লেফ ৱিং এক্সত্রিমিজম (এল.দবল্যু.ই.)গা মরী লৈনবা হিংশা অমসুং লৈবাক অসিদা এল.দবল্যু.ই.গী শাফু অতোপ্পা মফমদা শন্দোকপা তপ্না তপ্না হন্থরক্লি। এল.দবল্যু.ই.গা মরী লৈনবা হিংশাগা শিখিবা মশিং (মীচম প্রজাশিং অমসুং সেক্যুরিতী ফোর্স পর্সনেল) অসি লেপ্পা লৈতনা ২০১০দা ১০০৫তগী ২০১৯দা ২০২দা হন্থরক্লি। ২০২০দা (১৫.০৮.২০২০ ফাওবদা) শিখিবা অসি মখাতানা ২০১৯গী মতম অসিগা চাংদম্নবদা ১৩৭দগী ১০২দা হন্থখ্রে। 

হৌখিবা চহি অহুমদা রাজ্য রাজ্য ওইনা এল.দবল্যু.ই.গা মরী লৈনবা হিংশাগা শিখিবা মশিং (মীচম প্রজাশিং অমসুং সেক্যুরিতী ফোর্স পর্সনেল) অসি মখাদা পীরি:

 এল.দবল্যু.ই.না থোকহল্লিবা অৱাবশিং অসি থেংননবা ভারত সরকারনা ২০১৫দা নেস্নেল পোলিসী অমসুং এক্সন প্লান শেমখ্রে, মসিদা ঙাকশেলগী থৌরাংশিং, চাউখৎ থৌরাংগী থৌশিলশিং অমসুং মফম অদুগী মীয়ামগী হকশিং অমসুং ফংফম থোকপশিং ফংহন্নবা হীরম কয়াদা পুল্লগা শেম্বা এপ্রোচ অমা য়াওরি।

সি.এ.পি.এফ. বত্তালিয়নশিং থাজিন্দুনা, হেলিকোপ্তরশিং অমসুং য়ু.এ.ভি.শিং শীজিন্নহন্দুনা অমসুং ইন্দিয়ন রিজর্ব বত্তালিয়নশিং (আই.আর.বি.শিং)/স্পেসিএল ইন্দিয়ন রিজর্ব বত্তালিয়নশিং (এস.আই.আর.বি.শিং) থাজিন্দুনা এম.ঐচ.এ.না রাজ্য সরকারশিংদা চাউনা মতেং পাংলি। রাজ্যগী পুলিসশিং মতম অসিগা চান্নবা মওংদা লৈহন্নবা অমদি ত্রেনিং পীনবা মোদর্নাইজেসন ওফ পুলিস ফোর্স (এম.পি.এফ.), সেক্যুরিতী রিলেতেদ এক্সপেন্দিচর (এস.আর.ই.) স্কিম অমসুং স্পেসিএল ইনফ্রাস্ত্রকচর স্কিম (এস.আই.এস.)গী মখাদা ফন্দশিং কায়থরি।

অচৌবা ইনফ্রাস্ত্রকচর স্কিমশিংগী মথক্তা কেন্দ্র সরকারনা লম্বী শেম্নবা, মোবাইল তাৱরশিং ইন্সতোল তৌনবা, স্কিল হেনগৎহন্নবা, বেঙ্কশিং অমসুং পোস্ত ওফিসশিংগী নেৎৱার্ক, হকশেল অমসুং এজুকেসনগী খুদোংচাবশিং হেনগৎহন্নবা মখল কয়াগৌ চাউখৎ থৌরাংগী থৌশিলশিং ইমপ্লিমেন্ত তৌখ্রে।স্পেসিএল সেন্ত্রেল এসিস্তেন্স (এস.সি.এ.) স্কিমগী মখাদা এল.দবল্যু.ই.না খ্বাইদগী হেন্না শোকহল্লবা জিলাশিংদা চাউখৎ থৌরাংগী ফন্দশিং ফংহল্লি।

নেস্নেল পোলিসী অমসুং এক্সন প্লান মপুং ফানা ইমপ্লিমেন্ত তৌবনা এল.দবল্যু.ই.গী ইরাং অমসুং মখোয়না অতোপ্পা মফমশিংদা শন্দোকপা লেপ্তনা হন্থহনবা ঙমখ্রে।

মসি অসি ঙসি রাজ্য সভাদা হংলকপা ৱাহংদা হোম এফিয়র্সকী রাজ্যগী মন্ত্রী শ্রী জি কিশন রেদীনা অইবা পাউখুম অমা ওইনা পীখিবনি।

*****