ভারত সরকারগী পাৱর, ন্যু অমসুং রিন্যুএবল ইনর্জীগী রাজ্যগী মন্ত্রী অমসুং স্কিল দিবেলপমেন্ত অমসুং ওন্ত্রপ্রিনরশিপকী রাজ্যগী মন্ত্রী শ্রী আর.কে. সিংহনা ঙসি খুন্নাইগী য়াইফনবদা মীৎয়েং থম্বা এন.তি.পি.সি.না বিহারদা এন.তি.পি.সি. বার (এম.দব্ল্যু. ১৩২০), ববিনাগর পাৱর জেনরেসন কম্পেনী প্রাইবেৎ লিমিতেদ (এন.পি.জি.সি.এল.), নবিনাগর (এম.দব্ল্যু. ৬৬০) অমসুং কান্তি বিজলী উৎপাদন নিগম লিমিতেদ (কে.বি.য়ু.এন.এল.), কান্তি (এম.দব্ল্যু. ৬১০)গী অকোইবদা খুদোংচাবা কয়া শঙ্গাখ্রে।

শ্রী সিংহনা কম্ম্যুনিতী সেন্তর অনী শঙ্গাখি – বার, পত্নাদা সহারি অমসুং সহনৌরা। মহাক্না কিলোমিতর ৩ শাবা মে-ইদ্রপুরি বরেজ রোদসু নবিনাগর, ঔরাঙ্গবাদ অমসুং বিহারগী কান্তি বিজলী উৎপাদন নিগম লিমিতেদকী মেন গেৎ কমপ্লেক্সতা শঙ্গাখি। হায়রিবা ফেসিলিতী অমসুং ইনফ্রাস্ত্রকচরশিং অসিনা লমদম অদুগী মীয়াম, চত্থোক চৎশিন অমসুং মতম মাংহনবা হন্থরগনি।

পত্নাদগী ফেসিলিতী অসি হৌদোক্লদুনা মন্ত্রী শ্রী আর.কে. সিংহনা হায়খি মদুদি হৌখিবা চহী ৩-৪ অসিদা, পাৱর মন্ত্রীনা বিহারদা মৈ ঙালহন্নবগীদমক লুপা করোর ১১,০০০ কাইথখি, মসিগী মনুংদা সবস্তেসন, ত্রান্সমিসন অমসুং খুঙ্গংদা মৈ পীবগী ঐখোয়না ঙসি উরিবা প্রোজেক্তশিং অসি য়াওরি। মহাক্না মখা তারদুনা এন.তি.পি.সি.না লৈবাক শেম্নবগীদমক থাদখিবা শেনফম খুদিংমক নীংথীনা শীজিন্নরি। "হৌখিবা চহী ৫রোমসিদা, কোইলা অমসুং রেলৱে ফ্রৈৎকী মমল অসি চাদা ৪০ হেনগৎখি অদুবু এন.তি.পি.সি.না উৎলিবা অসিনা মরম ওইদুনা মখোয়না পাৱরগী মমল ৱাংখৎপা অসি চাদা ১২ হন্থহনবা ঙম্লে হায়না শ্রী সিংহনা ফোংদোকখি।

শ্রী আর.কে. সিংহনা মখা তারদুনা হায়খি, "ওর্গানাইজেসন অসিনা লুপা করোর ২৫৭.৫ পীখ্রে, মসিনা পি.এম. কেয়র্স ফন্দদা পাৱর পি.এস.য়ু.না পীখিবশিংদা খ্বাইদগী য়াম্বনি। মসিনা এইমস, পত্নাদা লুপা করোর ১২ পীখি। এন.তি.পি.সি.না মসিগী পোর্তফোলিওবু অতোপ্পা পাৱর শুংনবগী অতোপ্পা লম্বীশিংদা শন্দোক্লি, অমসুং ঐখোয়না মসিবু অশেংবা মলতিনেসনেল কম্পেনী অমা ওইনা ওন্থোক্নবা পান্দম থম্লি। এন.তি.পি.সি.দা ওরিশাগী খুঙ্গংগী লমশিংদা মৈ ঙালহন্নবগী থৌদাংশু শিন্নখি, মসিসু মখোয়না অপীবা মতমগী মাংওইননা লোইশিনখি।

ঙসি শঙ্গারিবা অসিগুম্বা ফেসিলিতী অমসুং ইনফ্রাস্ত্রকচর শেমগৎ শাগৎপনা লমদম অসিগী মীয়ামগী পুন্সিদা নুংঙাইহল্লগনি, চত্থোক চৎশিন নুংঙাইহল্লগনি অমসুং মতম মাংবা হন্থরনি।

শঙ্গাবগী থৌরমদুদা ঔরাঙ্গবাদকী এম.পি. শ্রী সুশিল কুমার, বারগী এম.এল.এ. শ্রী গ্যানেন্দ্র কুমার সিংহ, কান্তিগী এম.এল.এ. শ্রী অশোক কুমার চৌধুরি, নবিনাগরগী এম.এল.এ. শ্রী বিরেন্দ্র কুমার সিংহগা লোইননা সি.এম.দি., এন.তি.পি.সি. শ্রী গুর্দীপ সিংহ, পাৱর মন্ত্রালয়গী, এন.তি.পি.সি. অমসুং বিহার এদমিনিস্ত্রেসনগী মকোক থোংবা ওফিসিএলশিংশিংসু শরুক য়াখি।

থৌরম অদুদা ৱা ঙাংলদুনা শ্রী সুশিল কুমার সিংহ এম.পি., ঔরাঙ্গবাদনা হায়খি, "ঐহাক্না এন.তি.পি.সি.বু মখোয়না সি.এস.আর. অমসুং মৈ পুথোক্নবগীদমক হোৎনরিবা কয়া অসিগীদমক থাগৎপা ফোংদোকচরি। ঙসিদি, মৈ হায়বসি অরং অরাক খক্কী নত্তনা তঙাইফদবা পোৎ অমা ওইরে। লাইয়েং পথাপ কয়াসু হৌজিক্তি মৈদা মপাল তাংলে। ঐখোয়না চাউথোকচৈ মদুদি বিহারদা অথুবদা মৈ মেগাৱাৎ ১০,০০০ পুথোক্লগনি।"

শ্রী গ্যানেন্দ্র কুমার সিংহ, এম.এল.এ. বারনা হায়খি, "মফম অসিগী চাউখৎলোন্দা মতেং পাংলগদবা ফজরবা বিল্দিং অনী এন.তি.পি.সি.না শারে, মসিগীদমক ঐখোয়না চাওথোকচৈ। পাৱর মন্ত্রীগী লমজিং মখাদা ঐখোয়গী লমদম অসিদা চয়োল অমদা পুং ২৪ মৈ পুথোক্লগনি।"

শ্রী বিরেন্দ্র কুমার সিংহ, এম.এল.এ. নবিনাগরনা হায়খি, "এন.তি.পি.সি.গী সি.এস.আর.গী থৌরাংশিং অসি বিহারদা লৈঙাক অসিনা করম্বা মীৎয়েং য়েংবীরি হায়বদু উৎলে। লম্বীশিং অসিনা পত্না য়ৌবদা নুঙাইনা য়ৌহল্লগদবনা লৈবাক অমা চাউখৎনবা হোৎনবদা য়াম্না মরুওইবা খোংথাং অমনি।"

শ্রী অশোক কুমার চৌধুরী এম.এল.এ. কান্তিনা হায়খি, "মলতিফংসনেল মে গেৎ কমপ্লেক্স অমা এন.তি.পি.সি. কান্তিদা শারিবসিনা মফমসিগী মীয়ামদা খ্বাইদগী নুংঙাইবা পোকহল্লগদবা থবক অমনি। মসিনা নোংপোক বিহারগী কান্তিগী জগাগী চাউখৎপা হেনগৎহল্লগনি।"

শ্রী গুর্দীপ সিংহ, সি.এম.দি. এন.তি.পি.সি.না থৌরম অদুদা হায়খি, "শ্রী আর.কে. সিংহগী লমজিং মখাদা এন.তি.পি.সি. চাউখৎপা হেনল্লকপনা বিহার চাউখৎনবা হোৎনবদা মরুওইবা থৌদাং লৌরি। মেগাৱাৎ ৬২৯১০গী কাপাসিতী ইন্সতোল তৌবগী মনুংদা, এন.তি.পি.সি.না হৌজিক্কী ওইনা বিহারদা মেগাৱাৎ ৬১৫০ লৈরি। মসিগী মথক্তা এম.দব্ল্যু. ৩৮০০গী কেপাসিতীসু শেম্নবা হোৎনরি। ঐখোয়না তোঙান-তোঙানবা সি.এস.আর.গী থৌরাংশিং বিহার চাউখৎনবগীদমক লৌখৎকনি, অসিগুম্বা মরুওইবা থৌরাংশিং অসিগীদমক্তনি ঐখোয়না মফম অসিদা পুল্লিবসিসু।"

সি.এস.আর. থৌরাংগী মখাদা, এন.তি.পি.সি. বারনা লুপা লাখ ৬২ চঙনা থংনবা খুঞ্জা ১৩,৫০০দা মতেং পীনবগীদমক কম্ম্যুনিতী বিল্দিং অনী শাখ্রে।

শঙ্গাবগী থৌরমদুগী মনুংদা, সহনৌরা অমসুং সহারি (বার)দা লৈবা কম্ম্যুনিতী সেন্তর, মে-ইন্দ্রপুরি বরেজ রোদ (নবিনাগর), কান্ত বিজলী উতপাদন নিগম লিমিতেদ (কে.বি.য়ূ.এন.এল.) মেন গেৎ কমপ্লেক্স (কান্তি)গী মতাংদা নম্বা ফিলম থৌরম অদুদা শরুক য়াখিবা স্তেকহোল্দরশিংদা কাপখি।

কেপাসিতী গিগাৱাৎ ৬২.৯গী ইন্সতোল কেপাসিতীগা লোইননা এন.তি.পি.সি.গী কাংবুনা কোইলাগী ২৪, কম্বাইন সাইকল গ্যাস/লিক্বিদ ফ্যুলগী ৭, হাইদ্রো ১, রিন্যুএবলগী ১৩গা লোইননা সবসিদিয়ারি অমসুং জে.ভি. পাৱর স্তেসনশিং য়াওনা পুন্না পাৱর স্তেসন ৭০ লৈ। কাংবু অসিগী গিগাৱাৎ ২০গী কেপাসিতীসু হৌজিক শারি, মসিগী মনুংদা গিগাৱাৎ ৫দি রিন্যুএবল ইনর্জীনি

*****