পাকিস্তানগা লোন্নবা লাইন ওব কন্ত্রোল অমসুং ইন্তর্নেসনেল বোর্দরদা পাকিস্তানগী ফোর্সশিংনা ভারতকী পোজিসন্দা লান্দারকখিবা লৈতে। অদুবু পাকিস্তানগী ত্রুপশিংনা লাইন ওব কন্ত্রোলদা সিজফায়র থুগাইনবা লেপ্পা লৈতনদি হোৎনরক্লি। চহীসিদা (মার্চ ১দগীনা সেপ্তেম্বর ৭, ২০২০ফাওবদা) জম্মুগী লাইন ওব কন্ত্রোলদা সিজফায়র থুগাইরকপগী পাউ ২৪৫৩ থোকখি। মসিগী মথক্তা, জম্মুগী ইন্দো-পাক ইন্তর্নেসনেল বোর্দরদা চহীসিদা (মার্চ ১দগীনা ওগস্ত ৩১, ২০২০ ফাওবগী) ঙমখৈ লান্না কাপশিল্লকপগী থৌদোক ১৯২ লৈখি।

লাইন ওব কন্ত্রোল/ইন্তর্নেসনেল বোর্দরদা হৌখিবা থা তরুক্লোমসিদা পাকিস্তানগী ফোর্সশিংনা ঙমখৈ লান্না নোংমৈ কাপশিল্লক্তুনা আর্মী পার্সনেল ১০ অশোক অপন নংখি। পাকিস্তানগী নাকন্দা নংখিবা অশোক অপনগী পাউদি মরীক চুম্না পীবা ঙমদে।

সিজফায়র থুগাইরকপগী মতীক চাবা পাউখুম ওইনা ইন্দিয়ন আর্মী/বি.এস.এফ.না পীখি। মসিগী মথক্তা, সিজফায়র থুগাইবগী কেসশিং পাকিস্তানগী ওথোরিতীগা লোইননা হোৎলাইন, ফ্লেগ মীতিং, দিরেক্তোরেৎ জেনরেল ওব মিলিতরী ওপরেসনগী থাক্তা ৱারী শাবগা লোইননা লৈবাক অনীগী দিপ্লোমেতিক চেন্নেলদা পায়খৎখি। বি.এস.এফ.নসু মসিগা মান্নবা থাক্তা পাকিস্তান রেঞ্জর্সকা ৱারী শানখি।

দিপ্লোমেতিক ওইনা য়েংবদা ভারতনা হঞ্জিন হঞ্জিন্না অৱাংবা থাক্তা য়াওনা লাইন ওব কন্ত্রোল ঙাক্নবা অমসুং জম্মু অমসুং কাশ্মিরগী লাইন ওব কন্ত্রোলবু শিম্লা এগ্রীমেন্ত অমসুং লাহোর দিক্লারেসনগী মতুং ইন্না ঙাক্নবা তকশিনখি।

পাউদম অসি ঙাকশেলগী রাজ্যগী মন্ত্রী শ্রী শ্রীপদ নাইকনা দা. ফৌজিয়া খান্দা রাজ্য সভাদা অইবা পাউখুম ওইনা পীখিবনি।

*****