হকশেল অমসুং য়াইফ-য়ুম্বাল মন্ত্রালয়

খুঙ্গংগী হেল্থকেয়রদা কোবিদ-১৯ লাইচৎকী শাফু

Posted On: 20 SEP 2020 8:20PM by PIB Imphal

“পব্লিক হেল্থ অমসুং হোস্পিতাল” অসি রাজ্যগী হিরম অমা ওইবনা তোঙান তোঙানবা হেল্থকেয়র স্কিমশিং খুদম ওইনা নেস্নেল হেল্থ মিসন য়াওনা চৎনহনবা হায়বসি রাজ্য সরকারশিংগী মশা মশাগী তৌদ্রবা য়াদ্রবা থৌদাং অমা ওই৷

মন্ত্রালয় অসিনা চৎনরিবা নেস্নেল প্রোগ্রামশিং অসি লেপ্পা লৈতনা য়েংশিল্লি অমসুং মতম মতমগী মতুং ইন্না রাজ্যশিং/য়ু.তি.শিংদা দরকার লৈরিবা গাইদেন্স পীরি৷ রাজ্যশিং/য়ু.তি.শিংদা মতম মতমগী মতুং ইন্না কোবিদ-১৯ পব্লিক হেল্থ চেলেঞ্জ অসি থেংন্ননবগীদমক তেক্নিকেল অমসুং শেল-থুমগী ওইবা হিরমদা মতেং পাংলি৷

রাজ্যশিং/য়ু.তি.শিং পুম্নমক ভারত কোবিদ-১৯ ইমর্জেন্সী রেস্পোন্স অমসুং হেল্থ সিস্তেম প্রিপেয়র্দনেস পেকেজকী মখাদা লৈরিবা রিসোর্স অদু মখোয়গী লৈরিবা ফিভম অমসুং অথু অহান অদুগী মতুং ইন্না তঙাই ফদবা শেলগী তেংবাং পীরি৷ এফ.ৱাই.২০২০-২১গী মনুংদা ১০.০৯.২০২০ ফাওবদা  রাজ্যশিং/য়ু.তি.শিংদা লুপা কোতি ৪২৫৬.৮১গী শেনফম পীখ্রে৷

“পব্লিক হেল্থ অমসুং হোস্পিতাল্স” অসি রাজ্যগী হিরম অমা ওইবনা পব্লিক হেল্থ ফেসিলিতীশিংদা দোক্তরশিং ফংহনবা হায়বসি রাজ্য সরকারশিং অদুগী মশা মশাগী তৌদ্রবা য়াদ্রবা থৌদাং অমা ওই৷

হেল্থ চেলেঞ্জ অসি মরু ওইনা খুঙ্গংগী মফমশিংদা থেংন্নবগীদমক পব্লিক হেল্থ ফেসিলিতীশিং দরকার লৈরিবা মীওইশিংদা অফবা, মমল তাংদবা অমসুং ক্বালিতী লৈবা হেল্থকেয়র ফংহন্ননবগীদমক্তা রাজ্য/য়ু.তি.শিংনা হোৎনরিবা অসিদা মতেং পাংন্নবগীদমক্তা ২০০৫দা নেস্নেল রুরেল হেল্থ মিসন(এন.আর.ঐচ.এম.) লোঞ্চ তৌখি৷ হৌজিক হৌজিক্কী ওইনা এন.আর.ঐচ.এম. অসি নেস্নেল হেল্থ মিসন(এন.ঐচ.এম.)গী সব-মিসন অমা ওইরি৷

নোর্মশিংগী মতুং ইন্না রাজ্যশিং/য়ু.তি.শিংদা অনৌবা খুদোংচাবশিং ফংহন্নবা অমসুং লৈরিবা ইনফ্রাস্ত্রকচরগী অহোবশিং অসি মেনশিন্নবা অমসুং মখোয়না পুখৎলকখিবা দরকার লৈরিবশিং অদুগী মতুং ইন্না কন্ত্রেকচুয়েল বেসিস্তা হ্যুমেন রিসোর্সকী অহাংবশিং অসি মেনশিন্নবা এন.ঐচ.এম. সপোর্ত পীরি৷

পব্লিক হেল্থ ফেসিলিতীশিংগীদমক স্পিসিয়েলিস থমদুনা ফ্লেক্সিবল নোর্মশিং লৈহন্ননবগীদমক রাজ্যশিংগী পুক্নিং চিংশিনখ্রে৷.  মসিগী মনুং চল্লিবশিং অদুদি স্পিসিয়েলিস সর্ভিসশিং‘কন্ত্রেক্তিং ইন’ অমসুং ‘কন্ত্রেক্তিং আওত’ তৌহন্দুনা অমসুং এন.ঐচ.এম.গী মখাদা পব্লিক ফেসিলিতীশিং অসিদা সরকারগী সিস্তেম অসিগী মপানদগী স্পিসিয়েলিসশিং কৌশিন্দুনা মথৌ নিংথীনা তৌহনগদবনি৷

লাল্লোংশিং খুদম ওইনা ''য়ু কোত, ৱি পে" অসি মতম কুইনা চৎন্নবগীদমক স্পিসিয়েলিসশিংগী পুক্নিং চিংশিন্ননবগীদমক মতিক চাবা তলব পীনবা রাজ্যশিংদা খঙহনখ্রে৷

পব্লিক হেল্থ ফেসিলিতীশিংদা হ্যুমেন রিসোর্স হাপচিন্দুনা দোক্তর অমসুং স্পিসিয়েলিসশিংগী অৱাৎপা অসি মেনশিন্নবা লৈরিবা মীওইশিংদা এলাউৱেন্স পীদুনা, পর্ফোমেন্সকী মতুং ইন্না ইন্সেন্তিব পীদুনা, একোমোদেসন ফংহন্দুনা অমসুং খুঙ্গং অমসুং মনুং চংশিনবা মফমশিংদা চত্থোক চশিনগী খুদোংচাবশিং ফংহন্দুনা, ত্রেনিং প্রোগ্রামশিং তৌননবগীদমক রাজ্যশিংদা শেলগী মতেংসু পাংখ্রে৷

রাজ্যগী মন্ত্রী(হকশেল অমসুং য়াইফ য়ুম্বাল) শ্রী অশৱিনি কুমার চৌবেহনা ঙসি রাজ্য সভাদা অইবা ৱারোল অমা ওইনা পীশিনখি৷

*****



(Release ID: 1657138) Visitor Counter : 60


Read this release in: English , Marathi , Telugu