কম্পিতিসন কম্মিসন ওফ ইন্দিয়া (সি.সি.আই.)না ঙসি কম্পিতিসন এক্ত, ২০০২গী সেক্সন ৩১(১)গী মখাদা ন্যুত্রিসন অমসুং বাইওসাইন্স, ইঙ্কপু ইন্তর্নেস্নেল ফ্লেবরস অমসুং ফ্রেগ্রেন্স ইঙ্কনা লৌশিনবগী অয়াবা পীখ্রে।

হৌদোক্লিবা পুন্সিন্নবগী থৌওং অসিনা আই.এফ.এফ.না দ্যুপোন্ত দে নেমর, ইঙ্ক (“দ্যুপোন্ত”)কী ন্যুত্রিসন অমসুং বাইওসাইন্সকী ব্যুজিনেস (“এন. অমসুং বি. ব্যুজিনেস”)পু দ্যুপোন্তনা নৌনা শেমখিবা অমসুং মসিদা এন. অমসুং বি. ব্যুজিনেস পুম্বা শিন্নগদৌরিবা স্পিনকোগী অপুনবা চুক্লি পায়দুনা কম্পেনী অসিবু মপুং ওইনা লাকশিন্দুনা মপু ওইবগী মওং য়াওরি।

আই.এফ.এফ. অসি য়ুনাইতেদ স্তেৎস ওফ অমেরিকাগী ন্যু য়োর্ক্তা লৈবা কম্পেনী অমনি। আই.এফ.এফ. অসিনা কঞ্জ্যুমর গুদস ইন্দস্ত্রীশিংদা শিজিন্ননবা (চানবা অমসুং থক্নবা, পর্সনেল কেয়র নত্ত্রগা য়ুম্থোং খুদিংদা শিজিন্নবা পোত্থোকশিং) পোত্থোক চাউখৎপা, শেম্বা অমসুং মহাউ অমসুং মনমগী পোত্থোক য়োনবগী মতাংদা মালেন শিনবা থুংদুনা থবক তৌই। মসিগী মপুং ওইবা ব্যুজিনেসকী য়ুনিৎ অসি “মনম” অমসুং “মহাউ”গী হীরমদনি।

স্পিনকো অসি হন্দক্তা শেমখিবা কম্পেনী অমনি অমসুং মসিদা দ্যুপোন্তনা এন. অমসুং বি. ব্যুজিনেস শিন্নগদবনি। এন. অমসুং বি. ব্যুজিনেস অসি তোঙান তোঙানবা ইন্দস্ত্রীশিংগী মনুং চন্না চানবা অমসুং থক্নবা, দাইতরী সপ্লিমেন্ত, য়ুম অমসুং পর্সনেল কেয়র, এনিমেল ন্যুত্রিসন অমসুং ফার্মাস্যুতিকেল এক্সিপিএন্তশিংদা শিজিন্নবা ফুদ সাইন্স, মহাউ অমসুং তেক্সচর এপ্লিকেসন অমসুং বাইওতেক্নোলোজীগী পোত্থোকশিং চাউখৎহনবা, পুথোকপা অমসুং য়োনবগী হীরমদা মালেম শিনবা থুংনা থবক তৌবনি। এন. অমসুং বি. ব্যুজিনেস অসিনা মসিগী “চানবা অমসুং থক্নবা”, “হেল্থ অমসুং বাইসাইন্স” অমসুং “ফার্মা সোল্যুসন”গী য়ুনিৎশিংগী খুত্থাংদা থবক তৌই।

সি.সি.আই.গী অকুপ্পা ৱারোল অমা মখা তাদুনা থোক্লকখিগনি।

****