ইং ২০২০গী জুলাই ৩১ ফাওবদা নেস্নেল কম্পেনী লো ত্রাইব্যুনেল (এন.সি.এল.তি.)দা ইন্সোল্বেন্সী অমসুং বেঙ্ক্রপসী কোদ (আই.বি.সি.)কী মখাদা পন্দুনা লৈবা কেস ১২,৪৩৮ লৈখি। মসিগী ৱাফম অসি কেন্দ্রগী ফাইনান্স অমসুং কোর্পোরেৎ এফিয়র্সকী রাজ্য মন্ত্রী শ্রী অনুরাগ সিংহনা ঙসি লোক সভাদা অইবা পাউখুম ওইনা পীখিবনি।

এন.সি.এল.তি.শিংদা মহৌশাগী মতৌগুম্না স্তাফ লৈবগী মতাংদা ৱাফম কয়া হায়রদুনা শ্রী থাকুরনা এন.সি.এল.তি.দা ওফিসার/স্তাফকী অপুনবা পোস্ত ৩২০ শেমখ্রে হায়খি। থবকশিং অসি খনবগী রিক্রুইৎমেন্ত রুলস (আর.আর.) অসিগী ৱারোল অসি ২১/১/২০২০দা থোকখি অমসুং এন.সি.এল.তি.না মসিগী পোস্তশিং অসিদা চাং নাইনা মীওইশিং লৌবগী থবক পায়খৎপা হৌখ্রে। হৌজিক্কী ওইনা মীওই ৪০ অসি রীগ্যুলার বেসিস্তা খনখ্রে।

মন্ত্রীনা এন.সি.এল.তি.গী অপুনবা বেঞ্চ ১৬তা ই.-কোর্ত প্রোজেক্তশিং থবক ওইনা পাঙথোকপা হৌখ্রে হায়খি। হৌজিক ফাওবদা ই.-ফাইলিং তৌবগী থৌওং অসি বেঞ্চ ৯দা হৌখ্রে অমসুং থৌওং অসি অতোপ্পা লেমহৌরিবা বেঞ্চশিংদসু হৌরগনি। কোবিদ-১৯গী মনুংদা বেঞ্চ খুদিংমক্না ভিদিও কনফরেন্সিংগী খুত্থাংদা কেসশিং পায়রি।

****

(Release ID: 1656802) Visitor Counter : 148