সেন্ত্রেল কাউন্সিল ফোর রিসর্স ইন য়োগ অমসুং নেচ্যুরোপেথী (সি.সি.আর.ৱাই.এন.)না দিল্লীগী রজিব গান্ধী সুপর স্পেসিএলিতী হোস্পিতাল অমসুং এ.আই.আই.এম.এস., রিশিকেশকী এ.আই.আই.এম.এস. অমসুং দিল্লীগী আর.এম.এল. হোস্পিতালগা খুৎশম্নদুনা কোবিদ-১৯গী অনাবশিংদা অথুবা মতমদা নাবা ফগৎহনবদা য়োগনা তেংবাংবা অসিবু চুম্মি হায়না উৎনবা রিসর্স প্রোজেক্ত অমা পায়খৎখ্রে।

কোবিদ-১৯গী লৌনগনবা মওং-মতৌ অসিনা মীয়াম পুনবদা অতিংবা থমখিবা অসিগী মতুং ইন্না মালেমগী য়োগ নুমিৎ (আই.দি.ৱাই.) ২০২০গী হীরম অসি “য়ুমদা য়োগ তৌবা, ইমুং মনুংগা য়োগ তৌমিন্নবা” হায়না থমখিবনি।

আয়ুশ মন্ত্রালয়না মসিগী য়োগ পোর্তেলগুম্বা দিজিতেল প্লেৎফোর্মশিং অমসুং য়ুত্যুব, ফেসবুক, ত্বীত্তর অমসুং ইন্সতাগ্রাম্নচিংবা সোসিএল মীদিয়াগী হেন্দলশিংদা মীয়াম্না ময়ুমদগী য়োগ তৌবা তম্নবা তোঙান তোঙানবা ওনলাইনগী রিসোর্স কয়া ফংহন্দুনা লাক্লি।

মন্ত্রালয় অসিনা মকোক-মথং তাবশিংগী পুক্নিং চিংশিংনিংঙাই ওইবা মনা পীবা “ঐহাক্কী পুন্সি, ঐহাক্কী য়োগ (এম.এল.এম.ৱাই.)”, হায়বদি জীবন য়োগ ভিদিও ব্লোগিং কন্তেস্ত পাঙথোকখি। মসিগী অহেনবা ওইনা আয়ুশ মন্ত্রালয়না প্রসার ভারতিগা খুৎশম্নদুনা ত্রেনর অমনা লুচিংবা য়োগগী সেসন কয়া দি.দি. নেস্নেল;দা তরুকশুবা মালেমগী য়োগগী নুমিত্তা থাখি।

আই.দি.ৱাই. ২০২০গী থৌরম্বু খুমাং চাউশিলহনবা ওইনা য়োগগী গুরু অমসুং অখঙ-অহৈশিংনা য়োগগী মতাংদা হায়বা ৱারোল কয়া অমা ওনলাইন্দা শন্দোকখি। য়োগগী গুরু অমসুং অখঙ-অহৈশিংনা ইং ২০২০গী জুন ৫দগী ২০ ফাওবা আয়ুশ মন্ত্রালয়গী ফেসবুক পেজতা য়োগগী মরমদা ৱা ঙাংবগী লাইব থাখি।

মসিগা লোয়ননা আই.দি.ৱাই.গী থৌরমগী শরুক অমা ওইনা মন্ত্রালয় অসিনা গ্রাম পঞ্চায়ৎশিংদা য়ৌদুনা খুঙ্গংশিংদা য়োগ খুমাং চাউশিলহন্নবগী থৌরাং কয়াগী মতাংদা পাউতাক পীখি। ইলেক্ত্রোনিক্স অমসুং আই.তি. মন্ত্রালয়গী কম্মন সর্বিস সেন্তর (সি.এস.সি.)সু খুঙ্গংশিংদা য়োগ খুমাং চাউশিলহন্নবগী থবক কয়াদা শিজিন্নখি।

য়ূমদগী য়োগ তৌবা তম্বদা তেংবাংনবা হায়দুনা দি.দি. ভারতিদা নুংতিগী ওইনা কম্মন য়োগ প্রোতোকোল (সি.ৱাই.পি.) শন্দোকপগী থোউওং অমা শীন্দুনা মীওই কয়া অমবু সি.ৱাই.পি.গী মতাংদা খঙহন্দুনা মপুং ওইবা থৌরমগীদমক্তা শেম-শাবদা তেংবাংখি।

ইন্তর্তেনমেন্ত ইন্দস্ত্রীগী মশক-নায়বা মীওই কয়ানা য়োগগী মতাংদা ৱারোল কয়া অমা পীদুনা মীয়াম্না মখোয়গী ময়ুমদগী আই.দি.ৱাই.গী থৌরমদা থৱাই য়াওনা শরুক য়ানবা পুক্নিং থৌগৎখি।

মসিগী ই-পাউ অসি হকশেল অমসুং য়াইফ য়ুম্বাল মন্ত্রালয়গী মন্ত্রী দা” হর্শ বর্ধন্না রাজ্য সভাদা ঙসি অইবা পাউখুম অমা ওইনা পীখিবনি।

*****