মচি ওইবা চিঞ্জাক চাবা ৱাৎপা হায়বসি অঙাংশিং শিহনবগী হকথেংনবা মরম অমত্তা নত্তে। অদুম ওইনমক মসিনা অনাবা ঙাকথোকপা অসি হন্থহন্দুনা অনাবগী মওং অমদি শিবগগী চাং হেনগৎহল্লি।   মচি ওইবা চিঞ্জাক পীজদনা য়োকপা অঙাংশিং অসিনা অতৈ চুম্নগী অঙাংশিংদগী হেন্না লায়না লৌনগল্লি। অপুনবা চহি মঙাগী মনুংদা লৈবা অঙাংশিং শিবগী চাং অসি পোকপদা ভাইরিবা অঙাং মশিং লিশিংদা ৭৪.৩(এন.এফ.ঐচ.এস.-৩)দগী ৪৯.৭(এন.এফ.ঐচ.এস.-৪)ফাওবা হন্থহনখ্রে।

সরকারনা মচি ওইবা চিঞ্জাক চাবা ৱাৎপগী ৱাফম অসি লুনা লৌরি অমদি মচি ওইবা চিঞ্জাক্কা মরি লৈনবা মখল-মখা কয়াগী স্কীমশিং/থৌরাংশিং অসি রাজ্যশিং/য়ুনিয়ন তেরিতোরীশিংদা থবক পাংথোকহল্লি। লৈবাক অসিগী মীরোল্লিবী নুপীশিং অমসুং খোমজিংলিবী নুপীশিং অমদি অঙাংশিং(চহি ০-৬ ফাওবা)দা মচি ওইবা চিঞ্জাক চাবা ৱাৎপগী মতাংদা ৱা খংহন্নবগী পান্দমদা মতেং ওইহন্নবা মন্ত্রালয় অসিনা ইন্তিগ্রেতেদ চাইল্দ দিভেলপমেন্ত সর্ভসেস স্কীম(আই.সি.দি.এস.)কী মখাদা প্রধানমন্ত্রী মাতৃ বন্দনা য়োজনা, আঙ্গবৱাদীগী থবকশিং অমসুং ইনখৎলক্লিবা নুপীমচাশিংগী স্কীম অসি থবক পাংথোকহনখ্রে।

মসিদা নত্তনা সরকারনা ১৮.১২.২০১৭দা পোশন অভিয়ান হৌদোকখ্রে। পোশন অভিয়ানগী পান্দম অসি চহি ০-৬ ফাওবগী অঙাংশিং, ইনখৎলক্লিবী নুপীমচাশিং, মীরোল্লিবী নুপীশিং অমসুং খোমজিংলিবী নুপীশিংদা অকক্নবা মতমগী মনুংদা মচি ওইবগী থাক অসি ফগৎহন্নবনি। অভিয়ান অসিদা পায়খৎলিবা অচৌবা থবকশিং অসি তোঙান-তোঙানবা থৌরাংশিং অসি শোইদনা ফগৎহনবা, সর্ভিসশিং ফংহন্নবা অমদি তেংবাং পীবা অসি মপাঙ্গল কনখৎহন্নবা ময়াম্না খংনরবা এপ্লিকেসন সোফ্তৱেয়র থবক তৌহনবা ঙম্বা ইনফোর্মেসন তেক্নোলোজী, মচি ওইবা চিঞ্জাক্কী হিরমশিং অসি মীশিংদা খংহন-হৈহন্নবা জন অন্দোলন ওইহল্লকপা কাংলুপকী ওইবা খোংজং অমদি অচুম-অরান তাক্তুনা মিৎকুপ-নাহুম শিংহনবা, মমাং থানা থবক পাংথোক্লিবশিং মপাঙ্গল কনখৎহনবা, পান্দমশিং ফংবা ঙম্নবা রাজ্যশিং/য়ুনিয়ন তেরিতৌরীশিংদা ইন্সেন্তিব পীবনচিংবনি

পাও অসি ৱিমেন এন্দ চাইল্দ দিবেলপমেন্তকী কেন্দ্র মন্ত্রী শ্রীমতি স্মৃতী জুবিন ইরানীনা ঙসি রাজ্য সভাদা অইবা পাউখুম ওইনা পীখিবনি।

*****