2020, మార్చి నెల నుండి, కోవిడ్-19 మహమ్మారి సమయంలో, ఎగుమతిదారులు ఎదుర్కొంటున్న ఇబ్బందులు, సమస్యలను మరియు మహమ్మారి సమయంలో ఎగుమతులను ప్రోత్సహించే మార్గాలను చర్చించడానికి ఎగుమతి ప్రోత్సాహక మండళ్ళు (ఈ.పి.సి. లు), వాణిజ్య మరియు పరిశ్రమల మండళ్ళు, వివిధ పరిశ్రమలు చెందిన సంస్థలు, సంఘాలతో తరచూ సమావేశాలు జరిగాయి.  వారు లేవనెత్తిన సమస్యలను తొందరగా పరిష్కరించడానికి, సంబంధిత మంత్రిత్వ శాఖలు, విభాగాలు చర్యలు తీసుకున్నాయి.  

ఎగుమతులను పెంపొందించడానికి ప్రభుత్వం ఈ క్రింద పేర్కొన్న కీలక చర్యలు తీసుకుంది :

i.          విదేశీ వాణిజ్య విధానం (2015-20) యొక్క చెల్లుబాటు ఒక సంవత్సరం అంటే 31-3-2021 వరకు పొడిగించబడింది.  కోవిడ్-19 కారణంగా మంజూరు చేసిన సడలింపులు మరియు కాలపరిమితులు పొడిగించబడ్డాయి.

ii.         విదేశీ వాణిజ్య విధానం (ఎఫ్‌టిపి) కింద అడ్వాన్స్ ఆథరైజేషన్స్ అండ్ ఎక్స్‌పోర్ట్ ప్రమోషన్ క్యాపిటల్ గూడ్స్ (ఇ.పి.సి.జి) అధికారాలకు సంబంధించి ఎగుమతి బాధ్యత కాలం పొడిగింపు; ఎగుమతి ఆధారిత యూనిట్ల లెటర్ ఆఫ్ పర్మిషన్లు (ఎల్.ఓ.పి.) / లెటర్ ఆఫ్ ఇంటెంట్స్ (ఎల్.ఓ.ఐ.), సెజ్ యూనిట్లకు వివిధ సడలింపులు వాటిని క్రియాత్మకంగా మార్చడానికి మరియు వాణిజ్య పరిష్కార పరిశోధనల విధానాలను సరళీకృతం చేయడం; 

iii.           షిప్‌మెంట్ కి ముందూ, తర్వాత, రూపాయి ఎగుమతి క్రెడిట్‌పై వడ్డీ సమీకరణ పథకాన్ని ఒక సంవత్సరం పొడిగించారు, అంటే 31-3-2022 వరకు.

iv.                ఎలక్ట్రానిక్స్ మరియు ఇన్ఫర్మేషన్ టెక్నాలజీ మంత్రిత్వ శాఖ (ఎమ్.ఈ.ఐ.టి.) ఉత్పాదకతతో కూడిన ప్రోత్సాహక పథకం (పి.ఎల్.‌ఐ) మరియు కీలకమైన ప్రారంభ వస్తువులు (కె.ఎస్.‌ఎం.లు) / డ్రగ్ ఇంటర్మీడియట్స్ మరియు యాక్టివ్ ఫార్మాస్యూటికల్ మొదలైన ప్రోత్సాహకాలను వివిధ మంత్రిత్వ శాఖలు కల్పిస్తున్నాయి.  API లు).

v.          వాణిజ్యాన్ని సులభతరం చేయడానికి మరియు ఎగుమతిదారుల స్వేచ్ఛా వాణిజ్య ఒప్పందాల వినియోగాన్ని పెంచడానికి సర్టిఫికేట్ ఆఫ్ ఆరిజిన్ జారీ చేయడం కోసం కామన్ డిజిటల్ ప్లాట్‌ఫాం ప్రారంభించబడింది.

vi.         వ్యవసాయం, ఉద్యానవన, పశుసంవర్ధక, మత్స్య, ఆహార ప్రాసెసింగ్ రంగాలకు సంబంధించిన వ్యవసాయ ఎగుమతులకు ప్రేరణనిచ్చే సమగ్ర “వ్యవసాయ ఎగుమతి విధానం” అమలులో ఉంది.

vii.     12 అత్యుత్తమ సేవా రంగాల కోసం నిర్దిష్ట కార్యాచరణ ప్రణాళికలను అనుసరించడం ద్వారా సేవల ఎగుమతులను ప్రోత్సహించడం మరియు వైవిధ్యపరచడం.

viii.      జిల్లాలో ఎగుమతి సామర్థ్యాలతో ఉత్పత్తులను గుర్తించడం, ఈ ఉత్పత్తులను ఎగుమతి చేయడానికి ఉన్న అడ్డంకులను పరిష్కరించడం, స్థానిక ఎగుమతిదారులు / తయారీదారులకు జిల్లాలో  ప్రోత్సాహంచి, ఉపాధి కల్పించడం ద్వారా జిల్లాలను ఎగుమతి కేంద్రాలుగా ప్రోత్సహించడం.

ix.       వస్తువులు, సేవలు మరియు నైపుణ్యం కోసం తప్పనిసరి సాంకేతిక ప్రమాణాలను స్వీకరించడానికి / అమలు చేయడానికి పర్యావరణ వ్యవస్థను బలోపేతం చేయడం.

x.                మన వాణిజ్యం, పర్యాటక రంగం, సాంకేతిక పరిజ్ఞానం మరియు పెట్టుబడి లక్ష్యాలను ప్రోత్సహించే దిశగా విదేశాలలో భారత రాయబార కార్యాలయాలను శక్తివంతం చేయడం జరిగింది.

xi.           వివిధ బ్యాంకింగ్ మరియు ఆర్థిక రంగాల సహాయక చర్యల ద్వారా, ముఖ్యంగా సూక్ష్మ, చిన్న, మధ్యతరహా సంస్థలు (ఎం.ఎస్.ఎమ్.ఈ) లతో సహా దేశీయ పరిశ్రమలకు మద్దతు ఇస్తున్నట్లు ప్యాకేజీ ప్రకటించింది, ఇవి ఎగుమతుల్లో ప్రధాన వాటాను కలిగి ఉన్నాయి.

కేంద్ర వాణిజ్య, పరిశ్రమల శాఖ మంత్రి శ్రీ పీయూష్ గోయల్ ఈ రోజు రాజ్యసభలో లిఖితపూర్వకంగా సమర్పించిన సమాధానంలో ఈ సమాచారాన్ని తెలియజేశారు. 

*****