হকশেল অমসুং য়াইফ-য়ুম্বাল মন্ত্রালয়
লনাই হোস্পিতালশিংনা শেল হেন্না লৌবা য়েংশিনবা
Posted On:
15 SEP 2020 2:58PM by PIB Imphal
কোবিদ-১৯গী শাফু অসি ঙাকথোক্নবা, লাকশিন্নবা অমদি হন্থহন্নবা ভারত সরকারনা খোঙথাং মথং-মথং লৌখৎলি। ভারতনা “সরকার পুম্বগী” অমদি “খুন্নাই পুম্বগী” ওইবা পাম্বৈ অমা ঙাক্তুনা হোৎনরি। ইকাই খুম্নরিবা প্রধান মন্ত্রী, অৱাংবা থাক্কী মন্ত্রীশিংগী কাংলুপ (জি.ও.এম.), কেবিনেৎ সেক্রেতরী, এম.ও.ঐচ.এফ.দবল্যু.দা লৈরিবা সেক্রেতরীশিংগী অমসুং মকোক থোংবা ওফিসরশিংগী কম্মিতীনা লৈবাক অসিদা কোবিদ-১৯না ওইহল্লক্লিবা মীয়ামগী হকশেলগী ফীভম য়েংশিনখি।
মাংজৌন্না, লাকশিন্নবা, তাঙ্কক নাইবা মওংদা য়ুম্ফম ওইরগা ওইরক্লিবা ফীভম অসিদা পব্লিক হেল্থকী খোঙথাংশিং অসি লৌখৎলি।ইন্তর্নেস্নেল ত্রেবেলরশিং চংলকপা থিংনবা ত্রেলগা মরী লৈনবা এদবাইজরী কয়া থোকখি মসিগী মতম অসিদা মার্চ ২৩, ২০২০দা কম্মর্সিএল ফ্লাইৎশিং পাইবা লেপহনখি। মতম অদু ফাওবদা পেসেঞ্জর ১৫,২৪,২৬৬গা লোয়ননা অপুনবা ফ্লাইৎ ৪,১৫৪ অসি এয়রপোর্তশিংদা স্ক্রীন তৌখি। মরু ওইবা হীথাংফম ১২ অমসুং মরু ওইদবা হীথাংফম ৬৫তা অমদি লৈকংগী ঙমহৈশিং লান্থোকফমশিংদা স্ক্রীনিংশিং তৌখি। লায়চৎ অসিগী হৌরকপা শরুক্তা মতম অদুদা কোবিদনা শোকহল্লবা লৈবাকশিং (চিনা, ইতলি, ইরান, জপান, মলেসিয়া)দগী পন্দুনা লৈরম্বা মশিং য়াম্লবা পেসেঞ্জরশিং ভারতনা হোন্দোকখি অমসুং অন-লোক ফেসতা অমুক হন্না অপুনবা পেসেঞ্জর ১২,৪৩,১৭৬ অসি ভারত্তা পুরকখি (সেপ্তেম্বর ৯, ২০২০) অমসুং মখা চত্থরি।
ইন্তিগ্রেতেদ দিজিজ সর্ভিলেন্স প্রোগ্রাম (আই.দি.এস.পি.)না কম্ম্যুনিতী সর্ভিলেন্সকী খুত্থাংদা কন্তেক্ত ত্রেসিং তৌরি। লায়চৎ অসি হৌরকপা মতমদা মসি লাকশিন্নবা লালোংগী শরুক অমা ওইনা ত্রেবেলগা মরী লৈনবা কেসশিংগী অমদি কম্ম্যুনিতীদগী রিপোর্ত তৌরকপা কেসশিংগী ওইনা তৌরমখি। সেপ্তেম্বর ১০, ২০২০ ফাওবদা পুন্না মীওই লাখ ৪০রোম সর্ভিলেন্সকী মখাদা থমখি। কোবিদ-১৯ তেস্ত তৌনবা লেবোরেতরী ১৬৯৭ লৈরে। ভারতনা নোংমদা সেম্পল মিলিয়ন ১রোম তেস্ত তৌরি। হৌজিক ফাওবদা অপুনবা সেম্পল করোর ৫.৪ তেস্ত তৌখ্রে (সেপ্তেম্বর ১০, ২০২০ ফাওবদা)।
সেপ্তেম্বর ১০, ২০২০ ফাওবদা ওক্সিজেন সপ্পোর্ত য়াওদবা দেদিকেতেদ আইসোলেসন বেদ ১৩,১৪,১৭১গা লোয়ননা কোবিদ লায়েংনবা অপুনবা ফেসিলিতী ১৫,২৯০ লৈহনখ্রে। লোয়ননা পুন্না ওক্সিজেন সপ্পোর্ত য়াওবা আইসোলেসন বেদ ২,৩১,২৬৮৯ অমসুং আই.সি.য়ু. বেদ ৬২,৬৯৪ (ভেন্তিলেতর বেদ ৩২,২৪১ য়াওনা) লৈহনখ্রে। কোবিদ-১৯গী ক্লিনিকেল মেনেজমেন্তগী গাইদলাইনশিং থোকখ্রে অমদি চাং নাইনা অপদেৎ তৌরি।
রাজ্যশিং লোজিস্তিক্স সপ্লাই তৌবগী খুত্থাংদা মতেং পাংলি। হৌজিক ফাওবদা পি.পি.ই. কিৎ করোর ১.৩৯, এন-৯৫ মাস্ক করোর ৩.৪২, হাইদ্রোক্সিক্লোরোক্বিন তেব্লেৎ করোর ১০.৮৪ অমসুং বেন্তিলেতর ২৯.৭৭৯ অমসুং ওক্সিজেন সিলিন্দর ১,০২,৪০০ রাজ্যশিং/য়ু.তি.শিং/সেন্ত্রেল গভর্নমেন্ত হোস্পিতালশিংদা (২০২০গী সেপ্তেম্বর ১০ ফাওবদা) সপ্লাই তৌখ্রে।
সেক্তরশিং অমসুং দিপার্তমেন্ত পুম্বদগী পর্সনেল অমসুং ভোলুন্তীয়র কয়ামরুমগী কেদরশিং কোবিদকা মরী লৈনবা থবকশিংগী অমসুং অতোপ্পা তঙাইফদবা মেদিকেলগী সর্ভিসশিংগী খনগৎখ্রে, দি.ও.পি.তি.না শেম্বা এম.ও.ঐচ.এফ.দবল্যু.,আই.জি.ও.তি. ৱেবসাইৎতা ফংবা রিসোর্সশিং (ওনলাইন প্লেৎফোর্ম)গী খুত্থাংদা ত্রেন তৌখ্রে।
এম.ও.ঐচ.এফ.দবল্যু.গী ৱেবসাইৎনা প্রজা মীয়ামদা ভারত্তা হৌজিক কোবিদ-১৯ শন্দোকপগী ই-পাউ নুমিৎ খুদিংগী পীরি। সোসিএল মেদিয়াগী খুত্থাংদা এম.ও.ঐচ.এফ.দবল্যু.গী ৱেবসাইৎতা কম্ম্যুনিকেসন মেতরিএলশিংসু হোস্ত তৌরি। প্রজাশিংনা চাংন নাইনা মপুংফানা শিজিন্নবা মীয়ামগী কোল সেন্তর/হেল্পলাইন (১০৭৫) হৌদোকখ্রে।
তোঙান- তোঙানবা দিবেলপমেন্তগী স্তেজদা লৈরিবা ভেক্সিন কেন্দিদেৎ ৩০ হেনবনা মতেং পাংখ্রে, কেন্দিদেৎ ৩না তাঙ্কক I/II/III ত্রাইএলগী এদভান্স স্তেজদা লৈরি অমসুং ৪ হেনবনা এদভান্স প্রি-ক্লিনিকেল দেভেলপমেন্ত স্তেজদা লৈরি। কোভিদ-১৯গী ভেক্সিন এদমিনিস্ত্রেসনদা নেস্নেল এক্সপর্ত গ্রুপ অমা নিতি আয়োগকী মখদা ২০২০গী অগস্ত ৭তা শেমখ্রে। হায়রিবা দ্রগশিং অসিগী ক্লিনিকেল ত্রাইএল তরাহুমদোই কোবিদ-১৯ অনাবশিংগী থেরাপেতিক ওপ্সনশিংগী পোর্তফোলিও অমা শেম্নবা পাংথোকখ্রে।
হকশেল অসি রাজ্যগী সবজেক্তনি। লনাই হোস্পিতালশিংদা কোবিদ কেশিং লায়েং চত্থবগী থৌদাং অসি রাজ্য সরকারগীনি। কেন্দ্রগী হকশেল সেক্রেতরীনা রাজ্যশিং/য়ু.তি.শিংদা অমগা অমগা য়ানরগা শিল লাংবগী খুত্থাদা লনাইগী হোস্পিতালশিং শিজিন্ননবা অইবা চেরোল থাখ্রে। পি.এম.জে.এ.ৱাই. অমসুং সি.জি.ঐচ.এস.কী পেকেজশিংগী মখাদা লৈবা রেৎশিং চৎননবা খংহনখ্রে। মসিগা মরী লৈননা রাজ্য অয়াম্বনা ইন্সত্রক্সনশিং থোকখ্রে।
মিনিস্তর ওফ স্তেৎ (হকশেল অমসুং য়াইফ-য়ুম্বাল), এস.ঐচ. অশ্বিনি কুমার চৌবেনা মসি ঙসি রাজ্য সভাগী অইবা পাউখুম ওইনা পীখিবনি।
*****
(Release ID: 1654765)
Visitor Counter : 162