প্রধান মন্ত্রী অন্নদাতা আয় সনরক্সন অভিয়ান (পি.এম.-আশা) অসি লৌউবশিংদা মিনিমম সপ্পোর্ত প্রাইস (এম.এস.পি.) ফংহনবগী মপুং ওইবা স্কিম অমনি। মসিদা হান্না চৎনরম্বা প্রাইস সপ্পোর্ত স্কিম (পি.এস.এস.)দা শেমদোকপা খরা লৈহনবা অমসুং প্রাইস দিফিসিএন্সী পেমেন্ত স্কিম (পি.দি.পি.এস.)গী অনৌবা স্কিম থাদোকপা অমসুং প্রাইবেৎ প্রোক্যুরমমেন্ত অমসুং স্তোক্কিস্ত স্কিম (পি.পি.এস.এস.)কী অহানবা থৌওং খরা য়াওই। পি.এম.-আশাগী মখাদা রাজ্য/য়ু.তি.শিংনা রাজ্যশিংগী ওইবা ওইলসিদকী লৌরোক্কী মতাংদা পোত্থোক লৈবগী অপীবা কুমগী ওইনা পি.এস.এস. অমসুং পি.দি.পি.এস.কী মরক্তগী অমা খনবগী খুদোংচাবা ফংহল্লি। হৱাই অমসুং কোপ্রাদি পি.এস.এস. খক্তগী মখাদা লৈগদবনি। পোত্থোক অমগী মতুং ইন্না রাজ্য অমদা স্কিম অমখক্তমক শিজিন্না য়াগনি, হায়বদি পি.এস.এস. নত্ত্রগা পি.দি.পি.এস.। মখা তাবা ওইনা ওইলসিদকী লন্নাইগী স্তোক্কিস্ত য়াওহন্দুনা খনগৎলবা/জিলাগী এ.পি.এম.সি.শিংদা থৌওংগী অহৌবা ওইনা পি.পি.এস.এস. থাদোকপগী খুদোংচাবসু রাজ্যশিংদা পীরি।  মসিগা লোয়ননা গেহু অমসুং অপৌবা হৱাই-চেংৱাইশিংসু ফুদ অমসুং পব্লিক দিস্ত্রিব্যুসনগী মখাদা লৈরিবা স্কিমশিংগী মনুং চন্না লৈবা য়াহল্লি অমসুং লশিং অসিনা তেক্সতাইল মন্ত্রালয়গী মখাদা হৌজিক লৈরিবা স্কিমগী মতুং ইন্না লৈহল্লি। মসিনা লৌউবশিংদা অহেনবা এম.এস.পি. ফংহনবদা তেংবাংদুনা মখোয়না পোত্থোক পুথোকপদা চঙলিবা মমলদগী হেনবা মতিক চাবা শেল ফংবা ঙমহল্লি।

সরকারনা মশক খঙদোক্লবা লৌরোক ২২গী এম.এস.পি.সু লেপখ্রে। মখোয়শিং অদুদি ফৌ, জোৱার, বজ্রা, মেজ, রাগী, অরহর, মুং, উরাদ, মকুনা য়োম্বা লৈবাক-হৱাই, সোয়াবীন, নুমিৎলৈ, সেসামম, নাইজরসীদ, লশিং, গেহু, বারলি, গ্রাম, মসুর (লেন্তিল), রেপসীদ/মস্তার্দ, সেফ্লোৱর, লিমোন অমসুং কোপ্রানি। মসিগী মথক্তা রেপসীদ/মস্তার্দ অমসুং কোপ্রাদা য়ুম্ফম ওইদুনা তোরিয়া অমসুং মকু-ক্ষোক্লবা য়ুবীগী এম.এস.পি.সু লেপখ্রে।

মসিগী ৱাফম অসি ঙসি লোক সভাদা লৌউ-শিংউ অমসুং লৌউবশিংগী য়াইফ য়ুম্বালগী কেন্দ্র মন্ত্রী শ্রী নরেন্দ্রা সিংহ তোমারনা অইবা পাউখুম ওইনা পীখিবনি।

****