল দিভাই সেক্তরদা মীৎয়েং থমদুনা লৈবাক অসিদা অহানবা মেদিকেল দিভাই পার্ক অমা য়াম্না থুনা শারগনি৷

ভারত সরকারগী দিপার্তমেন্ত ওফ সাইন্স এন তেক্নোলোজীগী(দি.এস.তি.) ওতোনোমস ইন্সতিত্যুত অমা ওইরিবা শ্রী চিত্রা তিরুনেল ইন্সতিত্যুত ফোর মেদিকেল সাইন্সেস এন তেক্নোলোজী(এস.সি.তি.আই.এম.এস.তি.)অমসুং কেরলা সরকারগী ইন্দস্ত্রীয়েল অমসুং ইনভেস্তমেন্ত প্রোমোতিং এজেন্সী, কেরলা স্তেত ইন্দস্ত্রীয়েল দিভেলপমেন্ত কোর্পোরেসন লিমিতেদ(কে.এস.আই.দি.সি.)না পুন্না খুৎশম্নদুনা শেমগৎকদৌরিবা মেদিকেল দিভাই পার্ক, মেদস্পার্ক অসি থিরুভনন্থপুরমগী থোন্নাকলদা লৈরিবা লাইফ সাইন্স পার্ক্তা শেমগৎলগনি৷

মসিগী মেদিকেল দিভাই পার্ক অসি এস.সি.তি.আই.এম.এস.তি.না মহাক্কী লৈজবা খঙজবা পুম্নমক পুথোক্তুনা মেদিকেল ইমপ্লান্তশিং অমসুং এক্সত্রাকোর্পোরিয়েল দিভাইশিং য়াওবা রিক্স ৱাংবা মেদিকেল দিভাই সেক্তরদা মীৎয়েং থম্লগনি৷

মেদিকেল দিভাই ইন্দস্ত্রী অমনা দরকার লৈরিবা সর্ভিসশিং আর. অমসুং দি., তেস্তিং অমসুং মেদিকেল দিভাইশিং ইভালুয়েসন তৌনবা, মেনুফেকচরিং সপোর্ত, তেক্নোলোজী ইন্নোভেসন অমসুং নোলেজ দিসসেমিনেসন হায়রিবা ময়াম অসিদা মপুং ফানা মতেং পাংন্নবগীদমক সপোর্ত সিস্তেম অমা মেদিকেল দিভাই পার্ক অসিনা শেম্লগনি৷

হায়রিবা সর্ভিসশিং অসি মেদস্পার্ক অসিগী মনুংদা লৈরিবা মেদিকেল দিভাই ইন্দস্ত্রীশিং অমসুং ভারতকী অতোপ্পা মফমশিংদগী শিজিন্নবা য়াগনি৷ মসিনা মেদিকেল দিভাই সেক্তর লমজিংদুনা চৎলিবা অপিকপা অমসুং ময়াই ওইরপ চাওবা মেদিকেল দিভাই ইন্দস্ত্রীশিং কান্নহল্লগনি৷  

কেরলা সরকারগী মুখ্য মন্ত্রী পিনরায়ি ভিজয়ননা ২০২০গী সেপ্তেম্বরগী তাং ২৪ শাগোলশেল নুমিৎতা মেদিকেল দিভাই পার্ক অসিগী উরেপ উয়ুং তম্লগনি৷

“শ্রী চিত্রনা বাইওমেদিকেল দিভাই সেক্তর অসিদা চহী ৩০ হেন্না মরু ওইনা কন্ত্রিব্যুসন তৌখ্রে অমসুং হায়রিবা হিরম অসিদা লমজিংবা মী ওমা ওইরে৷ মসিনা লৈবাক অসিদা লৈরিবা বাইওমেদিকেল দিভাই ইন্দস্ত্রীদা মাইলস্তোন অমা ওইরগনি অমসুং মসি ইকাই খুম্নরবা প্রধান মন্ত্রীগী ভিজন অত্মনির্ভর ভারতকা মপুং ফানা চৎমিন্নরি”, হায়দুনা নিতি অয়োগকী মেম্বর অমসুং এস.সি.তি.আই.এম.এস.তি.গী প্রসিদেন্ত দা.ভি.কে.সারসৱতনা ফোংদোকখ্রে৷

“হায়রিবা মেদিকেল পার্ক অসিগা লৈবাক অসিদা পুথোরকখিবা অতোপ্পা হায়রপ মান্নবা প্রোজেক্তশিং অদুগা খেন্নরিবা অদুদি হায়রিবা পার্ক অসিদি এস.সি.তি.আই.এম.এস.তি.না এক্সপর্তাইজ অমসুং এক্সপরিয়েন্সকী মফমনি হায়না খল্লিবা মেদিকেল ইমপ্লান্তশিং অমসুং এক্সত্রাকোর্পোরেল দিভাইশিং য়াওরিবা রিক্স ৱাংবা মেদিকেল দিভাই সেক্তরদা হেন্না মীৎয়েং চংলগনি,” হায়দুনা দি.এস.তি.গী সেক্রেতরী অশুতোশ শর্মনা ফোংদোকখ্রে৷

“পার্ক অসি দি.এস.তি.গী বাইওমেদিকেল দিভাই প্রোগ্রামগী তেক্নিকেল রিসর্চ সেন্তর অমসুং কেরলা সরকারগী কে.এস.আই.দি.সি.গা লোইননা সহর অদুদা তোঙান তোঙানবা, একাদমিক ইন্সতিত্যুসনশিং অমসুং হেল্থ কেয়র সেন্তরশিং লৈরিবা ইকোসিস্তেম অদুগী মতৌ লৌদুনা শারিবনি৷ হায়রিবা শেমগৎ শাগৎপা অসি কেন্দ্র সরকারগী তোঙান তোঙানবা দিপার্তমেন্তশিং অমসুং নিতি অয়োগকী মতেং খক্তনা মাই পাকপা ঙমগনি,” হায়দুনা এস.সি.তি.আই.এম.এস.তি.গী দাইরেক্তর দা.অশা কিসোরনা ফোংদোকখ্রে৷

মেদস্পার্কনা কেরলা রাজ্যদা হান্না লৈরম্লিবা রিক্স ৱাংবা মেদিকেল দিভাই মেনুফেকচর অদুগী খুদোংচাবা লৌরগা ভারততা হেন্না ফবা মেদিকেল দিভাই ইন্দস্ত্রী শেমগৎপা ঙম্লগনি৷

হৌজিক হৌজিক্কী ওইনা কেরলাদা চহীদা লুপা কোতি ৭৫০ হেন্না তানবা মেদিকেল দিভাই কম্পেনী কয়ামরোম লৈ, মখোয় অয়াম্বনা এস.সি.তি.আই.এম.এস.তি.গী তেক্নোলোজী শিজিন্নদুনা চলাইরি৷

মাই পাক্না লোইশিনবা মতমদা, মখাগীশিং অসি মেদস্পার্কতা লৈরগনি:

• ইন্তরনেস্নেল এজেন্সীশিংনা থাজবা মেদিকেল দিভাই তেস্তিং অমসুং ইভালুয়েসন সেন্তর অমা
• আর.অমসুং দি.না মেদিকেল দিভাইতা লমজিংদুনা চৎনবা আর. অমসুং দি. সেন্তর অমা, মসিনা সর্ভিস অদু পার্ক অদুগী মনুংদা পীরগনি
• ত্রেনিং পাংথোক্নবা খুদোংচাবাশিং ফংবা স্কিল অপ-গ্রেদেসন অমসুং রিগুলেতরী ইসুশিং, ক্লিনিকেল ত্রাইয়েলশিংগী মতেং পাংন্নবা সেন্ত্রেলাইজ নোলেজ সেন্তর অমা
• শেমগৎলিবা অমসুং নৌরিবা কম্পেনীশিং য়োকখৎনবা তেক্নোলোজী ব্যুজিনেজ ইনকুবেসন সেন্তর অমা
• পার্ক নত্রগা লেন্দ মোদুল্স অদুদা মেনুফেকচরিং যুনিৎশিং শেম শানবগীদমক চংলক্লিবা ইন্দস্ত্রীশিংগা ইননবা য়ানা-চেগীদমক মোদুলর মেনুফেকচরিং য়ুনিৎ সেৎ অমা
• মেদস্পার্ককী ব্যুজিনেস মোদেল অসি রেভিন্যু স্ত্রিমদগী লাক্লিবা অদুনা চলাইবদা চংলিবা শেনফম অদু মেনশিনগনি৷ তোঙান তোঙানবা স্কিমশিংদগী লাক্লিবা রাজ্য অমসুং কেন্দ্র সরকারশিংগী( কেরলা সরকার অমসুং কেন্দ্র) ফন্দিং অদুনা কেপিতেলদা চংবা শেনফম অদু মেনশিনবা ঙম্লগনি অমসুং হৌরকপা মতমদদি চাদিং অদুগা য়েংনবদা লাক্লিবা ইনকমদা ৱাৎলগনি৷
• প্রোজেক্ত অসিনা মীওই ১২০০দা থবক পীবা য়াই হায়না থাজনরি৷ অসিগীসু মথক্তা মতেং পাংলিবা ইন্দস্ত্রীশিং খুদম ওইনা ও.ই.এম. সপ্লাইয়র, সর্ভিস প্রোভাইদর অমসুং মার্কেতিং/পোস্ত মার্কেতিংদা মতেং পাংলিবা থবকশিংদা ৪০০০-৫০০০ ফাওবা থবক পীরগনি৷

*****