কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
২০২০-২১গী খারিফ পন্থাগী মহৈ মরোংগী ওইনা চেং প্রোক্যুর তৌখিবা অসি এল.এম.তি. ৪৯৫.৩৭ ওইরবা য়াই পান্নরি
Posted On:
14 SEP 2020 6:39PM by PIB Imphal
ভারত সরকারগী ফুদ এন্দ পব্লিক দিস্ত্রিব্যুসন বিভাগ (দি.ই.পি.দি.)গী সেক্রেতরীনা ময়াই তাংবল লৌদুনা ভিদিও কনফরেন্সকী খুত্থাংদা ১১.০৯.২০২০দা রাজ্যগী ফুদ সেক্রেতরীশিংগী ওইবা মীফম অমা পাঙথোক্তুনা ২০২০-২১গী খারিফ মার্কেতিং সিজন (কে.এম.এস.)গী প্রোক্যুর্মেন্ত তৌনবা শেম-শানবা থৌরাংশিংগী মতাংদা খন্নখ্রে। লাক্কদৌরিবা ২০২০-২১গী কে.এম.এস.(খারিফ মহৈ-মরোং) পন্থা অসিগী মনুংদা প্রোক্যুর তৌনবা পান্নরিবা চেং অসি এল.এম.তি. ৪৯৫.৩৭রোম ওইগনি মসি ২০১৯-২০গী কে.এম.এস. (খারিফ মহৈ-মরোং)গী প্রোক্যুর তৌখিবা এল.এম.তি. ৪১৬ অদুদগী ১৯.০৭% হেল্লি। ২০১৯-২০গী কে.এম.এস. (খারিফ মহৈ-মরোং)গী ফৌগী (চেং ওইনা) তশেংনা প্রোক্যুর তৌখিবা অসি এল.এম.তি. ৪২০.২২ ওইখি মসিনা প্রোক্যুর তৌবদা রিকোর্দ থম্বা ঙমখি।
২০২০-২১গী চৎলিবা কে.এম.এস. অসিগী মনুংদা ২০১৯-২০গী কে.এম.এস.কা চাংদম্নবদা তামিল নাদু অমসুং মহারাস্ত্রগী প্রোক্যুর তৌগনি পান্নরিবা অসিআ চাদা ১০০ হেন্না হেনগৎখি অমসুং মধ্য প্রদেশ, তেলঙ্গনা, বিহার অমসুং ঝারখন্দগী ওইনা চাদা ৫০ হেনগৎখি। পান্নরিবা চাংদা চেং প্রোক্যুর তৌবগী মাংজিল থারিবা রাজ্যশিং অদুদি পঞ্জাব (এল.এম.তি. ১১৩), ছত্তিসগর (এল.এম.তি. ৬০), অমসুং তেলঙ্গনা (এল.এম.তি. ৫০) মখোয়না ওইরি মথংদা হরিয়ানা (এল.এম.তি. ৪৪), অন্ধ্র প্রদেশ (এল.এম.তি. ৪০), উত্তর প্রদেশ (এল.এম.তি. ৩৭) অমসুং ওরিশা (এল.এম.তি. ৩৭)লৈরি।
কোবিদ-১৯ য়েংলগা দি.ও.এফ.পি.দি.গী সেক্রেতরীনা রাজ্য পুম্নমক্তা প্রোক্যুর তৌবগী থবক চত্থবদা সোসিএল দিস্তেন্সিং তৌনবা মথৌ তাবা খোঙথাংশিং লৌখৎনবা খঙহনখ্রে। মীফম অসিদা ফুদ সবসিদীগী মতাংদা রাজ্যশিংগী অতোপ্পা সমস্যশিংসু খন্নখি।
*****
(Release ID: 1654230)
Visitor Counter : 131