ওল ইন্দিয়া হেন্দিক্রাফ্ত বোর্দ (এ.আই.ঐচ.পি.) অমসুং ওল ইন্দিয়া হেন্দলুম বোর্দ (এ.আই.ঐচ.বি.) থুপচিনবগী ফিরেপ অসি বোর্দ অসিগী থবক তৌবগী মওং মতৌ মমুৎ তানা য়েংশিল্লবা মতুংদা লৌখিবনি‍। য়েংশিনখিবদা অদুদা পাক্না মীফম পাঙথোক্তবা, অমদি স্তেত পুম্নমক্তগী ফিশাবীশিং য়াওদবা বোর্দ অসিদগী লৈবাক শিনবা থুংবদা লৈরিবা ফিশাবীশিংনা মসিদগী কান্নবা অমত্তা ফংদে হায়বা খঙবা ঙমখি‍। খুজিল থৌরাং য়াৎপদা অমদি পায়খৎপগী মতাঙদা বোর্দ অসিগী থৌদাং করিমত্তা লৈরমদে‍।

নাকল অমরোমদা, ৱীভর্স সর্ভিস সেন্তরশিং অমসুং স্তেত হেন্দলুম দিপার্তমেন্তশিংনা খুজিল থৌরাংগী মতাঙদা ৱারী ৱাতায় তৌদুনা, লৈঙাক্কী স্কিমশিং পায়খত্তুনা, গোভর্নমেন্ত ই-মার্কেতপ্লেস (জি.ই.এম.)দা ফিশাবীশিং পুশিন্নবা থৌরাং য়াওনা ফিশাবীশিংদা ওনলাইন কৈথেলগী ফম্বাকশিংগী মতাংদা খঙহন্দুনা অমদি শিন্নাইশঙশিংগী খুত্থাঙদা ইয়োংগী ফিশাবীশিংনা থেংনরিবা খুদোংচাদবশিং কোকহন্দুনা নীংথিনা চৎমিন্নরি‍।

ৱাফম অসি তেক্সতাইলগী কেন্দ্র মন্ত্রী শ্রীমতি স্ম্রিতি জুবিন ইরানিনা ঙসি রাজ্য সভাদা ফোঙদোকখিবনি‍।

****