কেমিকেল্স অমসুং ফর্তিলাইজর মন্ত্রালয়
বেঙ্গল কেমিকেলস অমসুং ফার্মস্যুতিকেলস লিমিতেদনা ওগস্ত ২০২০দা মমাংদা তৌখিদ্রিবা মওংদা লুপা করোর ৮.৩গী শেনফমগী ফেনেওল পুথোক্তুনা কম্পেনী অসিগী চহি ১২০গী পুৱারীদা খ্বাইদগী য়াম্বা ওইখি
হৌখিবা চহি ৪ অসিদা কম্পেনী অসিগী অতোঙবগী রেসিও অসি ৪%তগী ৩০%দা হেনগৎলে
Posted On:
09 SEP 2020 5:32PM by PIB Imphal
বেঙ্গল কেমিকেলস অমসুং ফার্মস্যুতিকেলস লিমিতেদ – বি.সি.পি.এল.না ওগস্ত ২০২০দা মমাংদা থোকখিদ্রিবা মওংদা লুপা করোর ৮.৩গী শেনফমগী ফেনেওল পুথোক্তুনা কম্পেনী অসিগী চহি ১২০গী পুৱারীদা খ্বাইদগী য়াম্বা ওইখি।
![](https://static.pib.gov.in/WriteReadData/userfiles/image/IMG-20200825-WA0062W7M3.jpg)
বেঙ্গল কেমিকেলস অমসুং ফার্মাস্যুতিকেলস লিমিতেদ অসি কেমিকেলস অমসুং ফর্তিলাইজর মন্ত্রালয়গী মখাদা লৈবা পি.এস.য়ু. অমনি।
কেমিকেলস অমসুং ফর্তিলাইজরগী কেন্দ্র মন্ত্রী শ্রী দি.ভি. সদানন্দ গৌদানা কম্পেনী অসিগী মেনেজমেন্ত অমসুং থৌমীশিংবু অসিগুম্বা মশিং য়াম্না পোত্থোক পুথোকপগী থৌওং পাঙথোকপগীদমক্তা থাগৎপা ফোঙদোকখ্রে।
ফাইনান্স দাইরেক্তর অমসুং মেনেজিং দাইরেক্তর শ্রী পি.এম. চন্দ্রাইয়ানা ফেক্তরী অসিনা সেপ্তেম্বর ২০২০দা লুপা করোর ১০গী পোত্থোক পুথোকপগী পান্দম ফংনবা কন্না হোৎনরি হায়খ্রে।
বেঙ্গল কেমিকেলসকী খ্বাইদগী মরু ওইরিবা পোত্থোক “লেম্প ব্রেনোল ফেনেওল” অসি পনিহাতি ফেক্তরীদা পুথোকপনি।
কোবিদ-১৯গী লোকদাউন লৈখ্রবসু পনিহাতি ফেক্তরীনা পোত্থোক পুথোকপগী মতাংদা নীংথিনা থবক পাঙথোকপগী থৌওং উত্তুনা শেন্দোংসু তানবা ঙমখি। কোবিদ-১৯গী মরম ওইদুনা অপাম্বগী চাং হেনগৎলক্লিবা অসিবু থেংনবা ঙম্নবা হায়দুনা কম্পেনী অসিগী পনিহাতি য়ুনিৎ অসিনা মমাংদা অমুক্তা তৌখিদ্রিবা মওংদা নোঙমদা ফেনেওল বোত্তল ৫১,৯৬০ পুথোকপা ঙমখি।
হৌজিক চৎলিবা শেনবা চহি অসিগী ওগস্ত ৩১, ২০২০ ফাওবগী হৌখিবা থা ৫দা বি.সি.পি.এল.না লুপা করোর ৯.৬কী শেন্দোং তানবা ঙমখি অমসুং মমাং চহিগী মান্নবা থা তরুক্তা তানখিবা লুপা করোর ৫.৬কী শেন্দোং অমসুং অপুনবা চহিগী ওইখিবা লুপা করোর ১৪.৪গী শেন্দোং অদুগা চাংদম্নবদা হন্দক্কী সেপ্তেম্বর ৩০, ২০২০দা লোইগদবা চহি তংখায়গী ওইনা অপুনবা শেন্দোং লুপা করোর ১৪.৬ তানগনি হায়না পানরি অমসুং হন্দক্কী চহিগী শেন্দোং অসিনা মমাং চহিগা চাংদম্নবদা হন্দক্কী চহিনা ২৬০%গী চাং হেল্লগনি।
মমাংগী শেনবা চহি ২০১৯-২০গী হৌজিক্কী মান্নবা মতম অসিদা ওইখিবা কম্পেনীগী শেন্দোংগী রেসিও ১৭% ওইখিবা অদুগা হৌজিক চৎলিবা শেনবা চহি অসিগী হৌখিবা থা ৬কী ওইবা কম্পেনীগী শেন্দোংগী রেসিও অসিগা চাংদম্নবদা ৩০%গী চাংদা হেনগৎলে। হৌখিবা চহি ৪ অসিদা কম্পেনী অসিগী অতোঙবগী রেসিও অসি ৪%দগী শরুক নিপান হেন্দুনা ৩০%দা হেনগৎলে।
বেঙ্গল কেমিকেলস অমসুং ফার্মাস্যুতিকেল লিমিতেদ অসি য়ুমগী শিজিন্ননবা ফার্মা অমসুং ইন্দস্ত্রীগী পোত্থোকশিং শাবা ভারতকী অহানবা ফার্মাস্যুতিকেল কম্পেনীনি।
*****
(Release ID: 1652718)
Visitor Counter : 131