نئی دلّی ،19 ستمبر / بھارت کے مسابقتی  کمیشن  ( سی سی آئی ) نے  کمپٹیشن ایکٹ – 2002 کی دفعہ 31 ( 1 ) کے تحت  انٹرنیشنل  فلیورس اینڈ فریگرینسز اِن کارپوریشن ( آئی ایف ایف ) کے ذریعے  نیوٹریشن اینڈ بایو سائنسز  اِن کارپوریشن   ( اسپنکو ) کی خریداری کی منظوری دے دی ہے ۔

          مجوزہ سودے کا  تعلق  آئی ایف ایف کے ذریعے  نیوٹریشن اینڈ بایو سائنسز  کے کاروبار  ، ڈوپونٹ  ڈی  نیمورس اِن کارپوریشن ( ڈو پونٹ ) کا اسپنکو کارپوریشن پر  مکمل کنٹرول  حاصل کرنے کے لئے   واحد کنٹرول کی خریداری کی منظوری دے دی ہے ۔

          آئی ایف ایف امریکہ کے نیو یارک میں قائم ایک سرکاری کمپنی ہے ۔ آئی ایف ایف   پوری دنیا میں   ذائقوں اور خوشبوؤں کو بنانے  اور انہیں فروخت کرنے   میں سرگرم ہے ، جو  صنعتوں میں  اشیائے صرف  ( جیسے  کھانے ، مشروبات ،  ذاتی استعمال یا گھروں کی مصنوعات ) وغیرہ  میں استعمال ہوتی ہیں ۔ آئی آئی ایف کے خاص کاروباری یونٹ  سینٹ اور ذائقے  کے ہیں ۔

          اسپنکو  حال ہی میں قائم  کی گئی ایک  کمپنی ہے ، جس کو  ڈوپونٹ اپنا  این اینڈ بی کاروبار منتقل کرے گی ۔  این اینڈ بی بزنس دنیا بھر میں   خوراک کی سائنس   ، ذائقے  ، ٹیکسچر   اور بایو ٹیکنا لوجی کی مصنوعات   تیار کرکے فروخت کرتی ہے   ، جو  خوراک  ، مشروبات  ، کھانوں  ، گھروں  ، ذاتی دیکھ بھال ، جانوروں کے تغذیہ اور ادویات وغیرہ میں   استعمال کی جاتی ہیں ۔این اینڈ بی بزنس   اپنے  خوراک  اور مشروبات ،  صحت اور بایو سائنسز   اور فارما  سولیوشن   کے یونٹوں  کے ذریعے کاروبار چلاتی ہے ۔

          سی سی آئی کا تفصیلی  حکم بعد میں جاری کیا جائے گا ۔  

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا )

U. No.  5643