বাঘজানগী ওইলফিল্দ পোকখায়খিবদগী থোক্লকপা মখোল অমসুং মৈশানা মনাক নকপদা লৈবা মফমশিংদা চৈথেং কয়া পীখি। জিলাগী লৈঙাক্লোইশিংনা লিংখৎপা রিহেবিলিতেসন কেম্পশিংদা থৌদোক অসিনা শোকহল্লবা ইমুং চাউরাক্না ৩০০লোম লৈখি। এম./এস. তেরিবু এম্বিএন্ত এয়র ক্বালিতী (এ.এ.ক্যু.) অমসুং বাইওরিমেদিএসন য়েংশিনবগী থবকশিং শিন্নখি, সি.এস.আই.আর. নোর্থ ইস্ত ইন্সতিত্যুৎ ওফ সাইন্স অমসুং তেক্নোলোজী (এন.ই.আই.এস.তি.)দা সিস্মোলোজিকেল স্তদী অমসুং আই.আই.তি., গুৱাহাতিদনা থর্মেল ইমেজিংগী খুত্থাংদা মৈশাগী চৈথেং য়েংশিনবগী থবক শিন্নখি। মনাক নকপা মফমশিংদা লৈবা মীওইশিংদা অশি-অনা থোকপগী থৌদোক্তি লৈখিদে। অদুবু ওইল ইন্দিয়া লিমিতেদ (ও.আই.এল.)গী মীওই অহুমগী পুন্সিদি মাঙখি।

জিলাগী লৈঙাক্লোইশিংনা মফমসিগী মীওইশিংগী লন-থুমদা অশোক অপন নঙবা য়েংশিন্নবা কম্মিত্তী অমা শেমখি অমসুং মসিগীদমক্তা অশোক-অপন নঙলবা মীওইশিংগী ইমুং-মনুংদা খেতি-পুরোন পীনবগী শেনফমশিংদা হাপকদবনি। দুমদুমা অমসুং তিন্সুক্যাগী মনুং চন্না লৈবা মফমগী ওইনা ৮/৯/২০২০ ফাওবগী ওইনা হৌজিক ফাওবদা অসিগুম্বা তেংবাং অসি ফঙবা য়াবা ইমুং ২৭৫৬ মশক খঙদোকখ্রে। ও.আই.এল.না জিলাগী লৈঙাক্লোইশিংদা অপুনবা শেনফম লুপা ১০,৯৩,৫০,৫০০ কাইথখ্রে অমসুং অশোকপা নঙলবা ইমুং খুদিংগী ওইনা অমুক্তং ওইনা পাংবা তেংবাং ওইনা ইমুং ৩৬৪৫দা লুপা ৩০,০০০ পীগনি। এন.জি.তি.না অশোক-অপন নঙলবশিংগী তেংবাংসু পীনবা হায়রকখ্রেঃ

ক) কাঙলুপ ১: মী তুম্না চাকহনখ্রবা য়ুমশিংগী লুপা লাখ ২৫

খ) কাঙলুপ ২: য়াম্না থীনা শোকহনখ্রবা য়ুমশিংগী ওইনা লুপা লাখ ১০

গ) কাঙলুপ ৩: য়ুম/কৈ খরা শোকখিবা নত্ত্রগা হৌরিবা লৌরোক নত্ত্রগা হোর্তিকলচরগী পাম্বীশিং খরা শোকহনখিবশিংগী লুপা লাখ ২.৫

কাঙলুপ ১গী ওইনা ইমুং ১২ খুদিংগী লুপা ২৫গী শেনফম পীনবা শেনফম দিপ্যুতী কম্মিস্নর (দি.সি.)দা শিন্নখ্রে, কাঙলুপ ২গী ওইনা ইমুং ৫৭ অমসুং কাঙলুপ ৩গী ওইনা য়ুম ৫৬১ মশক খঙদোকখ্রে।

ও.আই.এল.গী চেকশিন থৌরাংশিংগী মনুংদা তেক্ত কায়দনা লৈবগী মতাংদা খঙজিনৱা, য়েংশিনবা, তেক্ত কয়াদনা থবক পাঙথোকপগী খোঙ্কাপশিং, তেক্ত কায়দনা লৈনবা ত্রেনিং পীবা, অথুবা থৌদোক্কী পানবা অমসুং কোক দ্রীল, থবক তৌরীবা থৌমীশিংনা শরুক য়াবা, থবক্কী মতুং ইন্না থোকপা হকশেলগী খুদোংচাদবশিং শেন্নবা, পর্সনেল প্রোতেক্তিব ইক্বীপমেন্ত, কন্ত্রেক্তর পর্সনেল সেফতী মেনেজমেন্ত, তেক্ত হায়দবা লৈনবগী চাং নাইন পাঙথোকপা মীফম, শোইগদবা থৌওং থোকখিবগী মতাংদা পাউদম্বা, অশোয়-অঙাম নত্ত্রগা খুদোংথীবা থৌদোক থোকখিবগী মরমদা পাউদম্বা, থৌওং অমগী মরমদা থীগত্তুনা য়েংশিনবা, হেল্থ সেফতী অমসুং ইনবাইরনমেন্ত (ঐচ.এস.ই.) য়েংশিনবা অমসুং তেক্নোলোজী ফগৎহনবনচিংবা য়াওরি।

পেত্রোলিয়ম অমসুং নেচরেল গ্যাস মন্ত্রালয়না থৌদোক অসিগী মতাংদা থিগৎনবা মীওই অহুম্না শাবা থিজিন হুমজিনবগী কম্মমিত্তী অমা শেমখ্রে। মসিগী মথক্তা ভারত সরকারগী মাইন্স অমসুং সেফতীগী চাইরেক্তোরেৎ জেনেরেল অমসুং ওইল ইন্দিয়া সেফতী দাইরেক্তোরেৎ (ও.আই.এস.দি.)না থিজিন হুমজিনবগী কম্মিত্তী অমসু শেমখ্রে। গুহা অসিনা পোকখায়দ্রিঙৈগী মমাংদা গুহা অসিবু থবক শেন্নবা ও.আই.এল.গী থৌমী অসি থবক্তগী মতম খরা পোত্থাহনখ্রে।

ওইল ইন্দিয়া সেফতী দাইরেক্তোরেৎ (ও.আই.এস.দি.)তা হৌখিবা চহি অহুমসিদা মরু ওইবা ওনসাইৎ থৌদোক থোকখিবগী পাউদম্লকখিবশিংদিঃ

পাইপ্লাইন, থাউ অমসুং গ্যাসকী গুহাশিংদা থোকখিবা য়ুবগী থৌদোকশিংদি মৈ চাকপা থিংনবা/থাউ অমসুং গ্যাস মাঙদনবা খুদক্তা থিংজিনখি নত্ত্রগা অয়ুবা মেনবগী থৌওং লোইরবা তুংদা, নত্ত্রগা থবকশিং অসি মহৌশাগী ফিভমদা লাক্লবা অমসুং মহৌশাগী থবক হৌরবা মতুংদা থিংজিনবসু য়াখি।

পেত্রোলিয়ম অমসুং নেচরেল গ্যাস মন্ত্রালয়না ওইল অমসুং গ্যাসকী সেক্তরশিংদা পাঙথোকপা চেকশিং থৌরাংশিং চাং নাইনা য়েংশিনবগী থবক পাঙথোক্লি অমসুং মতম মতমগী মতুং ইন্না কম্পেনীশিংদা মফমশিং অসিদা তেক্ত কায়দবা থোকহন্দনবা পাউতাক কয়া লেপ্তনা পীবগী থৌওংসু পাঙথোক্তুনা লাক্লি। পেত্রোলিয়ম অমসুং নেচরেল গ্যাস মন্ত্রালয়গী তেক্নিকেল দাইরেক্তোরেৎ ওইরিবা ও.আই.এস.দি.না ওইল অমসুং গ্যাস ইন্দস্ত্রী পুম্বগী তেক্ত কায়দনা চলায়বগী পথাপশিং য়াৎলি। ইন্দস্ত্রীশিংনা তেক্ত কায়দনা চলায়বগী কাঙলোনশিং ইনবগী থৌওং য়েংশিন্নবা চাং নাইনা থবক তৌবগী মওংশিং হঙ্গৎনা য়েংশিনবগী থবকশিং পায়খৎলি। য়েংশিনবগী থৌওং অসিগী মনুং চনবশিংদি লৈরিবা মফম খুদিং শিনবা থুংনা য়েংশিনবা ঙম্নবা মপানগী হীরমশিং অমসুং খুদক্কী ওইবা তেক্ত কায়দনা লৈবগী ফিভম য়েংশিনবগী মতম নাইনা থবক পাঙথোকপা, হৌজিক লৈরিবা ফেসিলিতীশিং অসিগী মনুং চন্দ্রিঙৈগী মাংওইননা অনৌবা ফেসিলিতীশিংবু থবক হৌদ্রিঙৈদা য়েংশিনবা; ফেসিলিতীশিং অসিনা থবক হৌদ্রিঙোইদা য়েংশিনবগী থৌওংশিং য়াওরি। তুংদসু অসিগুম্বা থৌদোকশিং অসি অমুক হন্না থোকপদা থিংবা ঙম্নবা হায়দুনা স্তেন্দর্দ ওপরেতিং প্রোসিজরশিংবু (এস.ও.পি.) নৌনা অমুক য়েংখত্তুনা অশোয়বা য়াওরম্লবসু চুম্থোকপগী থবকশিং পায়খৎলি।

মথক্তা পনখ্রিবা পাউদমশিং অসি কেন্দ্রগী পেত্রোলিয়ম অমসুং নেচরেল গ্যাস মন্ত্রী শ্রী ধরমেন্দ্র সিংহ প্রধান্না ঙসি লোক সভাদা অইবা ৱারোল অমা ওইনা পীরকখিবনি।

*****