ভারতকী রাস্ত্রপতি শ্রী রাম নাথ কোবিন্দনা বর্চুএলগী খুত্থাংদা সেন্ত্রেল য়ুনিবর্সিতীশিংগী ভাইস-চান্সেল্লরশিং, এজুকেসন অমসুং অতোপ্পা মন্ত্রালয়গী লৈবাক্কী মরু ওইবা ইন্সতিত্যুসনশিংগী দাইরেক্তরশিংগী বিজিতরশিংগী কনফরেন্স অমা শঙ্গাখ্রে। কেন্দ্রগী এজুকেসন মন্ত্রী শ্রী রমেশ পোখ্রিয়াল ‘নিশাঙ্ক’; রাজ্যগী এজুকেসন মন্ত্রী শ্রী সঞ্জয় সম্রাও ধোত্রে; হাইয়র এজুকেসনগী সেক্রেতরী শ্রী অমিৎ খারে; এন.ই.পি.গী দ্রাফতিং কম্মিতীগী চেয়রমেন দাঃ কে. কস্তুরিরঙ্গন অমসুং মন্ত্রালয়, য়ু.জি.সি. অমসিং এ.আই.সি.তি.ই.গী অতোপ্পা সেনিয়র ওফিসিএলশিংনা থৌরম অদুদা শরুক য়াখি।

NEP aims to reorient our education system towards meeting the needs of the 21st century. It sets the vision of developing an equitable and vibrant knowledge society by providing quality education to all. This calls for achieving the twin objectives of inclusion and excellence. pic.twitter.com/qp0TAuJveo

— President of India (@rashtrapatibhvn) September 19, 2020

নেস্নেল এজুকেসন পোলিসীনা ২১শুবা চহি-চাগী তঙাই ফদবশিংবু মসিগী পান্দম ওইরিবা পুম্নমক মনুং চনবা অমসুং নীংথিনা মাই পাকপা অনি অসি ফংদুনা মহৈ-তম্বীবগী পথাপ্পু অনৌবা মওংদা ওন্থোক্কদৌরি। মসিনা মীপুম খুদিংদা মগুন লৈবা মহৈ-তম্বীদা ফংহন্দুনা মান্নবা অমসুং অহোংবা লৈবা লৌশিংগী খুন্নাই অমা শেম্বগী পান্দম থম্মি হায়না ভারতকী রাস্ত্রপতি শ্রী রাম নাথ কোবিন্দনা অৱাংবা থাক্কী মহৈ তম্বীবদা নেস্নেল এজুকেসন পোলিসী ২০২০বু থবক ওইনা পাঙথোকপগী বিজিতরশিংগী কনফরেন্স অমা সেপ্তেম্বর ১৯, ২০২০দা শঙ্গাবগী থৌরমদা হায়খি।

পোলিসী অসিবু শেম্লিবা এজুকেসন মন্ত্রালয় অমসুং দাঃ কস্তুরিরঙ্গন অমসুং মহাক্কী কাঙবুশিংগী থবকশিংবু থাগৎপা ফোঙদোক্লদুনা রাস্ত্রপতিনা হায়খিবদা গ্রাম পঞ্চায়ৎ লাখ ২.৫, লোকেল বোদী ১২৫০০ হেনবা অমসুং চাউরাক্না জিলা ৬৭৫গা পাক শন্না তাথোক তাশিং তৌনদুনা মসিদগী মীয়ামগী ৱাখল্লোন লাখ অনি হেন্না ফংদুনা লৈমায়গী থাক্তা লৈবা ফিভমগী মতাংদা খঙনবা মখোয়না হোৎনখি হায়না হায়খি।

অৱাংবা থাক্কী মহৈ-তম্বীবা ইন্সতিত্যুসনশিংবু পুক্নিং থৌগৎলদুনা রাস্ত্রপতি কোবিন্দনা মসিগী ইন্সতিত্যুসনশিং অসিনা ভারতপু লৌশিংগী অকনবা শক্তি অমা ওইহনবদা থৌদাং য়াগনি হায়খি। মসিগী ইন্সতিত্যুসনশিং অসিনা মগুনগী থাক অমা শেম্লিবা অসি অতোপ্পা ইন্সতিত্যুসনশিংনা অমুক মতুং ইনগনি। পোলিসী অসিগী মরু ওইবা ৱাখল্লোনগী মনুংদা অনৌবা থৌওং শেম-শাবা অমসুং চৎনবা য়াবা ৱারেপ লৌদুনা অনৌবা থৌওং কয়া পাঙথোকহনবা ঙম্নবা মীয়াম্বু ৱাখল খলহনবগী ইথিল পীবগী থৌওং য়াওই হায়খি। মহাক্না ভগবৎ গীতা অমসুং কৃষ্ণ-অরজুনগী মরক্তা শাখিবা ৱারীশিংদগী ইথিল লৌরদুনা মহাক্না মহৈরোই অমসুং ওজাগী মরক্তা অপনবা অমসুং অয়েৎপা লৈতনা পাউ ফাওনবগী মতাংদা পনখি। এন.ই.পি.না অরুবা ফিভমগী মতাংদা ৱাখল খনবা অমসুং ৱাহং হঙনিংবগী মতাংদা পুক্নিং থৌগৎলি হায়খি। এন.ই.পি. ২০২০বু নীংথিনা চৎনহনবা ঙম্বদা মসিনা তক্সশিলা অমসুং নালান্দাগী মতমদা ভারতনা ফাউরবা মহৈ-তম্ফম অমা ওইরম্বা অদুবু নৌহৌহনা অমুক লাক্লগনি হায়বগী থাজবৈ থম্মি হায়না মহাক্না ফোঙদোকখি।

রাস্ত্রপতি কোবিন্দনা এন.ই.পি.গী অনৌবা থৌওংশিং অসিগী মতাংদা ঙাংলদুনা মসিনা একাদমিক বেঙ্ক ওফ ক্রেদিৎকী পথাপ হৌদোক্লগনি হায়খি। মসিনা মহৈরৈশিংনা তোঙান তোঙানবা অৱাংবা থাক্কী ইন্সতিত্যুসনশিংদগী ফংলকপা একাদমিক ক্রেদিৎপু দিজিতেলগী খুত্থাংদা থমদুনা অমসুং মসিদা য়ুম্ফম ওইদুনা দিগ্রী পীবসু য়ারগনি হায়খি। মসিনা মহৈরৈশিংদা মখোয়গী বোকেস্নেল, প্রোফেস্নেল নত্ত্রগা ইন্তেলেকচুএল ওইবা তঙাই ফদবগী মতুং ইন্না কোর্স খনবা য়াহনবগী মথক্তা মতিক চাবা চঙফম নত্ত্রগা থোকফম খনবা য়াবগী খুদোংচাবসু পীগনি হায়খি। বি.এদ., বোকেস্নেল অমসুং দিস্তেন্স-লর্নিং কোর্সশিংবু নীংথিনা য়েংশিনবগী থৌওংসু পোলিসী অসিগী মনুং চনহল্লে হায়না মহাক্না হায়খি।

Honoured to have the presence of Hon'ble President of India Shri Ram Nath Kovind in the Visitor’s Conference on ‘Implementation of #NationalEducationPolicy2020: Higher Education'. #ShikshakParv @rashtrapatibhvn @SanjayDhotreMP @EduMinOfIndia @PIB_India @MI https://t.co/Tsfj2MoWvA

— Dr. Ramesh Pokhriyal Nishank (@DrRPNishank) September 19, 2020

মহাক্না ৱা ঙাংবগী মনুংদা রাস্ত্রপতিনা এন.ই.পি. ২০২০গী পান্দম অসি ইং ২০২৫ ফাওবগী মনুংদা অৱাংবা থাক্কী মহৈ-তম্ফমশঙশিংদা গ্রোস ইনরোল্মেন্ত রেসিও নত্ত্রগা জি.ই.আর. অসি ৫০%দা হেনগৎহনবনি হায়খি। মরু ওইনা নুপীমচা মহৈরোইশিং নত্ত্রগা মহৈ-তম্ফমশঙশিংদা চৎপা ঙমজদবা নত্ত্রগা অতোপ্পা লৈবাক্কী মহৈরোইশিংগী ওইনা য়েংদুনা ওনলাইন্দা মহৈ তম্বীবগী পথাপ অসিসু পান্দম অসি য়ৌহনবদা শিজিন্নবা য়াই হায়না মহাক্না হায়খি। স্তেতিস্তিক্সকী মশিঙশিং পল্লদুনা মহাক্না হায়খিবদা ২০১৮-১৯গী হাইয়র এজুকেসনগী ভারত পুম্বগী সর্বেগী পাউদম মতুং ইন্না নুপীশিংগী জি.ই.আর. অসিনা নুপাশিংদগী খরা হেল্লি হায়খি। অদুবু লৈবাক্কী ওইনা মরু ওইবা অমসুং তেক্নিকেল এজুকেসনগী ইন্সতিত্যুসনশিংদদি নুপী মহৈরোইশিংগী চাং অসি য়াম্না নেম্মি। এন.ই.পি. অসিনা মান্নবা মিৎয়েংদা য়েংবা অমসুং পুম্নমকপু মনুং চলহনবগী পান্দম অসিদা মিৎয়েং চংলদুনা মহাক্না হায়খিবদা হাইয়র এজুকেসনগী মতাংদা জেন্দরগী খেন্নবা থম্বা অসি লৌথোক্কদবনি হায়খি। মহাক্না মখা তানা হায়খিবদা ইন্সতিত্যুসন অমগী মকোক অসিগী থৌদাং অসিনা মহৈরোই অমসুং ওজাশিংদা ইথিল পীবনি, মরম অদুনা মখোয়না পোলিসী অসিবু থবক ওইনা পাঙথোকপদা হেন্না থৱাই য়াওফম থোকই হায়খি।

ভারতকী রাস্ত্রপতি শ্রী রাম নাথ কোবিন্দগী অপুনবা ৱারোল য়েংনবা মফম অসিদা ক্লিক তৌবীয়ু

কেন্দ্রগী এজুকেসন মন্ত্রী শ্রী রমেশ পোখ্রিয়াল নিশাঙ্কনা কনফরেন্স অসি হৌদোকপগী ৱা ঙাংখি। কনফরেন্স অসিদা শরুক য়ারিবা মীথুংলেনশিংবু তরাম্না ওক্লদুনা মহাক্না খুন্নাই অমনা চাউখৎপা অসি মহৈ-মশিংদা য়ুম্ফম ওই হায়না হায়খি। অসিগুম্বা অচৌবা পোলিসী অমা চৎনহনবা অসি সরকারগী সংবিধানগী ওইবা থৌদাং অমা ওইবতা নত্তনা তৌফম থোকপনি হায়না মহাক্না হায়খি। মহাক্না হায়খিবদা এন.ই.পি. ২০২০ অসিনা ঐখোয়বু এজুকেসনগী পথাপ অসিবু দিসিন্ত্রেলাইজ তৌবতা নত্তনা হেন্না মপাঙ্গল হাপ্পসু ঙম্লগনি হায়খি।

শ্রী পোখ্রিয়ালনা পনখিবদা সেপ্তেম্বর ৭, ২০২০দা মান্নবা হীরম  অসিগী মতাংদা রাস্ত্রপতিগী পাউতাক্কী মতুং ইন্না গবর্নরশিংগী কনফরেন্স অমা পাঙথোকখি হায়খি। পোলিসী অসিবু থবক ওইনা পাঙথোকপগী থৌরাং অসি প্রধান মন্ত্রী শ্রী নরেন্দ্র মোদীনা হৌদোকখিবনি অমসুং মসিগী পান্দমদি লৈবাক শিনবা থুংনা মহৈ-তম্বীবগী মগুন হেনগৎহনবনি। মসিগী পোলিসী অসিনা ভারতকী কেম্পসশিংদা মপান লমগী মহৈরোইশিংনা মহৈ-তম্বগী খুদোংচাবা পীরে অমসুং মসিনা ভারতপু সোফৎ পাৱর অমা ওইহনবদা তেংবাংগনি হায়না মন্ত্রীনা হায়খি।

এজুকেসন অসিনা খুন্নাই অমগী য়ুম্বীনি অমসুং মসিনা ঐখোয়গী নহাশিং অমসুং লৈবাক অসিবু শেমদোকপদা অচৌবা থৌদাং লৌগনি হায়না শ্রী পোখ্রিয়ালনা হায়খি। এজুকেসন হায়বা অসিনা অপুনবা মগুন চেনবা মীওই অমা শেম-শাবদা তঙাই ফদনা চঙবা থৌওং অমনি অমসুং মখোয়শিং অসিনা লৈবাক্কী মরল ওইবতা নত্তনা খুন্নাই অমসুং নাৎকী অচেৎপা ইথিল চেনবা মীওইবা অমা ওইহল্লি। মরম অসিনা এজুকেসনগী পোলিসী অমনা লৈবাক অমসুং শেম্বদা অমসুং মসিগী তুংগী লাইবক লেপ্পদা মরু ওইবা থৌদাং লৌই হায়না মহাক্না মখা তানা হায়খি।

এন.ই.পি. ২০২০ অসিনা স্কুল অমসুং অৱাংবা থাক্কী মহৈ-মশিং তম্বদা অচৌবা অহোংবা অমা পুরকপগী পান্দম থম্লি। অনৌবা এজুকেসনগী পোলিসী অমা পুরকপা অসিনা ভারতপু মান্নবা অমসুং অহোংবা নাইবা লৌশিংগী খুন্নাই অমা ওইহল্লগনি। এন.ই.পি.না ভারত্তা য়ূম্ফম ওইবা এজুকেনগী পথাপ অমা শেমদুনা ভারতপু মালেমগী শক্তি ওইনা হকথেংননা শেমদোকপা ঙমগনি। মসিগী পোলিসী অসিগী খুত্থাংদা পুরক্কদবা অহোংবা অসিনা ঐখোয়গী মহৈ-তম্বগী পথাপকী মওংদা অহোংবা অমা পুরক্তনা তুংগী মতমদসু মহৈ তম্বশিংদা ইথিল পীদুনা প্রধান মন্ত্রীনা হায়রিবা আত্মানির্ভর ভারতকী অনৌবা মহৈ তম্বগী ইকোসীস্তেম অমা পুরকপদা তেংবাংগনি।

শ্রী পোখ্রিয়ালনা মখা তানা হায়খিবদা পোলিসী অসিনা ভারতকী অৱাংবা থাক্কী মহৈ তম্বগী মওংদা অচৌবা শেমদোকপা পুরকপগী অখন্নবা হীরমশিংদা মিৎয়েং থম্লি হায়না হায়খি। অদুবু মসিগী তঙাই ফদ্রবা অহোংবা পুরকপা অসি পোলিসী অসিবু মাই-পাক্না থবক ওইনা পাঙথোকপা মতমদনি। মরু ওইবা স্তেকহোলদরশিংগী ঙাক্লৌ য়াওদনা মহৈ-তম্বীবগী পথাপ্তা অহোংবা পুরকপা ঙম্লোই। মসিদা তোঙান তোঙানবা বোদীশিংনা খুৎশম্নদুনা পায়খৎমিন্নবা থৌওং কয়া অমা চঙগনি। তোঙান তোঙানবা সরকার অমসুং এজুকেসন বোদীশিংগী মনুং চন্না য়ুনিবর্সিতী অমসুং ইন্সতিত্যুসনশিংনা খুৎশম্নবা মওংদা হোৎনমিন্নদুনা পোলিসী অসিবু থবক ওইনা পাঙথোকপদা তেংবাংমিন্নবা তাই হায়না মহাক্না হায়খি।

এন.ই.পি.দা মিৎয়েং চঙলদুনা কেন্দ্রগী এজুকেসন মন্ত্রীনা হায়খিবদা পোলিসী অসিবু থবক ওইনা পাঙথোকপগী থৌওংদা থেংনবা অয়েৎপা খুদিংমক কান্থোক্কদবনি অমসুং স্তেকহোলদরশিংগা মসিগী মতাংদা ৱারী শাগদবনি হায়খি। মহাক্না ভাইস চান্সেল্লরশিং অমসুং ইন্সতিত্যুসনশিংগী মকোকশিংদা পোলিসী অসিবু য়ারিবমখৈ মীয়াম মশিং য়াম্বদা য়ৌহন্নবা হায়খি। পোলিসী অসিবু থবক ওইনা পাঙথোকপগী খন্নবদা খুন্নাইগী কাঙলুপ খুদিংগী মীয়াম্না শৌগৎপগী তঙাই ফদবা লৈ হায়না মহাক্না হায়খি। শ্রী পোখ্রিয়ালনা মখা তানা হায়খিবদা ইন্সতিত্যুসনশিং, একাদমিয়াশিং অমসুং মহৈরৈশিংনা পুন্না শরুক য়ামিন্নবনা এন.ই.পি. ২০২০বু থবক ওইনা পাঙথোকপদা অচৌবা মতেং পাংগনি হায়খি।

এজুকেসন মন্ত্রীগী ৱারোল পাবগীদমক্তা মফম অসিদা ক্লিক তৌবীয়ু

থৌরম অসিবু শঙ্গাবগী থৌরমগী মতুংদা তোঙান তোঙানবা দিসিপ্লিন কয়া অমসুং মপুং ফাবা এজুকেসন, রিসর্চ অমসুং অৱাংবা থাক্কী এজুকেসন্দা অনৌবা থৌওং পাঙথোকপা,অৱাংবা থাক্কী এজুকেসন্দা দিজিতেলগী ওইবা শেমদোকপা পুরকপা, মালেমগী থাক্তা লৈহনবা অমসুং থাক খায়বা, চাং মান্নবা, হীরম খুদিংমক মনুং চনবা অমসুং আউৎরিচ অমসুং অফবা ওইবগী কেপাসিতী বিলদিংগী মতাংদা অনৌবা পোলিসী অসি মাং থানা পুবা ঙম্নবা সেসন কয়া অমসু পাঙথোকখি।

*****