সোসিএল সেক্যুরিতীগী কান্নবশিংগী মখাদা, অঙ্গনৱাদি ৱার্করশিং (এ.দবল্যু.দবল্যু.শিং)/অঙ্গনৱাদ হেল্পরশিং (এ.দবল্যু.ঐচ.শিং) অসি পীরিবা ইন্সুরেন্স স্কিমশিং অসিনা কোনশিল্লি:

প্রধান মন্ত্রী জীবন জ্যোতি বিমা য়োজনা (পি.এম.জে.জে.বি.ৱাই.): চহি ১৮দগী ৫০ ফাওবগী মনুংদা লৈবা এ.দবল্যু.দবল্যু.শিং অমসুং এ.দবল্যু.ঐচ.শিংদা পি.এম.জে.জে.বি.ৱাই.গী মখাদা লুপা লাখ ২গী লাইফ কভর ফংহল্লি (মরম অমা হেক্তদগী খুদোংথিবা নংবা, লৈখিদবদা কোনশিল্লি)।

প্রধান মন্ত্রী সুরক্ষা বিমা য়োজনা (পি.এম.এস.বি.ৱাই.): চহি ১৮দগী ৫৯ ফাওবগী মনুংদা লৈবা এ.দবল্যু.দবল্যু.শিং অমসুং এ.দবল্যু.ঐচ.শিংদা পি.এম.এস.বি.ৱাই.গী মখাদা লুপা লাখ ২গী (শোইবদগী লৈখিদবা অমসুং মতম চুপ্পগী শোইনাইহৌবা)/লুপা লাখ ১ (শরুক খরা মতম চুপ্পগী শোইনাইবা) এক্সিদেন্ত কভর ফংহল্লি।

অঙ্গনৱাদি কার‍্যাকার্ত্রি বিমা য়োজনা (এ.কে.বি.ৱাই.) (শেমদোক্লবা): চহি ৫১দগী ৫৯ ফাওবগী মনুংদা লৈবা এ.দবল্যু.দবল্যু.শিং/এ.দবল্যু.ঐচ.শিং অসি এ.কে.ব.ৱাই.গী (শেমদোক্লবা) মখাদা মখোয়না থবক তৌরিবা ফাওবা লুপা ৩০,০০০/-গী লাইফ কভর পীরি (মরম অমা হেক্তদগী খুদোংথিবা নংবা, লৈখিদবদা কোনশিল্লি)

চহি ১৮দগী ৫৯ ফাওবগী মনুংদা লৈবা এ.দবল্যু.দবল্যু.শিং/এ.দবল্যু.ঐচ.শিংদা পীরিবা অনাবশিং অসি দাইগনোসিস তৌবদা {শন্দোক্কনবা কেন্সরশিং (মেলিংনেন্ত ত্যুমর) না হকচাংগী কয়াৎ মদুদি ব্রেস্ত, সর্বিক্স য়ুতেরি, কোর্পস য়উতেরি, ওবেরীশিং, ফেলোপিয়ন ত্যুবশিং অমসুং ভজাইনা/ভল্বা হায়রিবশিং অসিদা নাবা} ফিমেল ক্রিতিকেল ইলনেসকী কান্নবশিংগী লুপা ২০,০০০/- পীরি অমসুং ক্লাস  ৯দগী ১২ ফাওবা (আই.তি.আই. কোর্সশিং য়াওরগা) তম্লিবা মখোয়গী অঙাংশিংদা  স্কোলরশিপশিং ফংহল্লি। ইমুং অমগী অঙাং অনিগী থা অহুমগী ওইনা অঙাং অমদা লুপা ৩০০/-গী স্কোলরশিপ ফংহল্লি।

কোবিদ-১৯ লায়চৎ অসিনা মরম ওইরগা লৈবাক অসিদা ওইরিবা ফীভম অসি য়েংলগা চহি ৫১দগী ৫৯ ফাওবগী (০১.০৬.২০১৭ ফাওবগী ক্লোস গ্রুপ) মনুংদা লৈবা এ.দবল্যু.দবল্যু.শিং/ এ.দবল্যু.ঐচ.শিংদা পীবা লাইফ কভর অসি লুপা ৩০,০০০/-দগী লুপা ২,০০,০০০/-দা হেনগৎখ্রে

অসুম্নদী ওইরগা মথক্তা পীরিবা অঙ্গনৱাদি ৱার্করশিং/হেল্পরশিংগী সোসিএল সেক্যূরিতী স্কিমশিং অসি এপ্রিল ১, ২০২০দগী হৌনা ফুল প্রিমিয়ম পেমেন্ত রেজিমদা ওন্থোকখ্রে। মন্ত্রালয়না দি.এফ.এস, শেন-থুমগী মন্ত্রালয়দা মে ৩১, ২০২১ ফাওবা পি.এম.জে.জে.বি.ৱাই./ পি.এম.এস.বি.ৱাই/ এ.কে.বি.ৱাই./ এফ.সি.আই. অসিনচিংবা ইন্সুরেন্স স্কিমশিং অসি মমাংদা পুনশিনখিবগী মওং অদু অমুক হন্না ওইহন্নবা খঙহনখ্রে।

মিদ দে মীলগী স্কিমদগী কান্নবা ফংলিবা অঙাংশিংদা চান্না থক্নবা ফংহন্নবা মন্ত্রালয়না লৌখৎপা খোঙথাংশিং: কোবিদ-১৯ মনুংদা রাজ্য সরকারশিং অমসুং য়ু.তি. এদমিনিস্ত্রেসনশিংদা থোক্লিবা লায়চৎ অসিনা মরম ওইরগা মখোয়গী স্কুলশিং থোং লোল্লিবা ফাওবা ইলিজিবল ওইবা অঙাংশিংদা চেং, হৱাই, থাও অসিনচিংবা (থৌংবদা চংবা মমলগা মান্ননা) য়াওরিবা ফুদ সেক্যুরিতী এলাৱেন্স (এফ.এস.এ.) ফংহন্নবা খঙহনখি।হায়রিবা অসি পাঙথোক্নবগী মওংশিং অদু মশা-মশাগী রাজ্যশিং অমসুং য়ু.তি.শিংআ লৈরিবা ফীভম অদুগা চান্নবা মওংদা ৱারেপ লৌগনি। মখা রানা রাজ্যশিং অমসুং য়ু.তি.শিংদা কোবিদ-১৯না ওইহল্লিবা ফীভম অসি মায়োক্নবা ঙম্নবা চেকশিল থৌরাংশিং ঙাক্না চৎনবা খঙহনখি।

লায়চৎ অসিগী মনুংদা নুপীশিংনা জনওশধি কেন্দ্রশিংদা শিজিন্নবা মরী লৈনবা দেতা: লায়চৎ অসিগী মনুংদা নুপীশিংনা প্রধান মন্ত্রী ভার্তীয়া জনওশধি কেন্দ্রশিং (পি.এম.বি.জে.কে.এস)দা শিজিন্নবা মরী লৈনবা দেতা পুথোকপা ঙমদে মরমদি পি.এম.বি.জে.কে.না জাৎ-বীজাৎ, নুপা নুপী, শেন-থুমগী ফীভমনচিংবদা য়ুম্ফম ওইরগা রেকোর্দশিং থমদে। মসিগী কেন্দ্রশিং অসি লায়না ফংহন্নবা সরকারনা ২০২৫গী মার্চ ফাওবগী মনুংদা দিস্ত্রিক্ত পুম্নমক য়াওহন্দুনা লৈবাক শিনবা থুংবদা পি.এম.বি.জে.কে.এস. ১০৫০০ হাংদোক্লগনি। প্রধান মন্ত্রী ভার্তীয়া জনওশধি পরিয়োজনা (পি.এম.বি.জে.পি.)গী মখাদা ১৮.০৯.২০২০ ফাওবদা দিস্ত্রিক্ত ৭৩২তা লৈবাক শিনবা থুংনা চাঊরাক্না .এম.বি.জে.কে. ৬৬১১ মথৌ তৌরি। বিভাগ অসিনা মনাক নকপা পি.এম.বি.জে.কে.(গুগল মেপশিংগী খুত্থাংদা তাকপা, জনৌশাধিগী হীদাক লাংথকশিং থিনবা, এম.আর.পি. অমসুং অপুনবগী সেভিংশিংগী মওংদা জেনরিক অমদি ব্রান্দেদ ওইবা হিদাক লাংথকশিংগী প্রদক্সশিংগী এনালাইসিস চাংদম্নবা – অসিগুম্বা য়ুজর ফ্রেন্দলি ওপ্সনশিং অসি হোস্ততা ফংহন্নবা দিজিতেল প্লেৎফোর্ম অমা ফংহন্দুনা প্রজা মীয়ামদা “জনৌশাধি সুগম” কৌবা মোবাইল এপ্লিকেসন অমা লোঞ্চ তৌখ্রে।

মসিগী ৱারোল অসি নুপী অমসুং অঙাংগী চাউখৎ থৌরাং মন্ত্রালয়গী কেন্দ্রগী মন্ত্রী শ্রীমতী স্মৃতী জুবিন ইরানিনা ঙসি রাজ্য সভাদা অইবা পাউখুম ওইনা পীখি। 

*****