नवी दिल्‍ली, 16 सप्‍टेंबर 2020

 
भारतीय रेल्वेकडून वेळापत्रकाचे सुसुत्रीकरण करण्याची प्रक्रिया सातत्याने सुरू असून यासाठी भारतीय रेल्वेने शून्य आधारित वेळापत्रक या उपक्रमाची सुरुवात केली आहे. यामध्ये शास्त्रीय सिद्धांतांवर आधारित रेल्वेचे वेळापत्रक बनवण्यावर भर देण्यात येत आहे ज्यामध्ये देखभालीसाठी पुरेशा प्रमाणात मार्गिका खंड तयार करणे, मालवाहतुकीच्या मार्गिका उपलब्ध करणे, वक्तशीरपणा वाढवणे, गाड्यांचा वापर वाढवणे आणि प्रवाशांना प्रभावी आणि सोयीच्या होतील अशा सुविधा पुरवणे आदींचा समावेश आहे. या उपक्रमामध्ये रेल्वेच्या थांब्यांना आणि रेल्वेगाड्यांना मागणी आणि प्रवाशांकडून होणारा वापर आणि व्यावसायिक व्यवहार्यता विचारात घेऊन तर्कसंगत बनवण्याचा समावेश आहे. यापैकी एक महत्त्वाचा पैलू म्हणजे हळूहळू हब अँड स्पोक या संकल्पनेचा समावेश हा आहे. ही संकल्पना म्हणजे हब म्हणून निर्धारित केलेल्या विशिष्ट स्थानकावर एकात्मिक तिकिट व्यवस्था, दिव्यांग व्यक्तींना सोयीसुविधा, मोकळा वेळ घालवण्यासाठी सोय, राहाण्याची सोय, हस्तांतरण/ प्रवास सुविधा आणि ट्रॅव्हेलेटर्स, एस्केलेटर्स, एलिवेटर्स यांसारख्या सुविधा निर्माण करणे. रेल्वे आणि वाणिज्य आणि उद्योग मंत्री पियुष गोयल यांनी आज लोकसभेत एका प्रश्नाच्या लेखी उत्तरात ही माहिती दिली.

* * *

M.Chopade/S.Patil/D.Rane

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com