ভারত সরকারগী কমর্স অমসুং ইন্দস্ত্রি মিনিস্ত্রিগী জোইন্ত সেক্রেতরি সুরেস কুমারনা অহানবা শেমদোক্ত্রিবা দাইমন্দশিংগী ভর্চুএল বাইয়র অমসুং সেল্লর মিত হাংদোকখ্রে। নুমিৎ নিনিগী থৌরম অসি মমল য়াম্বা নুঙ অমসুং লৈতেংগী পোৎলমশিং মপান্দা থাদোকপদা মাংজিল থারিবা লুপ, জেম এন্দ জেৱেল্লরি এক্সপোর্ত প্রোমোসন কাউন্সিল ওফ  ইন্দিয়ানা শীনবনি। মিত অসিনা লৈগদবশিং অমসুং য়োনগদবশিং ভর্চুএল ওইনা উনবা অমসুং ৱারি শানবগী খুদোংচাবা পীগনি।

কমর্স অমসুং ইন্দস্ত্রি মিনিস্ত্রিগী জোইন্ত সেক্রেতরি সুরেস কুমারনা মহাক্কী হৌদোকপগী ৱারোলদা হায়খি, ভর্চুএল ওইনা লৈবা অমসুং য়োনবগী মওং অসি অনৌবা অমা ওইরগনি। হৌজিক ওইরিবা ফিবম অসি কয়া য়াম্না য়াংনা হোংলক্কনি হায়বা ঐখোয় খঙদে অমসুং ঐখোয়না লাইচৎ অসি ফরকপা ঙাইবা ঙম্লোই, মরম অদুনা অরোন-অথুপ ঙাক্তুনা ভর্চুএল ওইনা লৈগদবা মীওইশিং অমসুং য়োনগদবা মীওইশিং মখা তানা ললোন-ইতিক পাংথোকপা অসি তঙাইফদবনি।  মপান্দা পোৎ য়োনবদা মসিগী সেক্তর অসি ভারতকী খ্বাইদগী ফবা সেক্তর অমা ওইবদা ঐ হরাওই। লাইচৎ অসিনা মরম ওইদুনা ললোন-ইতিক্কী থবকশিংদা অকায়বা থোকহল্লবসু য়ু.এস.এ, চাইনা অমসুং য়ুরোপকী কৈথেলশিং অমুক হন্না হিঙ্গৎলকপগী খুদোংচাবশিং ঐখোয়না লৌগদবনি। মসিগী ভর্চুএল প্লেতফোর্মশিং অসি শীজিন্নবা অসি সেক্তর অসিগী অনৌবা অচৌবা খুদোংচাবা অমা ফংবা হৌবনি অমসুং তোঙান-তোঙানবা লৈবাকশিংগী পোৎ লৈগদবশিংগা উন্দুনা নহাক্কী ললোন-ইতিক্কী থবক্কী শরুক অমা ওইহনগদবনি।

জেম এন্দ জেৱেল্লরি এক্সপোর্ত প্রোমোসন কাউন্সিল ওফ ইন্দিয়াগী চেয়রমেন, কোলিন সাহনা হায়খি, লাইচৎ অসিনা নমদুনা ঐখোয় অতোপ্পা পাম্বৈ অমা খনহলবনি। লাইচৎ অসিগী অৱাবা লৈরবসু, মসিগী অফবশিংসু লৈরে, অমেরিকা অমসুং চাইনাগী কৈথেলশিং হান্নগুম ফজনা হাংলে অমসুং মসিনা ঐখোয়গী মপান্দা পোৎ থাদোকপগী থবকশিং অমুক হৌরে। শেমদোক্ত্রিবশিং য়োনবদা খুদোংচাদবা থেংনবা মরম্না শেমদোক্লবশিংগী মমল লেংদনা লৈরি।

জেম এন্দ জেৱেল্লরি এক্সপোর্ত প্রোমোসন কাউন্সিল ওফ ইন্দিয়াগী তুংগী থৌরাংশিংগী মতাংদা মহাক্না হায়খি ভারত অসি মমল য়াম্বা মগুন লৈবা দাইমন্দশিং ফংবা ওইরে অমসুং ভি.বি.এস.এম ফোর্মেত অসি শীজিন্নরিবশিংনা নুংঙাইবগা লোয়ন্না মশাগী ওইনা সেকুরিতিগী মচাকশিং য়াওজরে। দাইমন্দ, সনা তোপ্পা লৈতেংগী পোৎলমশিং, প্লাতিনমগী লিক-কোনশিং অমসুং চৎনবীগী লিক-কোনশিংগী অসিগুম্বা ভর্চুএল বাইয়র সেল্লর মিতশিং তুংদা পাংথোক্নবা থৌরাং তৌরি।

মসিগী ভর্চুএল বাইয়র সেল্লর মিত মরুওইবা শক্তম খর লৈরে :

• ওনলাইন ত্রেদিং; বাইয়র-সেল্লর মেতচিংগী ক্লাউদ স্তোরেজ
• একজিবিতরশিংনা উৎলিবশিং লৈরিবশিং অমসুং য়োল্লবশিংনা অপাম্বা খনবগী খুদোংচাবশিং
• অশেংবগা মান্নবা সিমুলেসন
• ভর্চুএল ওইনা পাংথোকপা ওইবনা, উনবা ফংদ্রে অমসুং য়ুম অমসুং ওফিসতগী ললোন-ইতিক পাংথোক্কনি
• থাজনবা থম্নবা অকনবা চেকশিন-থৌরাংশিং
• নেতৱার্কিংগী খুদোংচাবা হেনগৎহনবা
• পোৎ-চৈশিংগী কেতলোগশিং শেম্বা নৎত্রগা ময়েক য়াম্না শেংবা মমিশিং পুথোকপগী থবক্তা জেম এন্দ জেৱেল্লরি এক্সপোর্ত প্রোমোসন কাউন্সিল ওফ ইন্দিয়ানা মতেং পাংগনি
• মখোয়না দরকার ওইবা অকক্নবা পোৎথোক মখলশিং অদু লৈগদৌরিবশিংনা থিবা য়াগনি
• লাইভ ভিদিও মিতিং য়াওনা, পোৎথোকশিং ওনলাইনদা লৈগদৌরিবা মীওইশিংনা লাইনা য়েংবা য়ানবা জেম এন্দ জেৱেল্লরি এক্সপোর্ত প্রোমোসন কাউন্সিল ওফ ইন্দিয়াগী ৱেবসাইত য়াম্না লাইহনগনি
• লৈগদৌরিবা মীওই অমসুং য়োনগদৌরিবা মীওইগী মরক্তা লাইভ ওইনা মীফমশিং পাংথোক্নবা অমসুং পোৎথোকশিং য়েংনবা জেম এন্দ জেৱেল্লরি এক্সপোর্ত প্রোমোসন কাউন্সিল ওফ ইন্দিয়ানা অফবা মখলগী কেমেরাশিং পীগনি

জেম এন্দ জেৱেল্লরি এক্সপোর্ত প্রোমোসন কাউন্সিল ওফ ইন্দিয়াগী ভর্চুএল বাইয়র সেল্লর মিত ৱেবসাইদ প্লেতফোর্মদা ভিদিও মিতিং পাংথোক্কদবা মতম অমসুং নুমিৎ খঙহনগনি। লৈগদবা মীওইশিং অমসুং য়োনগদবা মীওইশিং ওনলাইনদা য়ানরবা মতুংদা, মখোয়গী ওইবা মিনিত ৪৫গী মিতিং অমা শীনগনি অমসুং নোংমগী মনুংদা লৈগদবা মীওইশিং অমসুং য়োনগদবা মীওইশিংগী মরক্তা মিতিং ৩দগী ৪ ফাওবা শীনগনি। একজিবিতর অমমমগী মিতিং আইদিশিং শেমগনি অমসুং লৈগদবা মীওইশিংদা পীগনি।

*****