কোবিদ-১৯ লাইচৎকী মনুংদা এজুকেসন মন্ত্রালয়না রাজ্য অমসুং য়ূ.তি.শিংগা তাংকক কয়াদা তান্নদুনা কোবিদ-১৯ মনুংদা মহৈরোইশিংনা মহৈ তম্বা লেপ্তনবা খোংথাং কয়া লৌখৎখি, হায়রিবশিং অদুগী মনুংদা মখাগীশিং অসি য়াওখিঃ

পি.এম. ই.বিদ্যা

পি.এম. ই.বিদ্যা কৌবা খোংথাং অমা দিজিতেল/ওনলাইন/ওন-এয়র এজুকেসনগা মরী লৈনবশিং পুনশিন্দুনা মহৈ তম্বদা মলতি মোদ অমা পাঙথোকপা য়ানবগীদমক লৌখৎখি। খোংথাং অসিদা য়াওরিবশিংদিঃ

• দিকশা (দিজিতেল ইনফ্রাস্ত্রকচর ফোর নোলেজ সেয়রিং)

দিকশা হায়বসি রাজ্য অমসুং সেন্ত্রেল সরকারদা গ্রেদ ১দগী ১২ ফাওবদা লৈবা স্কুল এজুকেসনগী প্লেৎফোর্ম অমনি। হায়রিবসি ৱেব পোর্তেল অমসুং মোবাইল এপ্লিকেসনগী মতেংনা শীজিন্নবা য়াই। মসিনা ক্যু.আর. কোদ য়াওবা ইনর্জাইস তেক্সবুক (ই.তি.বি.)শিং, ওজাশিংগী কোর্স, কুইজকুম্বা কেস অমসুং সোলুসনশিং ই-কন্তেন্ত লিঙ্ক তৌরবা করিক্যুলম কয়া শীজিন্নবা য়াহল্লি। মসি স্কুল এজুকেসনগী 'ৱান নেসন; ৱান দিজিতেল প্লেৎফোর্ম' অমনি।

এপ্রিল ২০২০দা বিদ্যাদানবু দিকশা প্লেৎফোর্মদা মপাঙ্গল পীবা কন্ত্রিব্যুসন প্রোগ্রাম অমা ওইনা হৌদোকখি অমসুং মসি এজুকেসনেল বোদী, প্রাইবেৎ বোদী অমসুং ইন্দিবিজ্বেলশিংনা স্কুল এজুকেসনগী ই-লর্নিং সোর্সশিং মতেং পাংবা/কৎপা য়াবা খুৎলাই অমনি।

• তি.ভি. চেন্নেলশিং শীজিন্নবা – স্বয়াম প্রভা তি.ভি. চেন্নেলশিং

স্বয়াম প্রভা দি.তি.ঐচ. চেন্নেলশিং অসি ইন্তর্নেৎ শীজিন্নবা ফংদবশিংবু মতেং পাংনবগীদমক্নি। মগুন লৈবা মহৈ মশিংগী ওইবা থৌরম কয়া য়াওবা চেন্নেল ৩২ য়াওরি।

• ওপন স্কুল অমসুং প্রি সর্বিস এজুকেসনগীদমক স্বয়াম এম.ও.ও.সি.

এন.আই.ও.এস. (গ্রেদ ৯দগী ১২ ফাওবগী ওপ স্কুলিং)গা মরী লৈনবা ওনলাইন এম.ও.ও.সি. কোর্সশিং স্বয়াম পোর্তেলদা অপ্লোদ তৌরি; কোর্স ৯২রোম হৌখ্রে অমসুং মহৈরোই করোর ১.৫না মিং চনখ্রে। মহৈরোই অমসুং ওজাশিংনা কোর্স মোদ্যুলশিং – তেক্স, ভিদিও, অমসুং এসেস্মেন্ত ক্বেসনশিং স্বয়ামগী মখাদা শীজিন্নবা য়াগনি।

• রেদিও, কম্ম্যুনিতী রেদিও অমসুং পোদকাস্ত শীজিন্নবা

রেদিও ব্রোদকাস্তিংসু অথাপ্পদা লৈবা ওনলাইন্দা লৈতবা অঙাংশিংগীদমক শন্দোকই। কম্ম্যুনিতী রেদিও স্তেসন ২৮৯সু এন.আই.ও.এস.কী গ্রেদ ৯দগী ১২ ফাওবগী কন্তেন্তশিং শন্দোক্নবা শীজিন্নখি। শিকশা ভানি কৌবা পোদকাস্ত অমা গ্রেদ ৯দগী ১২ ফাওবগী মহৈরোইশিংনা নীংথীনা শীজিন্নরি। মসিদা ওদিও কন্তেন্ত ৪৩০ রোম গ্রেদ ১দগী ১২ ফাওবগী সবজেক্তশিংগী য়াওরি।

• নাম্ম-শোইরবশিংগীদমক

তাবগী পাঙ্গল লৈত্রবা অঙাংশিংগীদমক সাইন লেঙ্গ্বেজদা দি.তি.ঐচ. চেন্নেল অমা থারি। মীৎ উবা ঙমদ্রবা অমসুং না তাবা ঙমদ্রবা অঙাংশিংগীদমক দিজিতেল্লী এক্সেসিবল ইনফোর্মেসন সিস্তেম (দেজি)দা অমসুং সাইন লেঙ্গ্বেজদা স্তদী মতিরিএলশিং পীরি; অনীমক এন.আই.ও.এস.কী ৱেবসাইৎ অমসুং য়ূত্যুব চেন্নেলদা ফংগনি।

• ই-তেক্সবুক

ই-পাথসালা ৱেব পোর্তেল অমসুং মোবাইল এপ (এন্দ্রোইদ, আই.ও.এস. ৱিন্দোসকী) শীজিন্নদুনা ই-তেক্সবুক শীজিন্নবা য়াগনি। এন.সি.ই.আর.তি.গী ই-তেক্সবুক (গ্রেদ ১দগী ১২) ১৭৭ অমসুং ওদিও অমসুং ভিদিও কন্তেন্ত ৩৫০০ য়াওনা দিজিতেল বুক ৬০০ হেন্না তোঙান-তোঙানবা লোল (হিন্দি, ইংলিশ, সন্সকৃৎ অমসুং উর্দু)দা পব্লিক দোমেন্দা ফংহল্লি।

• নেস্নেল রিপর্তরী ওব ওপন এজুকেসন রিসোর্স (এন.আর.ও.ই.আর.)

এন.আর.ও.ই.আর. হায়বসি ই-কন্তেন্তকী ওপন স্তোরহাউসনি। তোঙান-তোঙানবা স্কুল সবজেক্তশিংগী গ্রেদ পুম্নমক্কী ই-কন্তেন্ত ১৭৫০০ হেন্না য়াওরি।

• সম্মেতিব একজামিনেসনগীদমক সিল্লেবস রেসনেল্লাইজ তৌবা

সি.বি.এস.ই.না একজামিনেসনগী য়েংদুনা সিল্লেবস চাদা কুন্থ্রা হন্থহনখ্রে। হায়রিবসি ওজা অমসুং মমা-মপা ওইবশিংদা অনৌবা ওইরিবা ক্লাসরুম ত্রাঞ্জেক্সন পাঙথোকপগী মওং মতৌদা অহোংবা থম্লিবা অসি য়েংদুনা পাঙথোকখিবনি।

অলতর্নেতিব একাদেমিক কেলেন্দর

গ্রেদ ১দগী ১২ ফাওবগী চয়োলগী ওইবা প্লান অমা এন.সি.ই.আর.তি.না লোল অহুমদা শেমখ্রে। মসিদা নুংঙাইরবা থবকশিং অমসুং চেল্লেঞ্জ কয়া সিল্লেবসতুদা য়াওরিবা তোপিক নত্ত্রগা থিম অদুগা মরী লৈননা হাপ্লি। মসিনা তোপিক/থিম অদুবু লর্নিং আউৎকমগা লোইননা মপা-মমা ওইবশিংদা মহৈরোইশিংগী প্রোগ্রেস লম্বী কয়াদা য়েংবা য়াহনগনি। মসিনা ইন্তর্নেৎ পায়বা মহৈরোইশিংবু ই-রিসোর্সশিংদা লিঙ্ক তৌবীরি।

দিজিতেল এজুকেসনগী প্রগ্যাতি চৎন-কাংলোন

হায়রিবা চৎন-কাংলোনশিং অসি মহৈলোইশঙ লোনখিবনা ময়ূমদা লৈরিবা মহৈরোইশিংনা ওনলাইন/ব্লেন্দেদ/দিজিতেল এজুকেসন ফংহন্নবগী পান্দমদা শেমগৎখিবনি। চৎন-কাংলোন অসিদা তোঙান-তোঙানবা কাংলুপকী মহৈরোইশিংগী ওইবা স্কৃন তিম পীরি। মসিনা সাইবর সেবতীগা মরী লৈননা তৌগদবা অমসুং তৌরোইদবশিং পীরি। দিভাইসশিংবু করম্না শীজিন্নগদগে অমসুং ওনলাইন ক্লাসকী মনুংদা করম্বা ফিরেপতা লৈগদগে হায়বগী মতাংদা ইনফোগ্রাফিক্সশিং পীরি। চৎন-কাংলোনশিং অসি মখাগীসিদগী ফংবীগনিঃ

https://mhrd.gov.in/sites/upload_files/mhrd/files/pragyata-guidelines_0.pdf

সাইকোসোসিএল সপোর্ত পীনবা মনোদর্পন

'মনোদর্পন'দা কোবিদ অমসুং মতুংদা মহৈরোই, ওজা অমসুং ইমুং মনুংশিংদা মেন্তেল হেল্থ অমসুং ইমোসনেল ৱেলবিইংগী সাইকোসোসিএলগী মতেং পীনবগীদমক তোঙান-তোঙানবা মখলগী থবক থৌরমশিং পীরি।

লেপ্পা লৈতনা মহৈ তম্নবগীদমক লর্নিং ইনহেন্সমেন্ত গাইদলাইন

কাংলুপ খুদিংমক্কী মহৈরোইশিংদা ওনলাইন এজুকেসন পীনবগীদমক, মখাগী লর্নিং ইনহেন্সমেন্ত গাইদলাইনশিং অসি ওগস্ত ১৯, ২০২০দা থোকখিঃ

• কোবিদ-১৯ মনুংদা দিজিতেল দিভাইস য়াওদবা মহৈরোইশিংনা লর্নিং ইনহেন্সমেন্ত
• কোবিদ-১৯ মনুংদা দিজিতেল দিভাইস অকক্নবা মতমগী শীজিন্ননবা মহৈরোইশিংনা লর্নিং ইনহেন্সমেন্ত
• কোবিদ-১৯ মনুংদা দিজিতেল দিভাইস পায়বা মহৈরোইশিংনা লর্নিং ইনহেন্সমেন্ত

গাইদলাইন অসি মখাগীসিদগী ফংবীগনিঃ

https://www.mhrd.gov.in/sites/upload_filehs/mhrd/files/Learning_Enhancement_0.pdf

কোবিদ-১৯গী শাফু হন্থনবগীদমক, দিপার্ত্মেন্ত ওব এজুকেসন অমসুং লিতরেসীনা দিজিতেলগী থোংদা ওনলাইন লর্নিং পীনবগীদমক লুপা করোর ৮১৮.১৭ কাইথখ্রে, ওজাশিংগী প্রোফেসনেল দিবেলপমেন্ত ফংহন্নবগীদমক ওনলাইন তিচর ত্রেনিংগীদমক লুপা করোর ২৬৭.৮৬ কাইথখি।

ভারত নেৎ স্কিমগী মখাদা ইন্তর্নেৎসু সরকারগী ইন্সতিত্যুসনশিংদা অমসুং খুঙ্গংগী লমশিংদা ইন্তর্নেৎ ফংহনখি। ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (মৈতী)গী সি.এস.সি. ই-গবর্নান্স সর্বিস ইন্দিয়া লিমিতেদ (সি.এ.সি.-এস.পি.ভি.)সু সরকারগী লোইশঙশিংদা মহৈলোইশঙ য়াওনা ফাইবর তু দি হোম পীখি। প্রোজেক্ত অসি মরী লৈনবা গ্রাম পঞ্চায়ৎ অদুগী সরকারগী মহৈলোইশঙশিংদা ইন্তর্নেৎ ফংহন্নবগীদমক হৌদোকখিবনি। রাজ্যশিংগী ওইবা স্কুলশিংগী দিজিতেলগী স্তেতসসু এনেক্সরদা য়াওরি।

পাউদম অসি হ্যুমেন রিসোর্স দিবেলপমেন্ত মন্ত্রালয়গী রাজ্যগী মন্ত্রী শ্রী রমেশ পোখ্রিয়াল 'নিশাঙ্ক'না রাজ্য সভাদা ঙসি অইবা পাউখুম ওইনা পীখিবনি।

*****