হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)গী সেক্রেতরী শ্রী দুর্গা শঙ্কর মিশ্রানা হায়খিবদা হরিয়ানাগী লোকেল বোদী (য়ু.এল.বি.)খুদিংমক ওপন দিফিকেসন ফ্রী (ও.দি.এফ.) ওইদুনা য়ু.এল.বি. ২১না ও.দি.এফ.+ অমসুং ১৩না ও.দি.এফ.++ ওইনা শক খঙখ্রে হায়খি। পঞ্জাবকী শহর খুদিংমক ও.দি.এফ ওইবগী মনুংদা ৩৩না ও.দি.এফ+ অমসুং ১৭না ও.দি.এফ++ ওইনা শক খঙখ্রে। চান্দিগরসু ও.দি.এফ.++ অমসুং ৩ স্তার (জি.এফ.সি.)গী থাক্তা শক খঙখ্রে। পঞ্জাব, হরিয়ানা অমসুং চান্দিগর য়ু.তি.গী সেনিয়র ওফিসিএলশিংগা পাঙথোকপা ওনলাইন্দা থবক য়েংশিনবগী মীফম অমদা এম.ও.ঐচ.য়ু.এ.গী সেক্রেতরীনা রাজ্য/য়ু.তি.শিংনা মখোয়গী য়ু.এল.বি. খুদিংমক ও.দি.এফ.+, ও.দি.এফ.++তা ফগৎহন্দুনা ফত্ত-হৌদি লৈতবা শহর ওইহন্নবা হায়খ্রে। হরিয়ানা সরকারগী চীফ সেক্রেতরী মিস কেশ্নি অনন্দ অরোরা, পঞ্জাব সরকারগী চীফ সেক্রেতরী শ্রীমতি বিনি মহাজন অমসুং চান্দিগর য়ু.তি.গী এদমিনিস্ত্রেতরগী এদাবাইজর শ্রী মনোজ কুমার পরিদানা হাউজিং অমসুং অর্বান এফিয়র্সকী মিসন দাইরেক্তরশিংগা লোয়ননা মীফম অদুদা শরুক য়াখি।

হরিয়ানা রাজ্যনা আই.ঐচ.ঐচ.এল. য়ুনিৎ ৭১,০০০ শাবগী পান্দম থম্বগী মনুংদা ৬৫,৮২৯ (৯৩%) শাখ্রে অমসুং সি.তি./পি.তি. ফমফম ১০,৩৯৪ শাবগী পান্দমগী মনুংদা পুন্না ১১,৩৭৪ শাখ্রে। চান্দিগরনা আই.ঐচ.ঐচ.এল. য়ুনিৎ ৬,১১৭ শাবগী পান্দম ফংখ্রে অমসুং সি.তি./পি.তি. ফমফম ৯৭৬ শাবগী পান্দমগী মনুংদা পুন্না ২৪২৩ শাখ্রে অমসুং পঞ্জাবনা আই.ঐচ.ঐচ.এল. য়ুনিৎ ১,০০,১৫৭ (৯৯%) শাখ্রে অমসুং সি.তি./পি.তি. ফমফম ৬৪৩৫ শাখ্রে। রাজ্যশিং অসিদা আই.ঐচ.ঐচ.এল. শাবগী পান্দম অসি নীংথিজনা অথুবা মতমদা লোইশিন্নবা খঙহনখ্রে।

​চান্দিগরনা হৌজিক হৌজিক তি.পি.দি. ফত্ত হৌদি ৪৮২ থোকপগী ৯১% প্রোসেস তৌবগী থবক চত্থরি অমসুন হরিয়ানানা তি.পি.দি. ৪৮৯৫কী মনুংদা ৫০% প্রোসেস তৌরি। পঞ্জাবনা তি.পি.দি. ৪১০৮গী মনুংদা ৭১% প্রোসেস তৌরি। এম.ও.ঐচ.য়ু.এ.গী সেক্রেতরীনা রাজ্য/য়ু.তি.শিংদা প্রোসেস তৌবগী চাং হেনগৎহন্নবা খঙহনখ্রে।

​ পঞ্জাব অমসুং হরিয়ানা য়ুম্থোং খুদিং চত্তুনা ফত্ত-হৌদি খোম্বগী থবক অস মথংশিৎনা ৯৭% অমসুং ৯৪%গী চাংদা পাঙথোকপা ঙম্লে। চান্দিগরদি থবক অসিদা ১০০%গী চাংদা পাঙথোকপা ঙম্লে। পঞ্জাবতা ফত্ত-হৌদি খায়দোকপগী থবক অসি মসিগী ৱার্দশিংগী ৭৭%দা পাঙথোক্লি অমসুং হরিয়ানানা ৱার্দশিংগী ৬৫%দা পাঙথোক্লি অমসুং চান্দিগরদনা থবক অসি ৱার্দশিংগী ৯২%দা পাঙথোক্লি। এম.ও.ঐচ.য়ু.এ.গী সেক্রেতরীনানা রাজ্য/য়ু.তি.শিংদা মসিগী থবক অসি নীংথিজনা অমসুং খোঙজেল য়াঙনা পাঙথোক্নবা খঙহনখ্রে।

স্বচ্ছ সর্বেক্সন ২০২১গী হোঙলক্লিবা ফিভম অসিগী মতাংদা শুগাইনা তাক্লদুনা এম.ও.ঐচ.য়ু.এ.গী সেক্রেতরীনা হায়খিবদা ‘প্রেরক দোর সম্মান’ কৌবা অনৌবা মনা অমা পীরগনি হায়খি।  মসিগী মনুংদা চন্নবগীদমক্তা তঙাই ফদবশিং অসি ফত্ত-হৌদি খায়দোকপা, অচোৎপা ফত্ত-হৌদি প্রোসেসিং তৌবা ঙম্বগী চাং, ফত্ত-হৌদি রিসাইকল তৌবা, ফত্ত-হৌদি রিসাইকল তৌবা অমসুং মাঙহনবা, ফত্ত হাউদি ফুম্ফমদা থাবা ফত্ত হৌদিগী চাদা ওইবা চাং অমসুং শহরগী সেনিতেসনগী ফিভমদা য়ুম্ফম ওইগনি অমসুং মনা অসিগী মকোক মথং অসি ‘দিব্যা’, ‘অনুপম’, ‘উজ্বল’, ‘উদিৎ’ অমসুং ‘অরোহি’ হায়না খায়গনি। মহাক্না শহর অসিনা ফত্ত-হৌদিশিংবু মতৌ করম্না শেন্নদগগে হায়বগী মিৎয়েংদা হোংলক্লিবা ফিভম অমসুং মসিবু লু-নান্না থম্বা অসিনা শহর অসিবু ফজহনবদা তেংবাংলিবনি অমসুং রাজ্যশিংনা হীরম অসিদা কন্না হোৎনগদবনি হায়খি। এম.ও.ঐচ.য়ু.এ.গী সেক্রেতরীনা রাজ্য অনি অমসুং য়ু.তি. অসিনা য়ামদ্রবদা উজ্বল (লুপা)গী থাক্তা লৈনবা পান্দম থমগদবনি হায়খি।

রাজ্য অনি অসিগী চীফ সেক্রেতরী অনিমক অমসুং চান্দিগরগী এদভাইজরনা মখোয়না সাইন্তিফিক প্রোসেসিংগী থৌওং য়াওনা স্বচ্ছ ভারত মিসনগী মতাংদা পায়খৎলিবা থবকশিংগী মতাংদা ৱাফম থম্নখি।  রাজ্য অমসুং য়ু.তি. অসিগী থবকশিং হেন্না ফগৎহন্নবা থবক পায়খৎলি অমসুং মখোয়না নীংথিনা পাঙথোকপা ঙমগনি হায়বগী থাজবা পীখি। এম.ও.ঐচ.য়ু.এ.গী সেক্রেতরীনা মখোয়না মিসন অসিগী মখাদা মখোয়গী থবক তৌবগী ফিভম হেন্না ফগৎহন্দুনা স্বচ্ছ সর্বেক্সন্দা মখোয়গী থাক ৱাংখৎলকপা অসিগীদমক্তা  থাগৎপা ফোঙদোকখি। মসিনা মীয়াম্না শহরশিং অসিদ য়েংলিবা মিৎয়েংদা অহোংবা পুরক্কনি অমসুং মসিনা শহরশিং অসিদা শেন্মিৎলোনগী খুদোংচাবা অমুক পীরগনি। মহাক্না মীয়াম্না ফত্ত-হৌদি খায়দোকপা অসিনা শহর অসি লু-নান্না অমসুং নুংঙাই য়াইফনা থম্বগী মরু ওইবা থৌওং অমনি হায়রদুনা ইন্দোর শহরদা লৈরিবা বাইও-মেথানেসন প্লান্ত অসিগী খুদম পীখি। প্লান্ত অসিনা ম্যুনিসিপালিতীদগী মখোয়না খোমজিনবা অচোৎপা ফত্ত-হৌদিশিং অসিবু মতিক চাবা শেনফম পীদুনা লৈরি হায়না মহাক্না পনখি। এম.ও.ঐচ.য়ু.এ.গী সেক্রেতরীনা রাজ্য/য়ু.তি.শিংদা পান্দম অমা থমদুনা মখোয়গী শহরশিংগা থবক তৌমিন্নদুনা পান্দমশিং অদু ফংনবা হোৎননবা খঙহনখি।

******