ਬੋਰਡਾਂ ਦੇ ਕੰਮਕਾਜ ਕਰਨ ਦੇ ਤਰੀਕੇ ਦੀ ਪੂਰੀ ਤਰ੍ਹਾਂ ਸਮੀਖਿਆ ਦੇ ਅਧਾਰ ਉੱਤੇ ‘ਆਲ ਇੰਡੀਆ ਹੈਂਡੀਕ੍ਰਾਫ਼ਟਸ ਬੋਰਡ’ (AIHB) ਅਤੇ ‘ਆਲ ਇੰਡੀਆ ਹੈਂਡਲੂਮ ਬੋਰਡ’ (AIHB) ਨੂੰ ਭੰਗ ਕਰਨ ਦਾ ਫ਼ੈਸਲਾ ਲਿਆ ਗਿਆ ਸੀ। ਇਸ ਮੁੱਲਾਂਕਣ ਤੋਂ ਸਪਸ਼ਟ ਹੋਇਆ ਸੀ ਕਿ ਸਮੁੱਚੇ ਰਾਸ਼ਟਰ ਦੇ ਬੁਣਕਰਾਂ ਨੂੰ ਬੋਰਡ ਤੋਂ ਕੋਈ ਲਾਭ ਨਹੀਂ ਹੋਇਆ ਤੇ ਇਸ ਬੋਰਡ ਦੀ ਕਦੇ ਕੋਈ ਮੀਟਿੰਗ ਵੀ ਨਹੀਂ ਹੋਈ ਸੀ ਅਤੇ ਸਾਰੇ ਰਾਜਾਂ ਦੇ ਬੁਣਕਰਾਂ ਨੂੰ ਭਰੋਸੇ ਵਿੱਚ ਵੀ ਨਹੀਂ ਲਿਆ ਗਿਆ ਸੀ। ਨੀਤੀ ਨਿਰਧਾਰਣ ਤੇ ਲਾਗੂਕਰਨ ਦੇ ਮਾਮਲੇ ਵਿੱਚ ਬੋਰਡ ਦਾ ਕੋਈ ਯੋਗਦਾਨ ਨਹੀਂ ਸੀ।

ਦੂਜੇ ਪਾਸੇ ਬੁਣਕਰਾਂ ਦੇ ਸਰਵਿਸ ਸੈਂਟਰ ਅਤੇ ਸਟੇਟ ਹੈਂਡਲੂਮ ਵਿਭਾਗ ਬਹੁਤ ਵਧੀਆ ਤਰੀਕੇ ਨਾਲ ਕੰਮ ਕਰ ਰਹੇ ਹਨ ਅਤੇ ਉਹ ਨੀਤੀ, ਸਰਕਾਰੀ ਯੋਜਨਾਵਾਂ ਲਾਗੂ ਕਰਨ ਬਾਰੇ ਗੱਲਬਾਤ ਵੀ ਕਰਦੇ ਹਨ ਤੇ ਚੰਗਾ ਤਾਲਮੇਲ ਵੀ ਰੱਖ ਰਹੇ ਹਨ, ਔਨਲਾਈਨ ਮਾਰਕਿਟਿੰਗ ਮੰਚਾਂ ਬਾਰੇ ਬੁਣਕਰਾਂ ਨੂੰ ਸਿੱਖਿਅਤ ਕਰ ਰਹੇ ਹਨ ਅਤੇ ਸਰਕਾਰੀ ਈ–ਮਾਰਕਿਟ–ਪਲੇਸ (ਜੈੱਮ-GeM) ਉੱਤੇ ਬੁਣਕਰਾਂ ਨੂੰ ਲਿਆਉਣ ਦੇ ਯਤਨ ਵੀ ਉਹ ਕਰਦੇ ਹਨ ਤੇ ਚੌਪਾਲਾਂ ਜ਼ਰੀਏ ਹੈਂਡਲੂਮ ਬੁਣਕਰਾਂ ਦੀਆਂ ਸਮੱਸਿਆਵਾਂ ਵੀ ਹੱਲ ਕਰਦੇ ਹਨ।

ਇਹ ਜਾਣਕਾਰੀ ਅੱਜ ਕੇਂਦਰੀ ਕੱਪੜਾ ਮੰਤਰੀ, ਸ਼੍ਰੀਮਤੀ ਸਮ੍ਰਿਤੀ ਜ਼ੁਬੀਨ ਇਰਾਨੀ ਨੇ ਇੱਕ ਲਿਖਤੀ ਜਵਾਬ ਵਿੱਚ ਰਾਜ ਸਭਾ ‘ਚ ਦਿੱਤੀ।

****

ਏਪੀਐੱਸ/ਐੱਸਜੀ/ਆਰਸੀ