వ్యవసాయ మంత్రిత్వ శాఖ
రబీ పంటల 2021-22 వ్యాపార సీజన్లో కనీస మద్దతు ధరల పెంపునకు మంత్రిమండలి ఆమోదం
Posted On:
21 SEP 2020 7:11PM by PIB Hyderabad
కేంద్ర మంత్రిమండలి ఆర్థిక వ్యవహారాల కమిటీ (సీసీఈఏ) ప్రధానమంత్రి శ్రీ నరేంద్రమోదీ అధ్యక్షతన సమావేశమైన సందర్భంగా- దేశవ్యాప్తంగా నిర్దేశిత రబీ పంటలకు 2021-22 వ్యాపార సీజన్లో కనీస మద్దతు ధరల పెంపు ప్రతిపాదనకు ఆమోదం తెలిపింది. స్వామినాథన్ కమిషన్ సిఫారసులకు అనుగుణంగా ఈ మేరకు తీర్మానించింది. దేశ పౌష్టికత అవసరాలు, మారుతున్న ఆహార ధోరణుల దృష్ట్యానేగాక పప్పుదినుసులు, నూనె గింజల దిగుబడిలో స్వావలంబన సాధన దిశగా ఈ పంటలకు కనీస మద్దతు ధరను ప్రభుత్వం సాపేక్షంగా కాస్త ఎక్కువగానే నిర్ణయించింది.
అన్నిరకాల రబీ పంటల 2021-22 వ్యాపార సీజన్ (ఆర్ఎంఎస్)లో కనీస మద్దతు ధరలివే
పంటలు
|
ఆర్ఎంఎస్ 2020-21లో ఎంఎస్పీ
(క్వింటా/రూ)
|
ఆర్ఎంఎస్2020-21లో ఎంఎస్పీ
(క్వింటా/రూ)
|
ఉత్పత్తి*ఖర్చు
2020-21
(క్వింటా/రూ)
|
ఎంఎస్పీ పెంపు
(క్వింటా/రూ)
|
ఖర్చుపై
లాభం
(శాతంలో)
|
గోధుమ
|
1925
|
1975
|
960
|
50
|
106
|
బార్లీ
|
1525
|
1600
|
971
|
75
|
65
|
కంది
|
4875
|
5100
|
2866
|
225
|
78
|
కాయధాన్యం
(మసూర్)
|
4800
|
5100
|
2864
|
300
|
78
|
ఆవజాతి/
ఆవాలు
|
4425
|
4650
|
2415
|
225
|
93
|
కుసుమ
|
5215
|
5327
|
3551
|
112
|
50
|
* కూలీల ఖర్చు/ఎద్దులు-యంత్రాల అద్దె, భూమికౌలు, విత్తనాలు-ఎరువులు-పోషకాలు-నీటిపారుదల రుసుము, పనిముట్లపై తరుగుదల వగైరా ఉత్పాదకాల వ్యయం, వ్యవసాయ భవనాలు, నిర్వహణ మూలధనంపై వడ్డీ, పంపు సెట్ల నిర్వహణకు డీజిల్/విద్యుత్ తదితరాలు.. ఇతర ఖర్చులు, కుటుంబ శ్రమ విలువ.
కోవిడ్-19 ప్రపంచ మహమ్మారి ప్రభావం, పర్యవసానంగా దేశవ్యాప్త దిగ్బంధం అమలులో ఉన్నప్పటికీ ప్రభుత్వం సకాలంలో తీసుకున్న చర్యలవల్ల 2020-21 రబీపంటల వ్యాపార సీజన్ (ఆర్ఎంఎస్) సమయంలో సరికొత్త రికార్డుస్థాయిన 39 మిలియన్ టన్నుల గోధుమల సేకరణ నమోదైంది. ఆర్ఎంఎస్ 2019-20తో పోలిస్తే ఇది 22 శాతం అధికం కాగా, సుమారు 43 లక్షల మంది రైతులు లబ్ధి పొందారు. ప్రస్తుత మహమ్మారి ఆరోగ్య సంక్షోభ పరిస్థితుల్లో రైతులు ఎదుర్కొంటున్న సమస్యల పరిష్కారానికి ప్రభుత్వం చేపట్టిన వివిధ చర్యల వివరాలు కిందివిధంగా ఉన్నాయి:
- ఎంఎస్పీ పెంపుతోపాటు రైతుల గరిష్ఠ ప్రయోజనం కోసం సేకరణ ప్రక్రియ బలోపేతం చేయబడింది.
- కోవిడ్ మహమ్మారి వేళ గోధుమ సేకరణ కేంద్రాల సంఖ్య 1.5 రెట్లు, పప్పు దినుసులు-నూనె గింజల సేకరణ కేంద్రాల సంఖ్య 3 రెట్లు పెంచబడ్డాయి.
- మహమ్మారి పరిస్థితుల నడుమ రూ.75,000 కోట్లతో 390 లక్షల టన్నుల గోధుమలు సేకరించబడ్డాయి. నిరుటితో పోలిస్తే ఇది 15 శాతం అధికం.
- ‘పీఎం-కిసాన్ సమ్మాన్ నిధి యోజన’ ప్రారంభంలో రూ.93,000 కోట్లు పంపిణీ చేయగా, దాదాపు 10 కోట్ల మంది రైతులు లబ్ధి పొందారు.
- ‘పీఎం-కిసాన్’ కింద కోవిడ్ మహమ్మారి సమయాన దాదాపు 9 కోట్ల మంది రైతులకు సుమారు రూ.38000 కోట్ల దాకా ప్రయోజనం లభించింది.
- గడచిన 6 నెలల్లో 1.25 కోట్ల కొత్త కిసాన్ క్రెడిట్ కార్డులు జారీ అయ్యాయి.
- వేసవి పంటల సాగులో 57 లక్షల హెక్టార్ల విస్తీర్ణంలో విత్తనాలు వేయగా, నిరుటితో పోలిస్తే ఇది 16 లక్షల హెక్టార్లు అధికం. అలాగే ఖరీఫ్ విషయంలోనూ నిరుటితో పోలిస్తే 5 శాతం ఎక్కువ.
- కోవిడ్ మహమ్మారి వేళ ‘ఈ-నామ్’ విపణుల సంఖ్య 585 నుంచి 1000కి పెరిగింది. నిరుడు ఈ-నామ్ వేదికపై రూ.35000 కోట్ల వ్యాపారం జరిగింది.
- రాబోయే ఐదేళ్లలో రూ.6850 కోట్లతో 10,000 రైతు ఉత్పత్తుల సంస్థలు (ఎఫ్పీవో) ఏర్పాటు కానున్నాయి.
- గడచినత నాలుగేళ్లలో ‘పంటల బీమా పథకం’ కింద రైతులు రూ.17,500 కోట్ల రుసుము చెల్లించగా, పరిహారం కింద రూ.77,000 కోట్లు పొందారు.
- ‘పంటల బీమా పథకం’ స్వచ్ఛంద చేయబడింది.
- కిసాన్ రైలు ప్రారంభించబడింది.
***
(Release ID: 1657448)
Visitor Counter : 410