প্রধান মন্ত্রী শ্রী নরেন্দ্র মোদীনা এন.ই.পি. ২০২০গী মখাদা "২১শুবা চহী চাদা স্কুল এজুকেসন" হায়বসিগী মতাংদা শীনবা কনক্লেবতা ঙসি ভিদিও কনফরেন্সকী থোংদা ৱা ঙাংখ্রে। নুমিৎ নিনিগী কনক্লেব অসি সেপ্তেম্বর ১০, ২০২০দগী এজুকেসন মন্ত্রালয়না ভর্চুএলগী খুত্থাংদা শিনখিবা শিক্ষক পর্ব ২০২০গী শরুক অমা ওইনা পাঙথোকখিবনি। কেন্দ্রগী এজুকেসন মন্ত্রী শ্রী রমেশ পোখ্রিয়াল; কেন্দ্রগী এজুকেসনগী রাজ্য মন্ত্রী শ্রী সঞ্জয় ধোত্রে; হাইয়র এজুকেসন বিভাগকী সেক্রেতরী শ্রী অমিৎ খরে; স্কুল এজুকেসন অমসুং লিতরেসী বিভাগকী সেক্রেতরী শ্রীমতী অনিতা করৱালসু থৌরম অদুদা শরুক য়াখি। এন.ই.পি.গী দ্রাফতিং কম্মিতীগী চেয়রমেন দাঃ কস্তুরিরঙ্গন; এন.ই.পি.গী দ্রাফতিং কম্মিতীগী মেম্বর প্রোফঃ এম.কে.শ্রিধর; এন.ই.পি.গী দ্রাফতিং কম্মিতীগী মেম্বর প্রোফঃ মঞ্জুল ভার্গবা অমসুং এন.ই.পি.গী দ্রাফতিং কম্মিতীগী মেম্বর দাঃ শকিলা শামসুসু থৌরম অদুদা শরুক য়াখি।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি নেস্নেল এজুকেসন পোলিসীনা ২১শুবা চহী চাগী ভারত্তা অনৌবা মাইওন অমা পীগদৌরি অমসুং ঐখোয়না ঐখোয়গী খুন্নাই অসিগী তুংলমচৎ শেম্নবা হোৎনবদা শরুক য়ারি। মহাক্না হায়খি মদুদি চহী কুন্থ্রারোমসিদা ঐখোয়গী পুন্সি অসি অহোংবা কয়া অমা লাকখ্রে অদুবু ঐখোয়গী এজুকেসন সিস্তেমদি মমাংগী চৎনবীদা অদুমক লেঙদনা লৈরি। অনৌবা এজুকেসন পোলিসী অসি অনৌবা ভারত অমগী অনৌবা ৱাখল্লোন, অনৌবা খুদোংচাবা ফংনবগীদমক্তনি হায়না মহাক্না হায়খি।

প্রধান মন্ত্রীনা হায়খি মদুদি এন.ই.পি. ২০২০ অসি মফম খুদিংমক্কী, কাংলুপ খুদিংমক্কী অমসুং লোল খুদিংমক্কী মীয়াম্না হৌখিবা চহী ৩-৪ অসিদা কন্না হোৎনজদুনা পুরকপনি। মহাক্না হায়খি মদুদি পোলিসী অসিবু থবক ওইনা ওন্থোকপগী তশেংবা থবক হৌজিক  পায়খৎপা হৌরে। মহাক্না ওজাশিংদা নেস্নেল এজুকেসন পোলিসী অসিবু মপুং ফানা চৎনবা হৌনবগীদমক পুন্না থবক তৌমিন্ননবা পুক্নীং চিংশিনখি।

প্রধান মন্ত্রীনা হায়খি মদুদি পোলিসী অসিবু হেক লাওথোকপগা ৱাহং কয়া হংলকখিবদু মতীক চাই অমসুং অসিগুম্বা কনক্লেব অসিদা অদুগুম্বা ময়েক শেংদবশিং অদুবু নৈনদুনা মাংজিল থানা পুখৎপা ঙম্নবগীদমক হোৎনগদবনি।

প্রধান মন্ত্রীনা নেস্নেল এজুকেসন পোলিসী অসিবু চৎনবা হৌনবগীদমক অসিগুম্বা খন্ন-নৈনবগী থৌরম অসিদা প্রিন্সিপাল অমসুং ওজা কয়ানা থৱাই য়াওনা শরুক য়াবা উবদা হরাউবা ফোংদোকখি। মহাক্না হায়খি মদুদি লৈবাক অসিদা লৈরিবা ওজা কয়ানা চয়োল অমদা নেস্নেল এজুকেসন পোলিসী অসিবু চৎনবা হৌনবগী মতাংদা সজেসন মিল্লিয়ন ১.৫ রোম থাজিল্লকখি।

প্রধান মন্ত্রীনা হায়খি মদুদি লৈবাক অমা চাউখৎনবগী ইঞ্জিন্দি মশা মউ ফবা নহাশিং অসিনি, অদুবু মখোয়গী চাউখৎলোন্সু অঙাং ওইরিঙৈদগী হৌগদবনি। মহাক্না হায়খি মদুদি অঙাং অমা মহৈ তম্বীবা, মখোয়গা চুন্নবা অকোইবনা তুংদা মহাক্না করি ওইরক্কনি অমসুং করম্বা লমচৎ চৎকনি হায়বসি চাউনা লেপ্পী। মহাক্না হায়খি মদুদি এন.ই.পি. ২০২০না অসিগুম্বা হীরমসিদা চাউনা মিৎয়েং থম্লি।

প্রধান মন্ত্রীনা হায়খি মদুদি অঙাংশিংনা মখোয়দা করি ফাওরিবগে হায়বা খঙবা ঙম্লকপা, মখোয়গী স্কিল ফবা হেনগৎলকপসি স্কুল কাদ্রিঙৈ মমাংদগী হৌই। মসিগীদমক, স্কুল অমসুং ওজাশিংনা মখোয়দা নুংঙাইবা, শান্ন-শান্ননা তাকপীবা, থবক ওইনা তৌমিন্নদুনা তাকপীবা অমসুং খংহন উহনবদা য়ুম্ফম ওইবা তাকপী তম্বীবগী থবক পায়খৎপীগদবনি। মহাক্না হায়খি মদুদি অঙাং অমনা চাউখৎলকপা মতমদা, তমশিনবগী ৱাখল্লোন, সাইন্তিফিক, অমসুং লোজিকেল ওইনা খনবা, মেথমেতিকেলগী মরমদা খলহন্নবা অমসুং সাইন্তস্কী ওইবা ৱাখল্লোন পীবীনবা হোৎনগদবনি।

নেস্নেল এজুকেস পোলিসী অসিদা, প্রধান মন্ত্রীনা ১০ প্লস ২ সিস্তেম্বু ৫ প্লস ৩ প্লস ৩ প্লস ৪গী সিস্তেম্না হোংদোক্নবা পুক্নীং চিংশিল্লি। মহাক্না হায়খি মদুদি হান্না শহরদতমক লৈরম্বা প্রি স্কুলগী ওইবা শান্ন-খোৎনদুনা তাকপী তম্বীবগী চৎনবীদু হৌজিক্তি খুঙ্গংশিংদসু য়ৌরক্লগনি।

পোলিসী অসিগী খ্বাইদগী মরুওইবা হীরমদি বেসিক এজুকেসন্দা মিৎয়েং চঙবসিনি হায়না মহাক্না ফোংদোকখি। নেস্নেল এজুকেসন পোলিসীগী মখাদা, ফাউন্দেসনেল লিতরেসী অমসুং ন্যুমরেসী চাউখৎহনবা হায়বসি লৈবাক্কী ওইবা মিসন অমনি হায়না লৌরগনি। অঙাং অমনা মাং থাদুনা তমশিন্নবগীদমক পাবা হৈনবগীদমক অহৌবদা মহাক পাবা হৈনবা হোৎনগদবনি। পাবা হৈনবগীদমক তম্বদগী তম্নবগীদমক পাবগী খোঙচৎ অসি ফাউন্দেসনেল লিতরেসী অমসুং ন্যুমরেসীগী মখাদা মপুং ফাহনবা ঙমগনি।

প্রধান মন্ত্রীনা হায়খি মদুদি গ্রেদ অহুম লাল্লক্লবা অঙাং অমা হায়বসি মিনিৎ অমদা ৱাহৈ ৩০দগী ৩৫ ফাওবদি পাবা হৈহনগদবনি। মহাক্না মখা তারদুনা হায়খি মদুদি মসিনা মহাকপু অতোপ্পা সবজেক্তশিংদা য়াওরিবশিংদু খঙবদা মতেং পাংগনি। মহাক্না মখা তারদুনা হায়খি মদুদি হায়রিবশিং অসি লাইরিক পাবসি মপান্দা ওইরিবা ফিবম, ঐখোয়গী পুন্সি অমসুং অকোইবগা শম্নরবা মতমদা ওইথোক্কনি।

মহাক্না মসিমসু হায়খি মদুদি, এজুকেসন অসিনা অকোইবগী ফিবমগা শম্নরবা মতমদা, মহৈরোইদুগী পুন্সিদা ইথিল অমা পীগনি অমসুং অসুম্না খুন্নাইসিদসু ইথিল অমা পীগনি। মহাক্না গুজরাৎকী মুখ্য মন্ত্রী ওইনা লৈরিঙৈ মতমদা লৌখৎখিবা থৌরাংগী মতাংদা পনখি। মহৈলোইশঙ খুদিংমক্তগী মহৈরোইশিংদা মখোয়গী খুঙ্গংদা লৈবা খ্বাইদগী লিরবা উশিং মশক খঙদোক্নবগী থবক পীরম্মি, অমসুং মসিদগী উ অদুগী মতাংদা অমসুং মখোয়গী খুঙ্গংগী মরমদা রচনা ইহল্লম্মি। মহাক্না হায়খি মদুদি, মসিগী চাংয়েং অসি অদুক্কী মতীক মায় পাক্লম্মি, অতোপ্পা অমদনা, অঙাংশিংনা অকোইবগী মতাংদা খঙবা হেল্লকপদা নত্তনা মখোয়দা মখোয়গী খুঙ্গংগী মতাংদা খঙবা হেল্লি।

প্রধান মন্ত্রীনা অসিগুম্বা অরাইবা অমসুং অনৌবা থবকশিং অসি পায়খৎপগী তঙাইফদবা লৈরিবসি ফোংদোকখি। অসিগুম্বা চাংয়েংশিং অসিনা ঐখোয়গী অনৌবা য়ুগকী তাকপী তম্বীবগী মরুওইবা মশক ওইহনগদবনি – এংগেজ, এক্সপ্লোর, এক্সপরিএন্স, এক্সপ্রেস, অমসুং এক্সেল।

শ্রী নরেন্দ্র মোদীনা হায়খি মদুদি মহৈরোইশিংনা মখোয়না পাম্বগী মতুং ইন্না থবক, থৌরম, প্রোজেক্ত লোইনদুনা লৈ। অদুদগী অঙাংশিংনা অফবা মওংদা ফোংদোকপা ঙম্লকই। মহাক্না হায়খি মদুদি অঙাংশিংবু পুৱারীগা শাগোন্নবা মফমশিংদা, অপাম্বা মফমশিংদা, লৌবুক্তা, ইন্দস্ত্রীশিং অসিনচিংবদা পুবীদুনা প্রেক্তিকেল ওইবা লৌশিং পীবীনবাভোৎনগদবনি। প্রধান মন্ত্রীনা হায়খি মদুদি হায়রিবসি স্কুল অয়াম্বদা চৎনদে। মহাক্না হায়খি মদুদি মসিনা মরম ওইদুনা, মহৈরোই অয়াম্বনা প্রেক্তিকেলগী ওইবা লৌশিং ফংদে। মহৈরোইশিংবু প্রেক্তিকেল ওইবা লৌশিং পীবীবনা মখোয়দা খঙনিংবা অমসুং লৌশিংসু হেনগৎহল্লি। করিগুম্বা মহৈরোই অমনা হৈথোই শিংথোইবা প্রোফেসনেল উবা মতমদা ৱাখলগী ওইবা শম্নফম অমা ফংবগুম তৌই, মখোয়না হৈশিংবদুবু খঙদুনা মখোয়বু ইকাই খুম্নৈ হায়না ফোংদোকখি। অসিগুম্বা অঙাং কয়ানা অদুগুম্বা ইন্দস্ত্রীশিং অসিদা পামজরুদুনা য়াওখিবসু য়াই।

প্রধান মন্ত্রীনা হায়খি মদুদি নেস্নেল এজুকেসন পোলিসী অসি তঙাইফদবশিংদা মিৎয়েং থমদুনা সিল্লেবস হন্থহন্দুনা শেমখিবনি। নেস্নেল করিক্যুলম ফ্রেমৱার্ক অমা তাকপা তম্বা হায়বসি অপুনবা ওইনবা অমসুং ইন্তর্দিসিপ্লিনরী, শান্ন খোৎনবদা অমসুং এক্সপরিএন্সতা য়ুম্ফম ওইনবা শেমগনি। মসিগীদমক সজেসনশিং লৌগনি অমসুং মসিদা পুম্নমক্না পীরকপা রিকমেন্দেসন অমসুং অনৌবা এজুকেসন সিস্তেম হাপচিনগনি। তুংদা লাক্কদবা মালেম অসি ঐখোয়গী ঙসিগী মালেম অসিদগী খেন্নরগনি।

মহাক্না ঐখোয়গী মহৈরোইশিংবু ২১শুবা চহী চাগী স্কিলশিংদা পুশিল্লক্নবা পুক্নীং চিংশিনখি। মহাক্না ২১শুবা চহী চাগী স্কিলশিংবু অশুম্না পীখি – ক্রিতিকেল থিংকিং, ক্রিএতিবিতী, কোলাবোরেসন, ক্যুরোসিতী, অমসুং কম্ম্যুনিকেসন। মহাক্না হায়খি মদুদি মহৈরোইশিংনা ঙল্লিঙৈ মতমদগী কোদ তৌবা হৈগদবনি, আর্তিফিসিএল ইন্তেলিজেন্স খঙগদবনি, ইন্তর্নেত্তা লৈরিবা, ক্লাউদ কম্প্যুতিং, দেতা সাইন্স অমসুং রোবোতিক্সতা য়াউশিনগদবনি। মাহক্না হায়খি মদুদি ঐখোয়গী হান্নগী এজুকেসন পোলিসীদি য়াম্না অথিংবা থম্মি। অদুবু অশেংবা মালেম অসিদদি, সবজেক্ত খুদিংমক অমগা অমগা মরী লৈনৈ। অদুবু হৌজিক লৈরিবা সিস্তেম অসিনদি হীরম অমদগী অমদা হোংবা, অনৌবা খুদোংচাবা অমদা হোংবগী অয়াবা পীদে। মসিনা অঙাং কয়া মহৈ তম্বা লেপহৌবগী অচৌবা মরম অমা ওইরি। মরম অসিনা, নেস্নেল এজুকেসন পোলিসীনা মহৈরোইশিংদা অপাম্বা সবজেক্ত খনবগী মনিং তম্বা পীরি।

প্রধান মন্ত্রীনা হায়খি মদুদি নেস্নেল এজুকেসন পোলিসী অসিনা অচৌবা সমস্যা অমসু কোকহনগদৌরি – লৈবাক অসিদা খঙবগী এজুকেসন অদুবু মার্কশিত্তা চৎপা এজুকেসন্না নম্বা। মহাক্না হায়খি মদুদি মার্কশিৎ অসি ৱাখলদা অৱাবা পীবা প্রেসর শিৎ ওইরি। এজুকেসন্দগী মসিগী পোৎলুম অসি লৌথোকপনা নেস্নেল এজুকেসন পোলিসীগী মরুওইবা পান্দম অমা ওইরি। পরিখা হায়বসি মহৈরোইশিংদা অসিগুম্বা পোৎলুম পীবা অমা ওইরোইদবনি। অমসুং মহৈরোইশিংবু পরিখা অমখক্তনা মাগী হৈশিংবা লেপহল্লোইদবনি, শেল্ফ এসেস্মেন্ত, পিয়র-তু-পিয়র এসেস্মেন্তা য়ুম্ফম ওইদুনা লেপকদবনি। নেস্নেল এজুকেসন পোলিসীদদি মার্কশিৎকী মহুত্তা অখন্নবা হৈশিংবা, এপতিত্যুদ, এতিত্যুদ, তেলেন্ত, স্কিল, ইফিসিএন্সী, কম্পিতেন্সী অমসুং মহৈরোইদুগী পোসিবিলিতীশিং য়াওবা রিপোর্ত কার্দ অমা পীনবা হৌদোক্লি হায়না প্রধান মন্ত্রীনা ফোংদোকখি। মহাক্না মখা তানা হায়খি মদুদি অনৌবা এসেস্মেন্ত সেন্তর "পরখ"সু ইভালুএসন সিস্তেমদা মপুং ওইনা ফগৎনবগীদমক হাংদোক্লে।

প্রধান মন্ত্রীনা হায়খি মদুদি কনাগুম্বা অমনা লোল হায়বসি এজুকেসনগী পীনবগী পাম্বৈ অমা ওইনা উগদবনি, লোল হায়বসি অপুনবা এজুকেসন্দু নত্তে। মীওই খরনদি মসিগী খেন্নবসি কাওথোক্লে। মরম অসিনা, অঙাংদুনা খ্বাইদগী লায়না তম্বা হৈবা লোল অদু তম্নবগী লোল ওইগদবনি। মহাক্না হায়খি মদুদি, মসিবু ৱাখলদা থম্লদুনা, অঙনবা থাক্কী এজুকেসন অসি অতোপ্পা লৈবাকশিংদা ওইনবগুম অঙাংশিংদুগী মমালোল ওইগনি। মসি নত্ত্রবদি, অঙাংশিং অদুনা অতোপ্পা লোল অমদা তাবা মতমদা, মখোয়না লোলদুবু মমালোলদা অমুক হন্দোকচৈ, অদুদগী খঙবা ঙম্মি। মসিনা অঙাংগী ৱাখলদা অচৌবা চমম্নবা অমা পোকহল্লি, মসিমক অৱাবা অমনি। মরম অসিনা, হেক ঙম্লিবমখৈ, মখোয়গী লমদমদুগী লোলদুবু, মমালোলনা গ্রেদ মঙাফাওবগী এজুকেসনগী মেদিয়ম অমা ওইহনবা হায়বসি নেস্নেল এজুকেসন পোলিসীদা য়াওরি।

প্রধান মন্ত্রীনা হায়খি মদুদি, নেস্নেল এজুকেসন পোলিসীদা, মমালোলদগী হেন্না তাকপা অমসুং তম্বদা ইথিংবা থম্লি। অদুবু মালেমগী থাক্তদি ইংলিশ হৈবনা মতেং কয়া পাংলক্কদবনা অঙাংশিংনা মসি পাবা অমসুং ইবা হৈজনবদা কান্নবা ফংগনি। মহাক্না মখা তারদুনা হায়খি মদুদি, তোঙান-তোঙানবা রাজ্য অমসুং নাৎকী লোলশিং খঙনবগীদমক ভারতকী লোল খুদিংমকপুসু খঙহন্নবা হোৎনগদবনি।

প্রধান মন্ত্রীনা হায়খি মদুদি, ওজাশিংনা নেস্নেল এজুকেসন পোলিসীগী খোঙচত্তা লমজিংবা ওইরি। মরম অসিনা, ওজা খুদিংমক্না অনৌবা কয়া অমা তমশিনবগা লোইননা অরিবা কয়াসু হুন্দোক্তুনা থম্লম্বা তারি। ২০২২দা ভারতকী নীং তম্বা চহী ৭৫ শুবা মতমদা ভারত্তা লৈরিবা অঙাং খুদিংমক্না নেস্নেল এজুকেসন পোলিসীগী মতুং ইন্না পাবা হৈগদবনি হায়না প্রধান মন্ত্রীনা ফোংদোকখি। মহাক্না ওজা, এদমিনিস্ত্রেতর, ভোলুন্তরী ওর্গনাইজেসন অমসুং মমা-মপা ওইবশিংনা হায়রিবা লৈবাক অসিগী মিসন অসিদা মতেং পাংবীনবা পুক্নীং চিংশিনখি।

এন.ই.পি. ২০২০গী মখাদা পাঙথোকপা “২১শুবা চহি-চাদা স্কুল এজুকেসন”গী কনক্লেবতা প্রধান মন্ত্রীগী অপুনবা ৱারোল

থৌরম অসিদা ৱা ঙাংবদা কেন্দ্রগী মন্ত্রীনা প্রধান মন্ত্রীবু নেস্নেল এজুকেসন শেম্বদগী হৌরগা থবক ওইনা পায়খৎপা ফাওবগী থাক্তা লেপ্তবা ৱারী-ৱাতাই শাবা অমসুং খন্নবগী থৌওং কয়া পায়খত্তুনা  লৈবাক অমসুং মন্ত্রালয় অসিবু লমজিং-লমতাকপীবগী থাগৎপা ফোঙদোকখি। মহাক্না হায়খিবদা নেস্নেল এজুকেসন পোলিসী (এন.ই.পি.) অসি ২১শুবা চহি-চাগী অহানবা এজুকেসন পোলিসীনি অমসুং মসিনা লৈবাক অসিগী চাউখৎপগী তঙাই ফদবা কয়া পীবা ঙম্বগী পান্দম থম্লিবনি হায়খি। মসিগী পোলিসী অসি য়ুনাইতেদ নেসন্সনা শেমখিবা তুং কোইনা চাউখৎপগী এজেন্দা-২০৩০গী মতুং ইনবনি। নেস্নেল এজুকেসন পোলিসী ২০২০ অসি কান্নবা ফংবা, মান্নবা, মগুন লৈবা, অহোঙবা অমসুং থাজবা য়াবগী চংদ্রবা য়াদ্রবা য়ুম্বীশিংদা য়ুম্ফম ওইদুনা শেমখিবনি।

মন্ত্রীনা হায়খিবদা ঐখোয়না এজুকেসনগী অতেনবা মতমগী ওইবা লিচৎশিংবু লৌথোকপা অমসুং মতমগা চান্নহনবগী মাইকৈদা চৎলি হায়খি। ঐখোয়না ভারতকী ওইবা য়ুম্বীদা লেপ্লবসু ঐখোয়গী মিৎয়েংদি মালেমদা লৈগনি হায়খি। অনৌবা এজুকেসন পোলিসী অসিদা হীরম অনি অসিগী খল মন্ননা থম্নবা অখন্নবা চেকশিন থৌরাং কয়া লৌরি। শ্রী পোখ্রিয়ালনা কনক্লেব অসিগী অহানবা নুমিত্তা খন্নখিবা ৱাফমশিংগী শম্লপ্পা ৱারোল পীখি। ফাউন্দেস্নেল লিতরেসী অমসুং ন্যুমরেসী, আর্ত অমসুং শান্নপোৎ পুন্সিনবা লাইরিক তাকপীবগী থৌওং, অঙাংশিংবু নৌরিঙৈদা চেকশিনবা অমসুং মহৈ-মশিং তম্বীবা, হোলিস্তিক প্রোগ্রেস কার্দ, মমালোন্দা তাকপী তম্বীবা, মপুং ওইবা খেৎনবা লৈতবনাচিংবা তোঙান তোঙানবা হীরমশিংগী মতাংদা খন্ন-নৈনখিবগী মরমদা মহাক্না মিৎয়েং চঙখি।

এন.ই.পি. ২০২০গী পান্দমশিং ফংনবগীদমক্তা এন.ই.পি.না হায়খিবা ৱাফম খুদিংবু মথৌ খঙবা এজেন্সীশিংগা খুৎশম্নদুনা মিসন মোদ অমসুং অকক্নবা মতমগী মনুংদা থবক ওইনা পাঙথোক্নবা অকুপ্পা থৌরাং অমা মন্ত্রালয়না য়াৎখিবগী মতাংদা শ্রী পোখ্রিয়ালনা মিৎয়েং চঙখি। কেন্দ্র অমসুং রাজ্য সরকারশিংনা পুন্না পাঙথোকমিন্নবা য়াবা থবক থৌরমশিংগী অকুপ্পা ৱারোল অমা শেমদুনা পান্দম ফঙনবা মতৌ করম্না পুন্না হোৎনবা য়াবগে হায়বগী থৌরাং য়াৎপা অসিনা পোলিসী অসিবু থবক ওইনা পাঙথোক্নবা খন্নবদা অহেনবা মিৎয়েং চঙবা হীরম অমনি। পোলিসী অসিগী ৱাহন্থোক্কী মতুং ইন্না পাঙথোক্কদবা  তঙাই ফদবশিং অমসুং খুৎশম্নবা ফেদেরেলিজম অসিবু নীংথিনা খন্নদুনা তাঙ্কক নাইবা মওংদা থবক পাঙথোকপগী ৱাফমশিং অসিনা খন্নরিবা থৌরাংশিং অসিনা মরু ওইনা লৌবা থৌওংশিংনি।

স্তেকহোলদর, মমা-মপাশিং, ওজাশিং, স্কুলশিং, মহৈরোয়শিং, একাদমিস্তশিংদগী পাউতাক লৌদুনা মদুগী মতাংদা ৱা তানদুনা অমসুং মীয়ামদা পাক শন্না খঙহন্নবা কেম্পেন অমসুং ত্রেনিংগী প্রোগ্রামশিং শীন্দুনা নেস্নেল এজুকেসন পোলিসী অসিবু গ্রাসরুৎ লেবেলদা য়উহন্নবা মন্ত্রীনা রাজ্য খুদিংনা হায়খি। মসিগী পোলিসী অসিবু মসিগী মতাংদা খঙলবা মীওইশিং, মমা-মপাশিং অমসুং মহৈরোয়শিংনা তেংবাংলবা মতমদা মায় পাক্না থবক ওইনা পাঙথোকপা ঙমগনি। মহৈরোয়, ওজা, ইন্সতিত্যুসন অমসুং রাজ্য সরকার খুদিংমক পোলিসী অসিগী ব্রান্দ এম্বেসেদরনি। হায়রিবা অসি লৈবাক পুম্বনা খন্নরবা অমসুং লৈবাক্কী অপাম্বা কয়া অমা মনুং চল্লবা মতুংদা ওইরকপা লৈবাক্কী এজুকেসন পোলিসীনি। মীয়াম্না শৌগৎপগী মতুং ইন্না ঐখোয়না শোইদনা মাই পাক্কনি হায়না মহাক্না মখা তানা হায়খি।

মফম অসিদা ক্লিক তৌদুনা কেন্দ্রগী এজুকেসন মন্ত্রীগী ৱারোল খঙবীয়ু

থৌরম অসিদা ৱা ঙাংবদা শ্রী ধোত্রেনা এজুকেসন সেক্তর অসিবু অপুনবা ওইনা চাউখৎপা পুরকপগী প্রধান মন্ত্রী শ্রী নরেন্দ্র মোদীগী মঙলানবু মীয়ামদা তাকপীবগী থাগৎপা ফোঙদোকখি। মহাক্না হায়খিবদা অনৌবা এজুকেসন পোলিসী অসিনা মহৈ তম্বগী মগুন হেনগৎহল্লগনি, অনৌবা থৌওং অমসুং থিজিন হুমজিনবগী থৌওং কয়া পাঙথোক্নবা পুক্নীং থৌগৎপগী মরু ওইবা খোঙথাং অমা ওইরগনি হায়খি। নেস্নেল এজুকেসন পোলিসী ২০২০গী খুত্থাংদা মহৈ-তম্বগী লমদা অচৌবা অহোংবা অমা পুরক্কনি হায়বগী থাজবা থম্নরি।

মহাক্না মখা তানা হায়খিবদা অঙাংশিং অসিনা ঐখোয়গী মহৈ তম্বগী লমদা খ্বাইদগী ময়ায় ওইবা থাক্তা থম্লগনি হায়খি। মগুন লৈবা মহৈ তম্বগী মওং অসিনা অঙাংশিংগী সাইন্তিফিক পেদাগোজীদা য়ুম্ফম ওইগনি। খ্বাইদগী মরু ওইনা চংদবা য়াদবা ইবা-পাবা হৈবা অমসুং অঙ্কগী মতাংদা লৌশিং লৈবা অসিবু খ্বাইদগী মরু ওইবা ৱাফম ওইনা থম্লদুনা চহি ৩-৮গী মনুংদা লৈবা অঙাংশিংগী মহৈ-তম্বীবগী মওং অসি নৌনা শেমদোক্লগনি। ঐখায়না প্রি-প্রাইমরী থাক অসিদা অহেনবা মিৎয়েং চঙদুনা অঙাং অমবু অফবা, থকশি-খাসি নাইবা, ৱাখল খনবা ঙম্বা অমসুং অতোপ্পগী ৱাখল খনবা ঙমহন্নবা হোৎনগনি। শ্রী ধোত্রেনা মখা তানা হায়খিবদা এজুকেসন মন্ত্রালয়না লাক্কদৌরিবা মত্মশিং অসিদা নেস্নেল এজুকেসন পোলিসী অসিবু মাই পাক্না থবক ওইনা পাঙথোক্নবা খোঙফম চেৎনা লৈরি হায়খি।

শিক্ষক পর্ব অসি ইং ২০২০গী সেপ্তেম্বর ৮দগী ২৫ ফাওবগী মনুংদা ওজাশিংগী থবক্তা নুংঙাইহন্নবা অমসুং অনৌবা এজুকেসন পোলিসী ২০২০ অসিবু মাই পাকহন্নবগীদমক্তা পাঙথোকপনি। নেস্নেল এজুকেসন পোলিসী ২০২০গা মরী লৈনবা তোঙান তোঙানবা ৱেবিনার, ভর্চুএলগী মীফম অমসুং কনক্লেব কয়া লৈবাক শিনবা থুংনা পাঙথোক্লি।

মাইগোব পোর্তেলদা রেজিস্তর তৌরবা মীওই লাখ ২ মুক, কে.ভি.এস.তগী স্কুল ১২৪০ অমসুং জে.এন.ভি.দগী স্কুল ৬৬০ য়াওনা সি.বি.এস.ই.গী স্কুল ২৩,০০০গী ওজাশিং অমসুং প্রিন্সিপালশিং, লৈবাক শিনবা থুংনা লৈবা এক্সেলেন্স/ত্রেনিং ইন্সতিত্যুৎশিংগী রিজনেল ওফিসশিং/সেন্তরশিং: সি.বি.এস.ই.গী ১৬, কে.ভি.এস.কী ৩০ অমসুং জে.এন.ভি.গী ১৬, এস.সি.ই.আর.তি. অমসুং দি.আই.ই.তি.শিং, রাজ্য/য়ু.তি.শিংগী স্কুল এজুকেসনগী বিভাগ পুম্নমক, রাজ্য/য়ু.তি.শিংগী তোঙান তোঙানবা স্কুলশিংগী ওজাশিং, ওজাগী এজুকেসন ইন্সতিত্যুসনশিংদগী মীওই কয়ানা  লাইব ৱেবকাস্ত/সোসিএল মীদিয়া অমসুং মাইগোব পোর্তেলগী খুত্থাংদা থৌরম অসিদা শরুক য়াখি।

*****