প্রধান মন্ত্রীগী প্রিন্সিপাল সেক্রেতরী দা. পি.কে. মিশ্রানা ঙসি কোবিদ-১৯গী লৌখৎলিবা চেকশিন থৌরাং অমসুং লান্ধেংনরিবা অদু পুন্না য়েংশিন্নবা অৱাংবা থাক্কী মীফম অমা ময়াই তাংবল লৌদুনা পাঙথোকখ্রে। মীফম অদুনা জিলা অমসুং রাজ্য পুম্বদা কেসশিং লাকশিন্নবা ইভিদেন্সতা য়ুম্ফম ওইরগা নৈনবদা মীৎয়েং চংখি। মীফম অদুনা হীদাক পুথোকপগী তাঙ্কক অমসুং হীদাক য়েন্থোকপগী থৌরাংগী মতাংদসু খন্নখি। মীফম অদুদা কোবিদ-১৯গী তোঙান তোঙানবা হীরমগা মরী লৈননা মতম শাংনা মেনেজমেন্ত তৌনবা দিস্ত্রিক্ত হেল্থ এক্সন প্লানশিংগী মথৌ তাবা অদুসু খন্নখি।

মীফম অদু কেবিনেৎ সেক্রেতরী, মেম্বর, নিতি আয়োগ দা. বিনোদ পোল, প্রিন্সিপাল সাইন্তিফিক এদভাইজর অমসুং মরী লৈনবা এম্পাৱর এক্সন গ্রুপকী কন্বেনর পুম্নমক অমসুং মরী লৈনবা দিপার্তমেন্তশিংগী সেক্রেতরীশিংনা শরুক য়াখি। এম্পাৱর গ্রুপ পুম্নমক্না কোবিদ লাকশিনবদা পান্দমশিং ফংনবা কন্না হোৎনখি হায়না অপেনবা ফোঙদোকখি।  প্রধান মন্ত্রীগী প্রিন্সিপাল সেক্রেতরীনা মরী লৈনবা পুম্নমক্তা হেন্না মহৈ ফংনবা জিলাশিং অমসুং রাজ্যশিং হকথেংননা  শরুক য়াহন্দুনা কোবিদ-১৯গা মরী লৈনবা হীরম খুদিংমক্তা ইবিদেন্সতা য়ুম্ফম ওইরগা শেম শানবা খংহনখ্রে।

ভারত্তা লৈরিবা কোবিদকী ফীভম, হৌজিক চত্থরিবা লালোংশিং অমসুং তুংদা লাক্কদবা শিংনবশিংদা প্রজেন্তেসন অমা হেল্থ সেক্রেতরীনা উৎখি। প্রজেন্তেসন অদুনা কেস ত্রেজেক্তরী, তেস্ত তৌখিবা, শীখিবা অমসুং পোজিতিব ওইবা সেম্পলদা মরীলৈনবা জিলাশিং পল্লগা রাজ্যশিংগী ফীভম উৎখি। হেল্থ সেক্রেতরীনা ভেক্সিন হেক ফংবগা ভেক্সিন সপ্লাই চেন, বেনিফিসরী এনরোলমেন্ত সিস্তেম অমসুং দিলিবরী সিস্তেমগী মতাংদসু খন্নখি। 

নিতি আয়োগকী মেন্বরনা তোঙান তোঙানবা মোদেলশিংদা য়ুম্ফম ওইরগা কেসশিংগী প্রোজেক্সনশিংগী অকুপ্পা ৱারোল য়াওবা প্রজেন্তেসন অনা পীখি। কোবিদ-১০গী ভেসিন এদমিনিস্ত্রেসনদা নেস্নেল এক্সপর্ত গ্রুপনা হৌজিক লৌখ৭লিবা খোঙথাংশিংগী মতাংদা মহাক্না শন্দোক্না তাকখি। ভেসিন রিসর্চ (মালেমগী অমদি ভারত অনুমক্কী) ওইরিবা অপুনবগী ফীভমগী মতাংদা শমলপ্পা ৱারোল থমখি

প্রোজেক্ত কয়াগী লৈরিবা ফীভমদা য়ুম্ফম ওইরগা, মরী লৈনবা পুম্নমক্তা লাক্কদবা থাশিং অসিগী থা কয়া চংনা শেমখিবা ৱারোল শুনা য়াওবা এক্সন প্লান অসিগী ৱাখল্লোন অমদি নৈনখিবা অদু য়েংলগা শেমগৎনবা প্রিন্সিপল সেক্রেতরীনা য়াথং পীখি। হ্যুমেন রিসোর্সশিং লেপ্তনা ফগৎহনবা অমদি চাউথোকহনবা, কেস মেনেজমেন্ত, কন্তেক্ত  ত্রেসিং অমসুং আইসোলেসন মপুং ফানা তৌনবা চান্নবা তেস্তশিং তৌবা, ওক্সিজেন সপ্লাই অমসুং অতোপ্পা মেদিকেল ইক্বিপমেন্ত লেপ্তনা ফংহন্নবা, মথৌ তাবশিংগী মতাংদা কুপ্না খন্নখি। প্রোফীলেসিস অমসুং সিন্দ্রোম হন্থহন্নবা আয়ুশকা পুনশিন্নবসু খন্নখি। সাইকো সোসিএল ক্যের ফেসিলিতীশিং, বেহেবিয়র চেঞ্জ কম্ম্যুনিকেসন সিস্তেম, সর্ভিলেন্সকীদমক্তা অফবা দিস্ত্রিক্ত পব্লিক হেল্থ তিমশিং, দেতা তিম অমা, মপুং ফাবা সপ্লাই চেন, হিংনবগী পাম্বৈশিং অমসুং খুন্নাইগী ঙাকশেলগী মথৌ তাবশিংসু খন্নখি।

প্রিন্সিপল সেক্রেতরীদগী হৌরগা প্রধান মন্ত্রীনা লেপ্পা লৈতনা চেকশিন্নবা অমদি ঙাকথোক্নবা মিতর অনিগী অরাপ্পা থম্নবা, মাস্ক অমসুং হেন্দ ৱাশ শীজিন্ননবা মীৎয়েং চিংশিনখি। অহল ওইরবশিং য়েংশিনবীবা অমদি ফিজিকেল দিস্তেন্স অমসুং ঙাকথোক্নবা পাম্বৈশিংগী কাঙলোনশিং চেকশিন্নবা ঙাক্না চৎপা মথৌ তাবা অদুসু অমুক হন্না ফোঙদোকখি। অপুনবা লমচৎ শাজৎতা অহোংবা পুরক্নবা কেম্পেন অমুক হন্না লৌখৎতুনা অনলোক তৌবনা লায়না অসিগী মায়োক্তা ঐখোয়না ঙাকথোক্নবা হোৎনবা লেপ্পা লৈতে হায়বা তাক্কনি।  অনলোক তৌবা, থবক শুবা অমসুং নন-ফার্মাকোলোজীগী ওইবা ঙাকথোক্নবা পাম্বৈশিং ঙাক্নবা চৎপগী মথৌ তাবগী মতাংদা অকনবা ৱাফম থমখি।

*****