সেন্ত্রেল আর্ম্দ পুলিস ফোর্স (সি.এ.পি.এফ.)কী থবক্তগী পোত্থারবা মীওইশিংগী কান্নবা মতেং পাংনবগীদমক্তা অপুনবা মাস্তর ভন্দার ১১৯ অমসুং সবসিদরী ভন্দার ১৮৭১ চলায়রি। মসিগী মথক্তা, মিনি ভন্দার ১০সু এক্স-সি.এ.পি.এফ. এসোসিএসনগীদমক্তা অয়াবা পীখ্রে অমসুং মসিগী মনুংদা ৭ অমদি মাস্তর ভন্দারগী মখাদা মথৌ তৌরি।

হৌজিক্না কেন্দ্রিয় পুলিস কল্যান ভন্দার (কে.পি.কে.বি.) হায়না মিংথোনবা সেন্ত্রেল পুলিস কেন্তীন (সি.পি.সি.)গী বেনিফিশরীশিংদা ফর্মশিং/সপ্লাইয়রশিংগা হকথেংননা ৱারী শারবা তুংদা মগুন লৈবা পোত্থোক কয়া ফংহল্লি। পোত্থোকশিং অসি কে.পি.কে.বি.গী মনুংদা য়ৌরক্ত্রিঙৈদা মসিগী মগুন লেপ্নবা হায়দুনা সরকারগী কাঙলোনগী মতুং ইন্না ইনগদবা হীরম খুদিংমক ইনহল্লি। কে.পি.কে.বি.দা লৈরিবা পোত্থোক খুদিংমক অতাবা মমলদা য়োল্লি। হৌজিক্কী ওইনা কে.পি.কে.বি.দা ফংলিবা পোত্থোকশিং অসি সি.এস.দি.দা জি.এস.তি. য়াওদনা ফংবা অদুদি ওইদ্রি।

লৈবাক্কী ইন্দস্ত্রী চাউখৎহন্নবা হায়দুনা মফম অসিদা ১/৬/২০২০দগী হৌনা কেন্দ্রিয় পুলিস কল্যান ভন্দার (কে.পি.কে.বি.)গী খুত্থাংদা “লৈবাক অসিদা শাবা পোত্থোক্তমক” য়োনবা হায়না ৱারেপ লৌখি।

মসিগী ৱাফম অসি হোম এফিয়র্সকী রাজ্য মন্ত্রী শ্রী নিত্যানন্দ রাইনা ঙসি লোক সভাদা অইবা পাউখুম ওইনা পীখিবনি।

****