হৌজিক লৈবাক অসিদা মেগা ৱাত ৬৭৮০ পুথোকপা ঙম্বা রিএক্তর ২২ মথৌ পাংথোক্লি। মসিগী মথক্তা,অপুনবা ওইনা মেগা ৱাত ৬৭০০ পুথোকপা ঙমগদবা রিএক্তর ৯ হৌজিক শাগৎলি। অপুনবা অমা ওইনা মেগা ৱাত ৯০০০ পুথোকপা ঙমগদবা অহেনবা রিএক্তর ১২ শানবা ২০১৭গী জুন থাদা সরকারনা অয়াবা পীখ্রে অমসুং শেন কাইথোকপা য়াখ্রে।

নিউক্লিয়ার পৱার প্রোজেকশিংগী শেনফম অসি ৭০:৩০গী দেব তু ইকুইতি রেসিওগা লোয়ন্না ফন্দ থাদবনি। ইকুইতিগী শরুক অসি নিউক্লিয়ার পৱার কোরপোরেসন ওফ ইন্দিয়া লিমিতেৎগী ফন্দ অমসুং সরকারগী বজেৎনা পুথোকপনি।

হৌজিক লৈরিবা থৌশিল( সরকারগী এফ.দি.আইগী অপুনবা থৌশিল)অসিনা এতোমিক ইনর্জী অসি অথিংবা থমলিবা সেক্তরশিংগী মরক্তা য়াওরি। অদুবু, নিউক্লিয়ার পৱার প্লান্তশিং অমসুং মরী লৈনবা অতোপ্পা খুদোংচাবশিংদা অতোপ্পা পোৎলমশিং পীবা অমসুং নিউক্লিয়ার ইন্দস্ত্রিগী খুৎলায়শিং শাবদা এফ.দি.আই অথিংবা লৈতে।

নিউক্লিয়ার পৱার প্রোজেকশিং লিংখৎনবা নিউক্লিয়ার পৱার কোরপোরেসন ওফ ইন্দিয়া লিমিতেৎগী অপুনবা ভেঞ্চরশিং লাইন্সেস পীবা ঙম্নবা ভারত সরকারনা ২০১৫দা এতোমিক ইনর্জী এক্ত, ১৯৬২ শেমদোকখ্রে। লৈবাক মনুংদা শেন থাদবা হেনগৎহন্নবা, নিউক্লিয়ার পৱার কোরপোরেসন ওফ ইন্দিয়া লিমিতেৎনা নেসনেল থর্মেল পৱার কোরপোরেসন লিমিতেৎ, ইন্দিয়ান ওইল কোরপোরেসন লিমিতেৎ অমসুং নেসনেল এলুমিনিয়ম কম্পেনি লিমিতেৎকা অপুনবা ভেঞ্চরশিং পায়খৎলে।

মসিগী ৱাফম অসি লোক সভাদা অইবা ওইনা পীবা পাউখুম অমদা দোনরগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেসকী রাজ্য মন্ত্রী দোক্তর জিতেন্দ্র সিংনা থমখিবনি।

*****