চহী অসিদা খা-নোঙচুপ মোন্সুন মরাং কায়বা অমসুং পাক শন্না লাকপনা লৌমীশিংবু মতেং পাংলগনি অমসুং চাথোক ফগৎকনি। মিৎকুপ অসিদা অকক্নবা চাং কয়ানো হায়বা তাকপা ঙমদ্রবসু মসিনা ভারতকী শেন্মিৎলোনদা মতেং পাংগনি। মসিনা শেন্মিৎলোন্দা শাফু কয়াম পীগদগে হায়বদুদি খঙদ্রি।" লৈবাক অসিদা অপুনবা ওইনা অহেনবা নোং চাদা ৭ হেন্না চুখি।

ৱাফম অসি দা. এম. রজীবন, সেক্রেতরী, আর্থ সাইন্স মন্ত্রালয়না ফোংদোকখিবনি।

দা. এম. মহোপত্রা, আই.এম.দি.গী দিরেক্তর জেনরেলনা হায়খি মদুদি লৈবাক অসিনা সেপ্তেম্বর থাদা মহৌশাগী চাংদগী খরা হেনবা নোং চুরবা য়াই, অদুবু সেপ্তেম্বরগী অনীশুবা চয়োলদদি মোন্সুন অসি লৈবাক অসিগী মফম অয়াম্বদা, ভারতকী অৱাং নোংচুপ অমসুং ময়াইলম য়াওনা ৱাৎলবা য়াই। অদুবু সেপ্তেম্বর ১৭কী মতুংদা অমুক মখা চত্থরবা য়াই হায়না মহাক্না ফোংদোকখি। মোন্সুন হল্লকপা য়াবগী মহৌশাগী ওইবা মতম অসি সেপ্তেম্বর ১৭নি।

দা. এম. রজীবন অমসুং দা. মহোপত্রানা ঙসি মফম অসিদা পাংথোকখিবা ভর্চুএল প্রেস কনফরেন্স অমদা ফোংদোকখি।

(হৌজিক ফাওবদা লৈরিবা মোনসুনগী নোং)

দা. এম. মহোপত্রানা পুথোকখিবদা আই.এম.দি.না চয়োল খুদিংগী মখোয়গী অঈং-অশাগী পাউদমদা মোন্সুন হল্লকপসি সেপ্তেম্বর ১৮গী অরোইবা চয়োল স্বাইদা রাজস্থানগী নোংচুপ থংবা শরুক্তগী হৌরকপা য়াই হায়রি। অদুবু মতম অসিদা বে ওব বেঙ্গালগী নোংচুপ থংবা ময়াইৱাইদা প্রেসর নেম্বা মফম অমা শেমগৎলকপা য়াই হায়রি। মহাক্না হায়খি, মোন্সুন হল্লকপা হৌরকপা য়েংশিনবগা লোইননা, ঐখোয়না হৌজিকসু করম্বা মতমদা মপুং ফানা হনখিগদগে হায়বদুসু থিজিল্লি। কেরলা, কর্নাতকা, অমসুং মহারাস্ত্রগী শমুদ্র খোংবাল থংবা শরুক্তা ঐখোয়না সেপ্তেম্বর ১৭ অমসুং মসিগী মতুংদা মহৌশাগী চাংদগীনা মসিদগী হেনবা নোং চুরবা য়াই হায়না মহাক্না হায়খি। অতোপ্পা ৱাহৈ অমদনা, ওগস্তকা চাংদম্নবদা সেপ্তেম্বরদা নোং চুবগী চাং হন্থরক্লবসু অমসুং মহৌশাগী চাংদগী নেম্না লৈরবসু, অনৌবা অঈং-অশাগী পথাপ অমা শেমগৎলক্লিবনা থংনবা নুমিৎ খরনিসিদা নোং অমুক হন্না চুরবা য়ারি।

দা. মহোপত্রানা হন্দক্কী কুম অসিগী মোন্সুনগী নোং চাং নাইদবগী চাং অসি চহী অসিদা জুন্দা নোং হেন্না চুখিবা, জুলাইদা ৱাৎপা, অমসুং ওগস্ততনা অমুক কা হেন্না চুবনা খরা ৱাংখি। মহাক্না হায়খি, ত্রোপিকেল এৎমোস্ফিয়রদা ইন্ত্রাসিজনেল ভেরাইএবিলিতী (নুমিৎ ৩০নিদগী ৯০ ফাওবা)গী খ্বাইদগী চাউনা লৈবা এক্তিব মেদ্দন-জুলিয়ান ওসিলেসন (এম.জে.ও.), অমসুং অইংবা এল নিনো ন্যুত্রেল কন্দিসন অসি ওগস্ততা চুবা অফবা নোংনি।

মহাক্না হায়খি, আই.এম.দি.না অকনবা নোং চুগনি হায়বগী মাংজৌননা তাকপসু চাদা ৮০গী চাংদা চুম্বা হেনগৎলে। দা. রজীবন অমসুং দা. মহোপত্রা অনীমক্না হায়খিবদা, আই.এম.দি.না সুপর সাইক্লোন অম্ফানগী মওং মতৌ চপ চানা মাংজৌননা হায়বা ঙমখি অমসুং মীওই কয়াগী পুন্সি অমসুং মান-চাং কনখি। অদুবু, মখোয়না নোংপোক অমসুং নোংচুপ শমুদ্র খোংবালগী সাইক্লোন্দি তোঙানবা অঈং অশাগী মওং মতৌ লৈ অমসুং মখোয়বু কুপ্না শেন্নবা অমসুং মাংজৌননা তাকপদুগা খরা খেন্নবা লৈবা য়াওই হায়না য়াজখি। সাইক্লোণ নিসার্গাদুসু মতীক চানা শেন্নখি অমসুং প্রেসর নেম্বা মফমদগী খ্বাইদগী ৱাংবা ফাওবা শেন্নখি অদুবু মদুনা কদাইদা তাখি হায়বদুদি খেন্নবা খরা লৈখি।

দা. মহোপত্রানা আই.এম.দি.না লৌখৎলকপা অনৌবা থৌরাং খরগী মনুংদা "চয়োলগী ৱেদর ফোর্কাস্ত" (ইংলিশ অমসুং হিন্দি) য়াওনা ৱেদর এপ -- *মোসম এপ*, *মেঘদুৎ এপ* অমসুং *দামিনি এপ*শিং অসি মীয়ামদা য়াম্না কান্নৈ হায়না ফোংদোকখি।

ভারতকী মোন্সুনগী শাফুনা অঈং অশাগী অহোংবদা পীরিবা শাফুগী মতাংদা, দা. রজীবন্না হায়খি মদুদি, মসিগী শাফু খরদি লৈ অমসুং আই.এম.দি.না হীরম অসিগী মতাংদা থবক কয়া লৌখৎলি হায়খি। অদুবু শাফুশিং অসি মতম মতমগী মতুং ইন্না খেন্নবা লৈ অমসুং মসিদা চাং নাইনা মান্নবা হায়বদু লৈতে হায়খি।

সেক্রেতরী এম.ও.ই.এস.না আই.এম.দি.না অনৌবা অমসুং অহেনবা রাদার কয়া লৈবাক শীনবা থুংনা লিংখত্তুনা অহেনবা দেতা খোমজিন্ননবা হোৎনরিবা অমসুং তুংদা লাক্কদবা তোঙান-তোঙানবা অঈং অশাগী ফিবম মাংজৌননা তাকপা ঙম্নবগীদমক হোৎনরিবশিংগী মতাংদা শুগাইনা পাউদমখি।

১. পি.পি.তি. প্রজেন্তেসনগী হাইপর্লিঙ্ক

*****