নেস্নেল এজুকেসন পোলিসী (এন.ই.পি.) ২০২০না ফিল্দ খুদিংদা রিসর্স পাঙথোকপদা হেন্না খুমাং চাউশিলহনবদা মিৎয়েং থম্লি।

তোঙান তোঙানবা স্কিমশিংদা রিসর্স তৌবগী ৱারেপ অসি একাদেমিস্যান অমসুং রিসর্সর অহৈ-অশিংবা কয়ানা লৌই অমসুং মখোয়না পামজবা ইন্সতিত্যুসনশিংদা রিসর্স তৌই। সরকারনা লোকেলগী হীরমশিং অমসুং চৎনবা হৌরক্লিবা মালেমগী তেক্নোলোজীগী মতাংদা রিসর্স তৌবদা শৌগত্তুনা লৈবাক পুম্বগী ওইনা কান্নবা পাম্লবসু লৈবাক অসিদা পাঙথোক্লিবা রিসর্সকী থবকশিংদা মওং অমতগী মওংদা অকক্নবা লৈবগী ফিভমদি লৈতে।

এন.ই.পি. ২০২০গী পেরা ১০.১১দা ইন্সতিত্যুসনশিংনা অনিঙবা অপাম্বা কয়া তৌবগী মতাংদা ৱারোল কয়া পল্লি। মসিনা মরু ওইনা হায়রিবা অসিদি, “ঐচ.ই.আই.এস.না মসিগী অহোংবা নাইবা চৎনবী অসিবু ওইথোকহন্নবা হায়দুনা একাদমিক অমসুং এদমিনিস্ত্রেতিবকী মতাংদা মপুং ফাবা নিংতম্বা ফংবগী মতাংদা থবক পায়খৎকনি” হায়বা অসিনি। মসিনা মনুং ফাওনা উবা থাক খায়বা এক্রেদিতেসন তৌবগী খুত্থাংদা কোলেজশিংদা থাক খায়বা ওতোনোমী পীনবা রাজ্যগী ওইবা মেকানিজম অমা শেম্বগী মতাংদসু পল্লি।

এন.ই.পি. ২০২০গী মতুং ইন্না ফেকলতীশিংনা করিকলম, মহৈ তম্বীবগী মওং অমসুং হাইয়র এজুকেসনগী মতিক চাবগী পাক চাউবা ফ্রেমৱর্ক অমগী মনুংদা য়েংশিনবগী মপুং ওইবা ওতোনোমী ফংগনি অমসুং মসিনা ইন্সতিত্যুসনশিং অমসুং প্রোগ্রামশিং অমসুং ও.দি.এল., ওনলাইন অমসুং মহৌশাগী ওইবা “ক্লাস্তা” তম্বীবগী মওংশিংদা মান্নবা থাক অমা পুরকপদা তেংবাংগনি।

হায়রিবা ৱাফমশিং অসি ঙসি লোক সভাদা হ্যুমেন রিসোর্স দিবেলপমেন্তকী কেন্দ্র মন্ত্রী শ্রী রমেশ পোখ্রিয়াল ‘নিশাঙ্ক’না অইবা পাউখুম ওইনা পীখিবনি।

*****