রাজ্য মন্ত্রী (ইন্দিপেন্দেন্ত চার্জ), অৱাং নোংপোক্কী লমদম চাউখৎপা (দোনের), এম.ও.এস. পি.এম.ও., পর্সোন্নেল, পব্লিক গ্রাইবেন্স, পেন্সন, এতোমিক ইনর্জী অমসুং স্পেসকী রাজ্য মন্ত্রী দাঃ জিতেন্দ্রা সিংহনা ঙসি তমিল-নাদুগী কুলাসেকরাপত্তিনামদা আই.এস.আর.ও.না লৈবাক্কী অনিশুবা রোকেৎ থাগৎপগী ফম্বাক অমা শেম্লিবা অসিগী হৌজিক্কী ওইরিবা ফিভমগী মতাংদা লোক সভাদা অইবা পাউখুম ওইনা পীখি।

স্পেস বিভাগনা হায়জবগী মতুং ইন্না তমিল-নাদু সরকারনা থুথুকুরি জিলাদা হেক্ত্যার ৯৬১.৬৬.৯০গী লম অমা পীনবা মশক খঙদোকখ্রে। হেক্ত্যার ৪৩১.৮৭.৭৪গী লম য়েংশিনবগী থৌওংদি লোইশিনখ্রে অমসুং মসিগী মতাংদা অহানবা ৱারোলসু পীখ্রে। বেলেন্স এরিয়াগী সর্বে তৌবগী থৌওংসু য়াম্না খুমাং চাউশিল্লে। হৌজিক হৌজিক্কী ওইনা, তমিল-নাদুগী কুলাসেকরাপত্তিনামদা লৈগদৌরিবা অনিশুবা লোঞ্চ পেদ অসিগী ওইনা লোঞ্চ পেদ অমা শেম্বগী মতাংদা ৱা হৌদোকখ্রে।

কেন্দ্র সরকারনা স্পেস সেক্তর অসিবু লন্নাইগী মীওইশিংদা হাঙদোকপা অসিনা স্পেসকী মতাংদা মতিক চারবা সব-সীস্তেম অমসুং সেতিলাইৎ অমসুং লোঞ্চ বেহিকলগা মরী লৈনবা সীস্তেম কয়া অমা শেম-শাবগী থৌওং ওইথোকহল্লগনি। মখোয়শিং অসিদা ফেসিলিতীশিং শেম-শাগৎপা অমসুং লোঞ্চ সর্বিস পীবা অমসুং স্পেস্তা য়ুম্ফম ওইবা অতোপ্পা থবক কয়া অমা পায়খৎপা য়াহল্লগনি। মসিদা পল্লিবা সেবা কয়া অসিনা মালেমগী কস্তমর কয়া অমা ফংহন্দুনা মালেমগী স্পেস সেক্তরগী মারকেত্তা ভারতকী শ্যারসু হেনগৎহল্লগনি। 

<><><><><>

(Release ID: 1657527) Visitor Counter : 207