سماجی انصاف اور تفویض اختیارات کے وزیر مملکت جناب رتن لال کٹاریا نے آج راجیہ سبھا میں ایک سوال کے تحریری جواب میں اطلاع فراہم کی کہ  موجودہ وبا کے تناظر میں اور اس حقیقت پر غور کرتے ہوئے کہ تنفیضی ایجنسیوں کے پاس اولڈ ایج ہوم کو چلانے اور اس کے بندوبست کیلئے مناسب فنڈ نہ ہو، لہٰذا سماجی انصاف اور تفویض اختیارات کی وزارت نے ان کے لئے پیشگی رقم جاری کرنے کا فیصلہ کیا ہے۔ آج کی تاریخ تک 21-2020 کے دوران تنفیضی ایجنسیوں کیلئے کُل 83.74 کروڑ روپئے پہلے ہی جاری کیے جاچکے ہیں۔

سماجی انصاف وتفویض اختیارات کی وزارت بزرگ شہریوں کیلئے قومی ایکشن پلان (این اے پی ایس آر سی) نافذ کررہی ہے۔ جس کا ایک اہم جزو معمر شہریوں کیلئے مربوط پروگرام ہے۔ اس کے تحت تنفیضی ایجنسیوں مثلاً ریاستی حکومتوں / مرکز کے زیر انتظام علاقوں کو رجسٹرڈ سوسائٹی کے ذریعے پنچایتی راج اداروں مقامی بلدیاتی اداروں، غیرسرکاری تنظیموں ، رفاہی تنظیموں کو بزرگ شہریوں کیلئے گھر (اولڈ ایج ہوم ) چلانے اور اس کے بندوبست کیلئے مالی امداد فراہم کی جاتی ہے۔

----------------------

م ن۔م ع۔ ع ن

U NO: 5518