স্পোর্তস ওথোরিতী ওফ ইন্দিয়া (সাই)না শান্নরোইশিং অমসুং কোচশিং মতেং পাংবদা শেন-থুম ককথবা অমতা লৈতে। মখা তানা মখোয়গী ত্রেনিং পাংথোক্নবা লোকদাউন মনুংদা শান্নরোইশিংদা মখাগী খুদোংচাবশিং অসি পীরি:

১. লোকদাউন মনুংদা মখোয় পুক্নিং থৌগৎনবা অমসুং হকচাং ফনা লৈনবা কোচশিংনা শান্নরোশিংগীদমক চাংনাইনা ওনলাইন ত্রেনিং/ক্লাস পাংথোকখি। নুমিৎ খুদিংগী শাজেল তৌনবা শান্নরোইশিংদা ওনলাইন ত্রেনিং মোদুল পীখ্রে।

২. অৱাবা মতম অসিদা মখোয়গী থৌনা হেনগৎহন্নবা অমসুং পুক্নিং থৌগৎনবা শান্নরোইশিংগা চাংনাইনা ৱারি শানখি। অৱাবা মতম মনুংদা কমদৌনা ৱাখল লাংতক্নবা লাকশিনগনি হায়বগী মতাংদা শান্নরোইশিং তাকপীনবা অমসুং মখোয়গী পান্দমশিংদা মিৎয়েং চঙদুনা ত্রেনিংশিংদা অকায়বা পীদনবা ভিদিও কনফরেন্স, সোসিএল মেদিয়া হায়বদি ফেসবুক লাইভ, ইন্ততাগ্রাম লাইভকী খুৎথাংদা স্পোর্তস সাইকোলোজি, স্পোর্তস সাইন্স/মেদিতেসন, কোবি-১৯ মতমদা মচি ওইবা চীঞ্জাক, স্ত্রেং অমসুং কন্দিসন্নিং, এন্তি-দোপিংগী মতাংদা অখঙ-অহৈশিংনা সেমিনারশিং অমসুং ৱার্কশোপশিং পাংথোকখি।

৩. শান্নরোইশিং অমসুং কোচ ইজুকেসন প্রোগ্রাম অমসুং কোচ দিবলপমেন্ত প্রোগ্রাম (এ.সি.ই.পি./সি.দি.পি.) পাংথোকখ্রে অমসুং তোঙান-তোঙানবা মশান্নশিংগী মতাংদা মপান লৈবাকশিংগী কোচশিং অমসুং শান্নবগী অখঙ-অহৈশিংনা ৱা ঙাংখি।

৪. সাই রিজনেল সেন্তরশিং, রাজ্য সরকারশিং অমসুং ভোলুন্তরি ওর্গনাইজেসনশিংগী মতেংগা লোয়ন্না শান্নরোইশিংগী ময়ুমদা শান্নবগী খুৎলায়শিং হায়বদি বারবেল রোদশিং, ৱেতশিং, এক্সর্সাইজ বাইসাইকল, এয়র পেল্লেতশিং, তার্গেৎ সিস্তেমশিং পীখ্রে। লোকদাউন্না মরম ওইদুনা মখোয়গী লৈফমশিংদা হনবা ঙমদ্রবা ওলেম্পিক য়াওগদবা শান্নরোইশিংদা সাই সেন্তরশিংদা ত্রেনিং পাংথোক্নবা মখোয়গী কাশিংদা খুৎলায়শিং ফংহল্লে।

৫. ২০২১ ওলেম্পিক শরুক য়াগদবা শান্নরোইশিংগী নেসনেল কোচিং কেম্পশিং অমুক পাংথোকপা হৌরে।

ৱাফম অসি ঙসি লোক সভাদা অইবা ওইনা পীবা পাউখুম অমদা য়ুথ এফিয়ার্স অমসুং স্পোর্তসকী রাজ্য মন্ত্রী(ইন-চার্জ) শ্রী কিরেন রিজিজুনা থমখিবনি।

*****