ঙাকশেল মন্ত্রালয়
মোস্কোদা পাংথোকপা এস.সি.ও, সি.এস.তি.ও. অমসুং সি.আই.এস মেম্বর লৈবাকশিংগী দিফেন্স মিনিস্তরশিংগী অপুনবা মীফমদা রক্ষা মন্ত্রী শ্রী রাজনাথ সিংহ ৱা ঙাংখ্রে
থাজনবা অমসুং মতেং পাংনবা, খৎনদবা, মালেমগী নিয়মশিং অমসুং চৎনবীশিং ইকায়খুম্নদুনা এস.সি.ও লমদমদা শান্তি অমসুং সেকুরিতি পুরক্নবা তকশিনখি
Posted On:
04 SEP 2020 5:03PM by PIB Imphal
রক্ষা মন্ত্রী শ্রী রাজনাথ সিংহনা হায়খি, “ অমনা অমগী অপাম্বশিং খঙনদুনা অমসুং য়ানদবশিং শান্তি ওইনা ৱারোইশিন পুরক্তুনা, থাজনবা অমসুং মতেং পাংনবা, খৎনদবা, মালেমগী নিয়মশিং অমসুং চৎনবীশিং ইকায়খুম্নবা লৈনবা ফিবম অমা শেমগৎতুনা, মালেমগী অপুবনা মীশিংগী চাদা ৪০ হেন্না লৈরিবা এস.সি.ও মেম্বর লৈবাকশিং শান্তি ওইবা, তুংদু লৈতাবা অমসুং অশোই-অঙাম থোক্তবা তঙাইফদে”। ঙসি মোস্কোদা সংহাই কোওপরেসন ওর্গনাইজেসন(এস সি ও), কল্লেক্তিব সেকুরিতি ত্রিতি ওর্গনাইজেসন(সি এস তি ও) অমসুং কম্মনৱেল্থ ওফ ইন্দিপেন্দেন্ত স্তেৎস(সি আই এস) লৈবাকশিংগী রক্ষা মন্ত্রীশিংগী অপুনবা মীফমদা মহাক্না ৱা ঙাংখি। মহাক্না মখা তানা হায়খি, “ করিগুম্বা ঐনা ঐখোয়গী প্রধান মন্ত্রীগী ৱাখল্লোন অমা শীজিন্নবা তারবদি, ঐখোয়গী পান্দমদি লমদম অসিদা চাউখৎপা অমসুং সেকুরিতি পুরকপনি”।
হৌজিক মালেম অসিনা মায়োক্নরিবা শিংবশিং পল্লদুনা মহাক্না হায়খি, তেরোরিজম, ময়াই কাবা চীঞ্জাক পুথোক-পুশিন তৌবা অমসুং লৈবাক লান্না মীহাৎ-মীপুন পাংথোকপগী থবকশিং থেংননবা ঐখোয়না ইন্সতিতুৎশিংগী হৈশিংবা হেনগৎহনবা দরকার ওই। ভারতনা মখল খুদিংমক্কী তেরোরিজমশিং য়াদে হায়বা ময়াম্না খঙলে। এস.সি.ও রিজনেল এন্তি-তেরোরিজম স্ত্রকচর(রাতস)গী থবকশিং ভারতনা মরুওইনা লৌরি। রেদেকেলিজম অমসুং এক্সত্রিমিজম শন্দোকপা থিংনবা সাইবর ক্রাইমগী লমদা রাতসনা পায়খৎলিবা থবকশিং ঐখোয়না থাগৎলি। এক্সত্রিমিস্ত প্রোপেগান্দা অমসুং দি-রেদিকেলাইজেসন থেংননবা এস.সি.ও কাউন্সিলনা পায়খৎলিবা থবকশিং অসি অফবা অমনি।
পর্সিয়ান গল্ফ লমদমগী ফিবমদা নুংনাংবা ফোঙদোক্লদুনা শ্রী রাজনাথ সিংহনা হায়খি গল্ফ লৈবাকশিংগা ভারত্তা সভেত্যগী অমসুং কলচরগী মরীশিং লৈনরি। ভারতকা মরুপ ওইরিবা লমদম অসিগী লৈবাকশিংগী মরক্তা য়ানদবা লৈরবা অসি অমনা অমবু ইকায়খুম্নদুনা, লৈবাক অমনা অমগী সোভরেন্তি অমসুং লৈবাক মনুংগী থৌদোক-ৱাথোকশিংদা খুৎ থিংজিন্দনা য়ানবা পুরক্নবা ৱারি শান্নবা ঐনা লৈবাকশিংদা হায়জরি।
শ্রী রাজনাথ সিংহনা হায়খি, অফগানিস্থানগী ঙাকশেনগী ওইরিবা ফিবম অসি অফবা নত্তে। অফগান্না লুচিংবা, অফগান্না মপু ওইবা অমসুং অফগান্না লাকশিনবা অপুনবা শান্তিগী থৌরাং অমগীদমক ভারতনা মখা তানা মীয়াম অমসুং অফগানিস্থানগী সরকারদা মতেং পাংখিগনি। এস.সি.ও মেম্বর লৈবাকশিংগী মনুংদা পাউ ফাওনবদা অফগানিস্থানদা লৈরিবা এস.সি.ও কন্তেক গ্রুপনা মতেং পাংলি।
মালেমগী সেকুরিতি থৌরাং অসি অরোন-অথুপ লৈতবা, অপুনবা, নিয়মদা য়ুম্ফম ওইবা অমসুং মালেমগী আইনশিংদা য়ুম্ফম ওইনবা ভারতনা অচেৎপা থাজবা থম্লি হায়না শ্রী রাজনাথ সিংহনা অমুক হন্না ফোঙদোকখি। লান্মীশিংগী মরক্তা থাজনবা হেনগৎহন্নবা অমসুং লৌশিং শরুক য়ামিন্ননবা চহিগী ওইবা এন্তি-তেরর এক্সরসাইজ ‘পিছ মিসন’ পাংথোকপগীদমক শ্রী রাজনাথ সিংহনা রুসিয়ান ফেদেরেসন থাগৎখি।
রুসিয়াগী রক্ষা মন্ত্রী জেনেরেল সেরগৈ সোইগুনা চেবাউ পীরকপদগী শ্রী রাজনাথ সিংহ ওফিসিএল ওইবা খোঙচৎ অমদা সেপ্তেম্বর ৩-৫ ফাওবা মোস্কোদা লৈরি।
*****
(Release ID: 1651376)
Visitor Counter : 149