পঞ্চদশ বিত্তীয় কমিশ্যনে ২০২০-২১ প্ৰতিবেদনত ২৮খন ৰাজ্যৰ গ্ৰামাঞ্চলৰ স্থানীয় স্বশাসিত সংস্থাসমূহক আৰ্থিক অনুদান দিয়াৰ প্ৰস্তাৱ দিছে। পঞ্চায়তী ৰাজ ব্যৱস্থাৰ বিভিন্ন পৰ্যায়ত এই অনুদান দিয়াৰ পৰামৰ্শ দিয়া হয়। কমিশ্যনে প্ৰস্তাৱত লগতে জনায় যে পঞ্চম আৰু ষষ্ঠ অনুসূচীভুক্ত অঞ্চলবিলাকৰ বাবে এককালীন অনুদান দিব পৰা যায়। এই অনুদান দুই ধৰণে দিয়া হয়-- বেছিক বা মৌলিক অনুদান আৰু টাইড বা আংশিক অনুদান (৫০ : ৫০)ভিত্তিক। মৌলিক অনুদান স্থানীয় স্বশাসিত সংস্থাসমূহৰ নিৰ্দিষ্ট অঞ্চলভিত্তিক চাহিদা অনুসৰি খৰচ কৰিব পাৰে। অৱশ্যে বেতন বা অন্যান্য প্ৰতিষ্ঠানিক শিতানত খৰচ কৰিব নোৱাৰিব। আনহাতে, টাইড বা সমানুপাতিক হাৰত দিবলগীয়া অনুদান মৌলিক সেৱা যেনে নিষ্কাষন, বৰ্জ্য পৰিচালনা, উন্মুক্ত স্থানত মল ত্যাগ, খোৱা পানী সৰবৰাহ, বৰষুণৰ পানী সংৰক্ষণ আৰু পানীৰ পুনৰ ব্যৱহাৰৰ দৰে কামত খৰচ কৰিব পাৰে। গ্ৰামাঞ্চলৰ স্থানীয় স্বশাসিত সংস্থাসমূহে সমানুপাতিক হাৰত দিয়া অনুদানৰ আধা সম্ভৱ হ'লে দুটা পৰিসেৱাৰ ৰূপায়ণ শিতানত কামত লগাব পাৰে। পঞ্চম বিত্তীয় আয়োগে ২০২০-২১ত মুঠ ৬০ হাজাৰ ৭৫০ কোটি টকা অনুদান দিয়াৰ প্ৰস্তাৱ মঞ্জুৰ কৰিছে। গ্ৰামাঞ্চলৰ স্থানীয় স্বশাসিত সংস্থাসমূহক দুটা সমান কিস্তিত এই অনুদান দিয়া হ'ব।

ইতিমধ্যেই পঞ্চদশ বিত্তীয় আয়োগৰ পৰামৰ্শ অনুসৰি, মৌলিক অনুদান আৰু সমানুপাতিক হাৰত দিবলগীয়া অনুদান হিচাপে বিত্ত মন্ত্ৰালয়ৰ পক্ষৰ পৰা ৰাজ্যসমূহক যোৱা ১৭ জুন আৰু ১৫ জুলাইত দুটা কিস্তিৰ প্ৰতিবাৰতে ১৫ হাজাৰ ১৮৭ কোটি ৫০ লাখ টকাকৈ দিয়া হৈছিল।

পঞ্চদশ বিত্তীয় আয়োগৰ পৰামৰ্শ অনুসৰি, ৰাজ্যভিত্তিক যোগান ধৰা আৰু দিবলগীয়া ধনৰ পৰিমাণ তলত দিয়া ধৰণৰঃ

******

CG/BD/SB