মিনিস্ত্রিগী খেলো ইন্দিয়া স্কিমগী মখাদা স্পোর্তস মিনিস্ত্রিনা মেঘলয় অমসুং রাজ্য ৫দা খেলো ইন্দিয়া স্তেৎ সেন্তরস ওফ এক্সলেন্স(কে আই এস সি ই) লিংখৎলগনি।মেঘলয়গী মথক্তা, অতোপ্পা রাজ্য ৫ হায়বদি দাদ্রা অমসুং নগর হেভেলি অমসুং দমান অমসুং দিয়ু, মহারাস্ত্রা, মৈধ্য প্রদেস, অসাম অমসুং সিক্কিমদা অনৌবা তাঙ্কক্তা সেন্তরশিং লিংখৎনবা মশক খঙদোক্লে।

কে.আই.এস.সি.ই লিংখৎনবা ৱারেপ লৌখিবা অসিগী মতাংদা য়ুথ এফেয়ার্স অমসুং স্পোর্তসকী কেন্দ্র মন্ত্রী কিরেন রিজিজুনা হায়খি অনৌবা খেলো ইন্দিয়া স্তেৎ সেন্তরস ওফ এক্সলেন্স ৬ অসি লৈবাক অসিদা শান্নবগী থবকশিং ফগৎহন্নবা অতোপ্পা খোঙথাং অমনি। মসিনা লাক্লিবা চহিশিংদা ওলেম্পিকশিংদা ভারতনা মাইপাক্নবা হোৎনবদা মতেং পাংগনি। শান্নরোইশিংদা অকক্নবা মশান্না খরদা অৱাংবা থাক্কী ত্রেনিং পীনবা অফবা মখলগী সেন্তরশিং ঐখোয়না লিংখৎলি অমসুং হায়রিবা ত্রেনিং সেন্তরশিং অসিনা লৈবাক অসিদা খ্বাইদগী ফবা খুদোংচাবশিং ফংহল্লি।

চহি অসিগী অঙনবা শরুক্তা, অহানবা তাঙ্কক্তা কর্নাতাকা, ওরিসা, কেরলা, তেলঙ্গানা, অরুনাচল প্রদেস, মনিপুর, মিজোরম অমসুং নাগালেন্দদা সেন্তর নিপাল মশক খঙদোকখ্রে। হায়রিবা সেন্তরশিং অসি খেলো ইন্দিয়া স্তেৎ সেন্তরস ওফ এক্সলেন্স(কে আই এস সি ই) ওইনা শেমগৎলগনি।

সেন্তরশিং অসিদা ফংলবা খুদোংচাবশিং, মচাক-মথুমশিং অমসুং সেন্তর অদুনা পুথোকখিবা চেম্পিয়নশিংদা য়ুম্ফম ওইরগা হায়রিবা সেন্তরশিং অসি খনগৎপনি। রাজ্য অমসুং য়ুনিয়ন তেরিতোরি অমনা খনগৎলবা সেন্তরশিংদা মখোয়দা লৈরিবা খ্বাইদগী ফবা শান্নবগী মচাক-মথুমশিং মশক খঙদোক্নবা অমসুং মদু মালেম থাক্কী শান্নবগী খুদোংচাবশিং ফংহন্নবা শেমগৎনবা খঙহনখ্রে।

হৌজিক লৈরিবা সেন্তরশিং অসি খেলো ইন্দিয়া স্তেৎ সেন্তরস ওফ এক্সলেন্স ওইনা শেমগৎনবা, সেন্তর অদুদা খুদোংচাবা পীরিবা মশান্নশিংদা স্পোর্তস সাইন্স অমসুং তেক্নোলোজিগী মতেং পীনবা সরকারনা ‘ভাইএবিলিতি গেপ ফন্দিং’ অমা পীগনি অমসুং শান্নবগী খুৎলায়শিং, কোচশিং অমসুং মেনেজরশিংগী অৱাৎপা লৈবশিং মেনখৎকনি। সেন্তর অমদা য়াম্লবদা ওলেম্পিক স্পোর্তস ৩ দা স্পোর্তস সাইন্সকী লমদা মতেং পাংগনি।

সেন্তর ৬ অদুদি :

অসাম- স্তেৎ স্পোর্তস একাদেমি, সারজুসাজাই স্পোর্তস কমপ্লেক্স, গুৱাহাতি

দাদ্রা অমসুং নগর হাভেলি অমসুং দমান অমসুং দিয়ু- নিউ স্পোর্তস কমপ্লেক্স, সিলভাসা

মহারাস্ত্রা: শ্রী সিব ছাত্রপতি সিবাজি স্পোর্তস কমপ্লেক্স, বালেৱারি, পুনে

মৈধ্য প্রদেস- এম পি একাদেমি, ভোপাল

মেঘলয়-জে.এন.এস কমপ্লেক্স সিল্লোং

সিক্কমি- পালজোর স্তদিয়ম, গেঙতোক

*****

(Release ID: 1657894) Visitor Counter : 101