এজুকেসন মন্ত্রালয়না য়ু.জি.সি.গা খুৎশম্নদুনা শক পর্ব থৌরাংগী মখাদা "পুম্নমক ফংহনবা অমসুং দিসিপ্লিন য়াম্বা এজুকেসন অমগীদমক" হায়বসিদা ৱেবিনার অমা শিন্দুনা অনৌবা এজুকেসন পোলিসী (এন.ই.পি. ২০২০)গী মরুওইবা মশকশিং পুথোকখ্রে। শিকশক পর্ব অসি সেপ্তেম্বর ৮দগী সেপ্তেম্বর ২৫, ২০২০ ফাওবা ওজাশিংবু ইকাইখুম্নবা উৎনবা অমসুং অনৌবা এজুকেসন পোলিসী ২০২০ অসিবু পুখৎনবা পাঙথোক্লি। প্রোফেসর অনু সিংহ লাথর, ভাইস চান্সেল্লর, অম্বেদকার য়ুনিবর্সিতী, দিল্লী; প্রোফেসর আর.সি. কুহাদ, ভাইস চান্সেল্লর, সেন্ত্রেল য়ুনিবর্সিতী ওব হরিয়ানা; প্রোফেসর সুশ্মা য়াদব, ভাইস চান্সেল্লর, বি.পি.এস. মহিলা বিস্ববিদ্যালয়; প্রোফেসর আর.পি. তিৱারী, ভাইস চান্সেল্লর, সেন্ত্রেল য়ুনিবর্সিতী ওব পঞ্জাব অমসুং প্রোফেসর সুরেশ কুমার, ভাইস চান্সেল্লর, ইংলিশ অমসুং ফোরেন লেঙ্গ্বেজ য়ূনিবর্সিতীনা পুম্নমকপু কোনশিনবা অমসুং দিসিপ্লিন য়াম্বা এজুকেসনগী মতাংদা ৱা ঙাংখি।

" পুম্নমকপু কোনশিনবা অমসুং দিসিপ্লিন য়াম্বা এজুকেসন"গী মতাংদা ৱা ঙাংলদুনা প্রোফেসর আর.সি. কুহাদনা হায়খি মদুদি ইন্দিয়ন এজুকেসন সিস্তেমগী মগুন হায়বদি ভেল্যু সিস্তেম, পুন্সিগী লেপ্পা নাইদবা ৱাঙুলোল, মশীং য়াম্বা অমসুং দিসিপ্লিন য়াম্ববু ইকাই খুম্নবা অমসুং পুম্নমকপু কোনশিনবা এজুকেসন সিস্তেম অসি ভারতপু মমাংঙৈ মতমদা বিস্বগুরু ওইহল্লম্মি। হ্যুমেনিতীজ অমসুং আর্তপু স্তেম সবজেক্তশিংগা পুনশিন্নবা, মলতিপল এন্ত্রি অমসুং একজিৎ লৈবা, অন্দর্গ্রেজুএৎ অমসুং পোস্তগ্রেজুএৎ প্রোগ্রামশিং নৌনা শেম্বা, ভোকেসনেল এজুকেসনবু মেন্সত্রিমদা পুশিল্লকপা, একাদেমিক বেঙ্ক ওব ক্রেদিৎ লৈবা অসিনচিংবা য়াওরিবা এন.ই.পি. ২০২০গী তোঙান-তোঙানবা হীরমশিংবু শন্দোক্না তাক্লদুনা মহাক্না অসিগুম্বা রেকমেন্দেসনশিং অসিনা অপুনবা ওইনা কোনশিনবা অমসুং দিসিপ্লিন য়াম্বা এজুকেসন অসিদা পাম্নহল্লি অমসুং মসিনা ভারতপু বিস্বগুরুগী লম্বীদা অমুক পুশিনবীরে।

প্রোফেসর সুশ্মা য়াদবনা "অপুনবা ওইনা কোনশিনবা অমসুং দিসিপ্লিন য়াম্বা হাইয়র এজুকেসনগী থোংদগী লৌশিং লৈবা খুন্নাই অমা শেমগৎপা" হায়বসিগী মতাংদা শুগাইনা ঙাংখি। ২০১৪দগী সরকার অসিনা লৌখৎখিবা থৌরাং কয়াবু পল্লদুনা প্রোফেসর সুশ্মা য়াদবনা হায়খি মদুদি অপুনবা অমসুং দিসিপ্লিন য়াম্বা এজুকেসন অমা এন.ই.পি. ২০২০না পীরিবসি সরকারনা ইন্নোবেসনগী চৎনবী অমা শাগৎনবা হোৎনরিবা, ফ্লেক্সিবল অমসুং ওপন করিক্যুলম অমগী খোংচৎ অসিগা চুন্নৈ। অপুনবা অমসুং দিসিপ্লিন য়াম্বা এজুকেসন অমা শাগৎপা হায়বসি এজুকেসনবু হেন্না এক্সপরিএন্সিএল ওইনবা, ইন্তরেস্তিং, ইন্তিগ্রেতেদ, ইঙ্ক্বারী দ্রিবন, দিস্কোবরী ওরিএন্তেদ, লর্নর সেন্তর্দ, দিস্কসন্দা য়ুম্ফম ওইবা, ফ্লেক্সিবল অমসুং এজোইএবল ওইনবনি। মমাংঙৈ মতমদা অফবা এজুকেসন অমা হায়বসি করিনা শেম্বগে হায়বগী মতাংদা পল্লদুনা মহাক্না হায়খি, আর্তকী অনৌবা শীজিন্নফম্না ভারতিয়া হায়র এজুকেসনবু ২১শুবা চহী চা মফম চাউনা কলহনলগনি।

এন.ই.পি. ২০২০না পীরিবা অপুনবা অমসুং দিসিপ্লিন য়াম্বা এজুকেসনগা মমাংঙৈগী গুরুকুলশিংদা অমসুং ময়াইওইবা ভারতকী মতমগী এজুকেসনগা খম্ব্রাংননা য়েংলদুনা প্রোফেসর আর.পি. তিৱারীনা মহাক্কী "নহাশিংবু অপুনবা অমসুং দিসিপ্লিন য়াম্বা এজুকেসননা শক্তি পীবা" হায়বসিগী মতাংদা পীবা ৱারোলদা মতমদুদা গুরুকুলশিংনা মীওইবা অমসুং মহৌশাগী মরক্তা খল কাইদনবা চাউনা মরুওইবা থৌদাং লৌরম্মি। মহাক্কী ৱারোলদা, মহাক্না স্তেকহোল্দর খুদিংমক্তা এন.ই.পি.২০২০বু মসিদা ভারতনা মীপাল তাংদনবগী মশক অমা য়াওরিবনা অথুবদা থবক ওইনা পায়খৎপা হৌনবা হোৎনগদবনি হায়খি।

প্রোফেসর সুরেশ কুমারনা এন.ই.পি.গী পান্দমশিংগী মনুংদা অমা ওইরিবা "হায়র এজুকেসনবু দিসিপ্লিন য়াম্বা ওমসুং অপুনবা ওইনা পুশিন্দুনা শেমদোকপা" হায়বসিগী মতাংদা ঙাংখি। মহাক্কী ৱারোলদা, মহাক্না হায়খি মদুদি, পোলিসী অসিগী মরুওইবাশিংগী মনুংদা অমা ওইরিবসি মসিনা কনাগুম্বা অমবু করম্না তমগদগে হায়বদু তাক্নবা হোৎনরি। মসিগী মথক্তা, মহাক্না ২০৩০ ফাওবগী মনুংদা মলতিসিপ্লিনরী ইন্সতিত্যুসন অমা জিল্লা খুদিংদা হাংনবা অমসুং মালেমগী থাক্তা পাম্নরবা সবজেক্ত অমহেক্তগা পুনবা য়াহন্নবা হোৎনরিবসিগী মতাংদা পনখি। মখা তানা, ৱারী ৱাতাই অসিদা ইন্তর্নেসনেলাইজেসন, ওজাগী এজুকেসন্দা শেমদোকপা, অমসুং রিগুলেতরী রিফোর্মশিংগী মতাংদা ঙাংখি অমসুং মসিগী রিফোর্মশিং অসিবু মলতিদিসিপ্লিনরী সিস্তেমগী থোংদা মালেমগী পান্দমশিং ফংনবা লম্বীদা চঙশিল্লি।

প্রোফেসর অনু সিংহ লাথরনা মরুওইরিবসি সবজেক্ত অমখক্কী খঙবসি নত্তে, দিস্কোর্স অদু করম্না কন্দক্ত তৌগদগে হায়বদুনা মরুনি হায়না থমখি। অপুনবা অমসুং মলতিদিসিপ্লিনরী এজুকেসনগী মতাংদা নৈনবগী মথক্তা মহাক্না এজুকেসনবু হোলিস্তিক ওইনবা অমসুং মলতিদিসিপ্লিনরীগী চৎনবী অসি করম্না ফংগদগে হায়বগী মতাংদা শন্দোক্না ঙাংখি।

*****