কম্যুনিকেসন অমসুং ইনফোর্মেসন তেক্নোলোজী মন্ত্রালয়

ইন্দিয়া পোস্তনা পোস্তেল স্কিমশিং চাদা ১০০ খুঙ্গং পুম্নমক য়ৌনবগীদমক ফাইব স্তার ভিলিজ স্কিম হৌদোকখ্রে

গ্রামিন দাক সেবকশিংনা পোস্তেল সর্বিসশিংগী মতাংদা মীয়াম হুপনা খঙহন্নবগীদমক এৱেইয়র্নেস কেম্পেন লুচিংগদৌরি

স্কিমশিংবু লৈবাক শীনবা থুংনা, মহারাস্ত্রগী থৌওং য়েংদুনা পায়খৎকদৌরিঃ সঞ্জয় ধোত্রে

Posted On: 10 SEP 2020 4:18PM by PIB Imphal

দিপার্তমেন্ত ওব পোস্তনা লৈবাক অসিগী খুঙ্গশিংদা গ্লেগশিপ পোস্তেল স্কিমশিং য়ৌহন্নবগীদমক ফাইব স্তার ভিলিজ কৌবা স্কিম অমা হৌদোকখ্রে। স্কিম অসিনা খুঙ্গংগী মনুং হঞ্জিনবা মফমশিংদা পব্লিক এৱেইয়র্নেস অমসুং পোস্তেলগী পোত্থোকশিং অমসুং সর্বিসশিংগগী মরক্তা লৈরিবা অহাংবসিবু মেনশিন্নবা হোৎনগনি। পোস্তেলগী পোত্থোকশিং অমসুং সর্বিস খুদিংমক খুঙ্গংগী থাক্তা ফাইব স্তার ভিলিজ স্কিমগী মখাদা ফংহনগনি অমসুং কৈথেলদা ফংহনগনি অমসুং মীয়াম খঙহনগনি। ব্রাঞ্চ ওফিসশিংনা খুঙ্গংগী মীয়ামদা চঙবা পোস্ত ওফিস ফংহন্নবা মফম অমা ওইহনগনি। ফাইব স্তার স্কিমগী মখাদা পীরিবা স্কিমশিংদিঃ ১) সেবিং বেঙ্ক একাউন্ত, রিকরেন্ত দিপোজিৎ একাউন্ত, এন.এস.সি./কে.ভি.পি. সর্তিফিকেৎ, ২) সুকন্যা সমৃধি একাউন্ত/পি.পি.এফ. একাউন্ত, ৩) ইন্দিয়া পোস্ত পেমেন্ত বেঙ্ক একাউন্তশিংগা শম্নবা ফন্দেদ পোস্ত ওফিস সেবিং একাউন্ত, ৪) পোস্তেল লাইফ ইন্সুরেন্স পোলিসী/ রুরেল পোস্তেল লাইফ ইন্সুরেন্স পোলিসী অমসুং ৫) প্রধান মন্ত্রী সুরকশা বিমা য়োজনা একাউন্ত/ প্রধান মন্ত্রী জীবন বিমা য়োজোনা একাউন্তনি।

করিগুম্বা খুঙ্গং অমনা মথক্তা পল্লিবা স্কিম মরি অসি মপুং ফানা য়ৌহনবা তারবদি, হায়রিবা খুঙ্গং অদু স্তার মরিগী থাক্তা লৈরে, করিগুম্বা খুঙ্গং অমনা স্কিম অহুম মপুং ফাহনবা ঙম্লবদি, খুঙ্গং অদু স্তার অহুমগী থাক্তা লৈরে।

স্কিমসিবু হৌদোক্লদুনা, কেন্দ্রগী কম্ম্যুনিকেসনগী রাজ্যগী মন্ত্রী শ্রী সঞ্জয় ধোত্রেনা হায়খি মদুদি স্কিমশিং অসি মহারাস্ত্রদা অহানবগী চাংয়েংগী ওইনা হৌদোকখি; মফম অসিদা থেংনখিবগীদুগী মতুং ইন্না, লৈবাক শীনবা থুংনা পায়খৎকনি। "পোস্তমেন অমসুং পোস্তেল দিপার্ত্মেন্না মীচম অমগী য়াম্না মরুওইবা শরুক অমা ওইরি। ইন্দিয়া পোস্তনা কোবিদ-১৯গী অরুবা তাংকক লাকপা মতমদা অখন্নবা মওংদা, মখোয়দা হিদাক লাংথক অমসুং শেলগী মতেং পীদুনা মতেং পাংলি। প্রধান মন্ত্রী শ্রী নরেন্দ্র মোদীনা স্কিম অসিবু পীবীবদা নত্তনা মপুং ফানা পায়খৎলিব্রা হায়বদুসু য়েংশিনবীরি। পোস্তেল দিপার্ত্মেন্তনা সরকারগী স্কিমশিংবু থবক ওইনা পায়খৎনবা হোৎনবদা মখোয়গী চাউরবা নেৎৱার্ক অসি শীজিন্নদুনা মরুওইবা থৌদাং লৌরি। পোস্তেল স্কিমশিং অসি য়াম্না সেক্যুর ওইবা দিপোজিৎ পীবীবা অমসুং রিস্ক নেম্না শেন্দোইগী চাং ৱাংনা পীবীবগীদমক খঙনরি।" মন্ত্রীনা হায়খি মদুদি আত্মনির্ভরগী পান্দম ফংনবা লম্বী অসি অসিগুম্বা অপুনবা ওইনা লৌখৎপা স্কিমশিংবু শেলথুম য়াওনা পায়খৎপা থৌরাংশিং ওইগনি।

মহারাস্ত্রগী মফম খুদিংমক স্কিম অসিগী মখাদা কোনশিনগনি। অহৌবদা, মফম খুদিংগী খুঙ্গংগী জিলা/মফম অনী লৌখৎখিঃ নাগপুরদা অকোলা অমসুং ৱাশিম; ঔরাঙ্গবাদতা পর্ভানি অমসুং হিঙ্গোলি; নবি মুম্বাইদা সোলাপু অমসুং পন্ধার্পুরনি। জিল্লা অমমমগী অপুনবা খুঙ্গং ৫০বু চৎলিবা শেনবা চহী ২০২০-২১দা কোনশিনগনি। রিজনেল ওফিসশিংনা কোনশিনগদবা খুঙ্গংশিংবু খঙদোক্কনি।

স্কিম ইমপ্লিমেন্তেসন তীম

স্কিম অসি দিপার্ত্মেন্ত ওব পোস্তকী পোত্থোকশিং য়োন্নবা, সেবিং অমসুং ইন্সুরেন্স স্কিমশিংগীদমক খুঙ্গং অমবু লৌখৎকদবা গ্রামিন দাক সেবক মঙানা পায়খৎকনি। কাংবু অসি মরী লৈনবা ব্রাঞ্চ ওফিস অদুগী ব্রাঞ্চ পোস্ত মাস্তরনা লুচিংগনি। মেল ওবজর্বরনা নুমিৎ খুদিংগী ওইনা কাংবু অসিগী থবক য়েংশিনগনি। কাংবু অসিবু দিবিজনেল হেদ, এসিস্তেন্ত সুপরিন্তেন্দেন্ত পোস্ত অমসুং ইন্সপেক্তর পোস্তনা লুচিংগনি অমসুং য়েনশিনগনি।

কেম্পেন

গ্রামিন দাক সেবক্কী কাংবু অসিনা স্কিমশিং অসিগী মতাংদা য়ুম্থোং খুদিংগী অয়াবা য়াওরবা খুঙ্গংগী মীয়ামদা এৱের্নেস কেম্পেন চৎকনি। পাকশন্না খঙননবগীদমক ব্রাঞ্চ ওফিসশিংগী নোতিস বোর্দতা ই-পাউশিং থেৎকনি। পঞ্চায়ৎ ওফিস, স্কুল, খুঙ্গংগী অনা লাইয়েংশঙ, বস দিপোৎ, কৈথেলগুম্বা মরুওইবা মফমশিংবু একবর্তাইজমেন্তকীদমক শীজিন্নগনি অমসুং চেজাইশিংসু চাইথোক্কনি। কোবিদ-১৯গী চৎন-কাংলোন ঙাক্না  অপীকপা মেলাশিংসু শীনগনি।

ত্রেনিং অমসুং মোনিতরিং

স্কিম পুম্নমক কোনশিল্লদুনা তঙাইফদবা ত্রেনিং অমসুং ইনফ্রাস্ত্রকচরশিং খন্দোক্লবা খুঙ্গংশিংগী ব্রাঞ্চ ওফিসশিংদা পীগনি। স্কিম অসিগী খুমাং চাউশিনবগী চাং অমসুং পান্দম ফংবগী চাং সার্কল, রিজনেল অমসুং দিবিজনেলগী থাক্তা য়েংশিনগনি। থাগী খুমাং চাউশিনবগী চাং চীফ পোস্ত মাস্তর জেনরেলনা য়েংশিনগনি।

মহারাস্ত্রা সার্কল অমসুং গোৱাগী চীফ পোস্ত মাস্তর জেনরেল, শ্রী হরিশ চন্দ্র অগ্রৱালনা মহারাস্ত্রগী মন্ত্রীদা ফাইব স্তার ভিলিজ স্কিম মায় পাকহন্দুনা লৈবাক শীনবা থুংনা পায়খৎনবগী লম্বী য়াৎকনি হায়না থাজবা পীখি। দিরেক্তর জেনরেল (পোস্ত) শ্রীমতি স্বতি পান্দেসু ওনাইন্দা হৌদোকপগী থৌরম অদুদা শরুক য়াখি।

*****



(Release ID: 1653152) Visitor Counter : 29