ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਮੰਗਲਵਾਰ 22 ਸਤੰਬਰ, 2020 ਨੂੰ ਦੁਪਹਿਰ 12 ਵਜੇ ਵੀਡੀਓ ਕਾਨਫ਼ਰੰਸਿੰਗ ਦੇ ਜ਼ਰੀਏ ਆਈਆਈਟੀ, ਗੁਵਾਹਾਟੀ ਦੀ ਕਨਵੋਕੇਸ਼ਨ ਨੂੰ ਸੰਬੋਧਨ ਕਰਨਗੇ। ਸਿੱਖਿਆ ਮੰਤਰੀ ਸ਼੍ਰੀ ਰਮੇਸ਼ ਪੋਖਰਿਯਾਲ ਨਿਸ਼ੰਕ, ਅਸਾਮ ਦੇ ਮੁੱਖ ਮੰਤਰੀ ਸ਼੍ਰੀ ਸਰਬਾਨੰਦ ਸੋਨੋਵਾਲ, ਸਿੱਖਿਆ ਰਾਜ ਮੰਤਰੀ ਸ਼੍ਰੀ ਸੰਜੇ ਧੋਤਰੇ ਅਤੇ ਹੋਰ ਪਤਵੰਤੇ ਵਿਅਕਤੀ ਇਸ ਸਮਾਗਮ ਵਿੱਚ ਹਿੱਸਾ ਲੈਣਗੇ। ਆਈਆਈਟੀ ਗੁਵਾਹਾਟੀ ਦੇ ਬੋਰਡ ਆਫ਼ ਗਵਰਨਰ ਦੇ ਚੇਅਰਮੈਨ ਡਾ. ਰਾਜੀਵ ਆਈ. ਮੋਦੀ, ਆਈਆਈਟੀ ਗੁਵਾਹਾਟੀ ਦੇ ਡਾਇਰੈਕਟਰ ਪ੍ਰੋਫੈਸਰ ਟੀ. ਜੀ. ਸੀਤਾਰਾਮ ਸਮਾਗਮ ਦੇ ਦੌਰਾਨ ਮੌਜੂਦ ਰਹਿਣਗੇ।

ਬੀ. ਟੈੱਕ ਦੇ 687 ਅਤੇ ਐੱਮ. ਟੈੱਕ ਦੇ 637 ਵਿਦਿਆਰਥੀਆਂ ਸਮੇਤ 1803 ਵਿਦਿਆਰਥੀ  ਕੱਲ ਡਿਗਰੀ ਪ੍ਰਾਪਤ ਕਰਨਗੇ।

ਕਨਵੋਕੇਸ਼ਨ ਸਮਾਗਮ ਦੇ ਲਈ, ਗ੍ਰੈਜੂਏਟ ਦੀਆਂ ਉਪਲਬਧੀਆਂ ਦਾ ਵਰਚੁਅਲ ਮੋਡ ਦੇ ਮਾਧਿਅਮ ਨਾਲ ਔਨਲਾਈਨ ਜਸ਼ਨ ਮਨਾਉਣ ਦੇ ਲਈ, ਸੰਸਥਾਨ ਨੇ ਇੱਕ ਵਰਚੁਅਲ ਰਿਐਲਿਟੀ-ਅਧਾਰਿਤ ਪੁਰਸਕਾਰ ਵਿਤਰਣ ਤਿਆਰ ਕੀਤਾ ਹੈ, ਜਿੱਥੇ ਕੋਈ ਵੀ ਵਿਦਿਆਰਥੀ ਆਪਣੇ ਘਰ ਦੀਆਂ ਸੁਖ-ਸੁਵਿਧਾਵਾਂ ਦੇ ਨਾਲ ਡਾਇਰੈਕਟਰ ਦੇ ਅਵਤਾਰ ਤੋਂ ਇੱਕ ਤਗਮਾ ਪ੍ਰਾਪਤ ਕਰਨ ਦਾ ਅਨੁਭਵ ਕਰ ਸਕਦਾ ਹੈ।ਸੰਸਥਾਨ ਨੇ ਵਿਦਿਆਰਥੀਆਂ ਦੇ ਲਈ ਕੈਂਪਸ ਵਿੱਚ ਕੁਝ ਚੁਣੀਆਂ ਥਾਵਾਂ ’ਤੇ ਤਸਵੀਰਾਂ ਖਿਚਾਉਣ ਦੇ ਲਈ ਅਲੱਗ-ਅਲੱਗ ਪਿੱਠਭੂਮੀ ਦੇ ਵਿਕਲਪ ਦੇ ਨਾਲ ਇੱਕ ਫ਼ੋਟੋ-ਬੂਥ ਵੀ ਬਣਾਇਆ ਹੈ।ਆਈਆਈਟੀ ਗੁਵਾਹਾਟੀ ਦੀ ਫੈਕਲਟੀ ਅਤੇ ਵਿਦਿਆਰਥੀਆਂ ਨੇ ਸੰਸਥਾਨ ਦੇ ਵਰਚੁਅਲ ਦੌਰੇ ਦੇ ਲਈ ਇੱਕ ਟੈਲੀ ਪ੍ਰੈਜੈਂਸ ਮੌਡਿਊਲਵਿਕਸਿਤ ਕੀਤਾ ਹੈ।

ਇਹ ਸਮਾਗਮ ਯੂਟਿਊਬ (https://www.youtube.com/watch?v=1ros6o-VAPE) ਅਤੇ ਫੇਸਬੁੱਕ (https://www.facebook.com/iitgwt/posts/3515165218504302) ’ਤੇ ਸਿੱਧਾ ਪ੍ਰਸਾਰਤ ਹੋਵੇਗਾ।

*****

ਐੱਮਸੀ / ਏਕੇਜੇ / ਏਕੇ