সাইন্স অমসুং তেক্নোলোজী মন্ত্রালয়

তাতা গুপ অসমুং সি.এস.আই.আর.-আই.জি.আই.বি.না শাবা ভারতকী ইহান হানবা কোবিদ-১৯ তেস্ত তৌনবা সি.আর.আই.এস.পি.আর. ভারততা শিজিন্নবগী অয়াবা পীখ্রে

Posted On: 19 SEP 2020 8:33PM by PIB Imphal

সি.এস.আই.আর-আই.জি.আই.বি.(ইন্সতিত্যুত ওফ জিনোমিক এন ইন্তিগ্রেতিব বাইওলোজি)ফেলুদানা মতেং পাংদুনা নোভেল কোরোনাভাইরস অসি খঙদোক্নবগীদমক তাতানা শাবা সি.আর.আই.এস.পি.আর.(ক্লস্তর রিগুলর্রী ইন্তরস্পেস সোর্ত পেলিনদ্রোমিক রেপিত্স) তেস্ত অদু সেন্সিতিবিতী ৯৬% অমসুং স্পেসিফিসিতী ৯৮% চাং ৱাংনা ক্বালিতী লৈনা ফংবদগী আই.সি.এম.আর. গাইদলাইনশিংগী মতুং ইন্না ময়ামগী শিজিন্ননবা পুথোক্নবগীদমক ভারতকী গর্গ কন্ত্রোল্লর জেনেরেলদগী ঙসি অয়াবা ফংখ্রে৷ হায়রিবা তেস্ত অসিনা সার্স কোব-২ ভাইরসকী জিনোমিক সিক্বেন্স অসি খঙদোক্নবগীদমক মশানা শাজবা  সি.আর.আই.এস.পি.আর.গী কত্তিং এদজ তেক্নোলোজী শিজিন্নৈ৷ সি.আর.আই.এস.পি.আর. অসি লাইনাশিং লাইয়েংনবগীদমক শেমদোক্লবা জিনোম তেক্নোলোজী অমনি৷

তাতাগী সি.আর.আই.এস.পি.আর. তেস্ত অসিনা কোবিদ-১৯বু নাহল্লিবা ভাইরস অসি মাই পাক্না খঙদোকপা ঙম্নবগীদমক কেস ৯ প্রুতিনদা অখন্ননা চুংশিন্নদুনা দিপ্রোই তৌবা ঙমবা মালেমগী ইহান হানবা দাইগ্নোস্তিক তেস্ত ওই৷ মসিনা আর. এন দি.দগী হৌদুনা তেল্লবা মতম নুমিৎ ১০০নি য়ৌদনা অকুরেসী ৱাংবা, হেন্না পাকথোক চাওথোকপা য়াবা অমসুং চৎনবা য়াবা তেস্ত ওইদুনা ভারত সাইন্তিফিক কম্মুনিতীগী অচৌবা মাই পাকপা অমা ওইরে৷ সি.আর.আই.এস.পি.আর.গী তেস্ত অসিনা ত্রেদিস্নেল আর.তি.-পি.সি.আর. তেস্তশিং অদু মতম চংদনা, অতাংবা ইক্যুইপমেন্ত শিজিন্নদনা অমসুং য়াম্না লাইনা শিজিন্নবা য়াদুনা একুরেসীগী লেভেল ফংবা ঙমখ্রে৷ অসিদসু নত্তনা সি.আর.আই.এস.পি.আর. অসি মতুং তারকপদা তোঙান তোঙানবা পেথোজেন কয়ামরোম খঙদোকপদা শিজিন্নবা য়ারবা ফ্যুচররিস্তিক তেক্নোলোজী অমা ওইরে৷

ফংলিবা মহৈ অসি সাইন্তিফিক কম্মুনিতী অমসুং ইন্দস্ত্রী অসিনা মাই পাক্না চৎমিন্নবগী অচৌবা পাই পাকপা অমনি৷ তাতা গ্রুপ অসিনা “ মেদ ইন ইন্দিয়া” প্রদক্কী মখাদা য়াম্না ফবা, চৎনবা য়াবা, মমল ৱাংদবা অমসুং লাইনা খঙদোকপা য়াবা কোবিদ-১৯ তেস্তিং অসি শেল চংদনা অমসুং য়াম্না থুনা তৌবা য়াদুনা লৈবাক অসি মতেং পাংদুনা য়াম্না ৱাংবা ক্বালিতী তেস্ত অমা শেম্ননবগীদমক সি.এস.আই.আর.-আই.জি.আই.বি. অমসুং আই.সি.এম.আর.গা পুন্না  চৎমিন্নখ্রে৷

শেমগৎ শাগৎলিবা অসিদা তাতা মেদিকেল অমসুং দাইগ্নোস্তিক লিমিতেদকী সি.ই.ও. গিরিশ কৃষ্ঞমুর্থীনা অশুম্না ফোংদোকখ্রে “ কোবিদ-১৯গীদমক তাতা সি.আর.আই.এস.পি.আর. তেস্তকী অয়াবা ফংলিবা অসিনা মালেম শিনবা থুংনা নাহল্লিবা লাইনা-লাইচৎ অসি লৈবাক অসিনা থেংনরিবা অসিদা হেন্না মতেং পাংবা ঙম্লগনি৷ তাতা সি.আর.আই.এস.পি.আর. তেস্ত কম্মরসিয়েলাইজেসন অসিনা লৈবাক অসিনা আর. অমসুং দি.দা তৌবা ঙম্বা অদু উৎলি অমসুং মসিনা মালেমগী হেল্থকেয়র অমসুং সাইন্তিফিক রিসর্চ ৱল্দদা ভারতকী থৌদাং অদু হেন্না ফবা মওংদা ওন্থোকপা ঙম্লগনি৷”

দি.জি.-সি.এস.আই.আর.গী দা. শেথর সি মন্দেনা থোক্লিবা লাইনা-লাইচৎ অসিগী মনুংদা সি.এস.আই.আর.-আই.জি.আই.বি.গী সাইন্তিস অমসুং মহৈরোইশিংগী তীম, তাতা সন্স অমসুং দি.সি.জি.আই.গা পুন্না মতেং পাংনদুনা চৎমিন্নদুনা শেম্লিবা নোভেল দাইগ্নোস্তিক কিৎশিং শিজিন্নবগী অয়াবা ফংলিবা অমসুং ভারতনা মীপাল তাংদনা শাজদুনা মখা তানা পুথোরক্কদবা ইন্নোভেসনশিংগী লম্বী য়াৎলম্বগীদমক তীম অসিবু থাগৎপা ফোংদোকখ্রে৷

সি.এস.আই.আর.-আই.জি.আই.বি.গী দাইরেক্তর দা. অনুরগ অগ্রৱালনা সি.এস.আই.আ.না জিনোম দাইগ্নোস্তিক অমসুং থেরাপেতিক্কীদমক সিক্কল সেল মিসন অসিগী মখাদা সার্স কোব-২গী অনৌবা দাইগ্নোস্তিক তেস্ত শেম্নবা হোৎনবদা অনৌবা ৱাখল লৌশিং পীবগীদমক পাংথোক্লিবা থবক অসিদা হরাও নুংঙাইবা ফোংদোকখ্রে৷ মসিনা দা. দিবোজ্যোতি চাক্রবোর্কী অমসুং দা. সৌভিক মাইতিদী লুচিং মখাদা লৈরিবা নৌরিবা রিসর্চ তীমগী ইন্নোভেসন অমসুং সাইন্তিফিক নোলেজ অমসুং তেক্নোলোজীগী তৎনা থানবা য়াদ্রবা মরী অদু উৎলে হায়দুনা মহাক্না ফোংদোকখ্রে৷

তাতা সন্স প্রাইভেৎ লিমিতেদ

২৪ হোমিমোদি স্ত্রিৎ মুম্বাই ৪০০০০১

ফোন +৯১(২২)৬৬৬৫৮২৮২

*****



(Release ID: 1656888) Visitor Counter : 123


Read this release in: English , Hindi , Punjabi , Telugu